Ester 8:10 - Katɔti Ɔku Kedee

¹⁰ Mordekai ɔ́ya na bénweni lɛku lɛmmɔ na Ɔga Ahasweros lɛnyi kemmo, na bétu ɔku ɔmmɔ ku nwuna kakwɛnimi. Na batu bani ngyi kalɛ na beelie bapɔnkɔ bani na bátumini béte ɔga, na beekeli usi momoomo geen na ɔ́ya na béti lɛku lɛmmɔ bésienku kɔlɛkɛ kɔmmɔ ƒui.

Ester 8:10 Referans Kwoze

Daniel 4:1

Ɔmɛni ɔ́si Ɔga Nebukadnesar kudɔ. Úte kadi ƒui bekyuli ku adi ƒui batɛmine bani nli kayawi kammɔ kemmo. Muugyele amii bekyuli ƒui ku kusɛ kusɛ ka ala ƒui atɛ ete-mii!

Yeremia 51:21

Na lítu bekpone bani nkɛ lɛgba ku bani ndanku kɛɛkɛ lɛ́bwɛ.

Yeremia 2:23

“Dɛ na bɛdubɔkana na bɛsu bɛnini, ‘Bulese lɛlɔ na bútakpa Baal baƒiɔ lɛnɔ’? Amii alati bɛnu ala ani na bɛ́bla na Hinom Kɔwɛ kemmo, kalɛ na bɛkɛ biikeli teesie taasɔ aani baƒlumu bakɔdi bani náƒɛ kɔnu.

Yesaia 66:20

Na badubɔlɛku bina banwani bɔsiku kadi bekyuli ƒui kɔlɔ lɛlɔ beboku ami Unwoti aani akpala kalɛ na Yerusalem. Na badubulie bapɔnkɔ ku bebuo ala betine ku kɛɛkɛ lidu lidu ku bebuo ala betine ku keƒu lɛlɔ bebo. Badubo-ma bɔkpanku buboku aani kalɛ na Israelƒuɔ beeti bana kakpa edula etela taakya akyami ani na bédie bése sɛsɛɛ úte emeyi amɛni udu kemmo teeboku-mi na mina kakpakɔ.

Yesaia 60:6

Na bina kalɔ ƒui kadubuyi ku kɛɛkɛ lɛni na bebuo ala betine bani bási Midia ku Eƒa ku ala abuni pii bebeyile ɔma ɔmmɔ. Na Seeba kadi bekyuli badubɔsiku bana sika ugyiedi ku oloƒui beboku na adubunu ka beemwi Unwoti lɛnyi.

Etemila 8:4

Ɔga litemi lɛdi ɔda bubo na ɔdi ɔɔɔdubo bɔta kalɛ kalɛ na uye-nwu ɔnii bi ɔsu na ɔɔbla lɛla lɛdi na ulu ɔdi lɛlɔ.

Hiob 9:25

“Usi kani na mina ngba bɔkɛ búsela, ɔni na ebiti ina blii suɛ eeebo-mu kemmo.

Ala Alɛdi 2 30:6

Amu na Hesekia batu bani na ɔ́tala mmɔ báyu ulu linyesia ɔku ɔmɛni bésienku Israel kesii biala. Na ɔku ɔmmɔ kenye kaasu kanini, “Israel kadi bekyuli, ka kuli kɔ́dia-bu na bɔ́lɛ Asiria baga enu kemmo na kekpo kéteƒie-bu ƒui ni, bɛya na ɔƒɛni anwu bunwini bubo Unwoti Katɔti ɔni na bula bati kuuku Abraham ku Isak ku Yakob bákpa kudɔ. Na si bɛ́bla ɔmɛni ni, ɔdubɔda kɔnyi buti bɔkya-bu ɔya.

Baga 1 21:8

Ɔmmɔ ɔsu Isebel úti Ahab lɛnyi na únweni lɛku na úti-ni úmene benengu ku bakutine bani nási Nabot ɔma Yesreel.

Baga 1 4:28

Na lɛni kani na beeboku bapɔnkɔ bani mɔɔní kɛɛkɛ mmɔ alakpi ku bapɔnkɔ bamba ku alakpi ani lɛlɔ na batɛ kalɛ na ɔdi ka ɔdi biala ute.

Ester 8:8

Anwuɔsu nweni lɛla lɛni na ánu ka lɛ́manku Yudaƒuɔ na etu ɔku ɔmmɔ kɔnu ku mina kakwɛnimi kani mɔɔtina ka ami ɔga nákya ɔku ɔmmɔ kɔnu. Na ukyuli biala ulakana lɛla lɛni na nkya ɔku ɔmmɔ kemmo bɔvumana.”

Daniel 6:8

Die lɛdi na benweni ɔmɛni, na akya ƒula kɔnu bunweni bɔmmɔ kalɔ kalɛ na balakana ɔmɛni bɔvumana kudii aani kalɛ kani na balavumana Mediaƒuɔ iye Persiaƒuɔ ɔda bubo bɔdi kalɛ.”