Ester 4:11 - Katɔti Ɔku Kedee

¹¹ “Ɔga benengu bammɔ ƒui ku bagadine bani na bakya kɔlɛkɛ kɔmmɔ lɛlɔ ƒui bagyi ka ukyuli ɔni na adubɔda bɔlɛ-nwu lɛlɔ na ɔɔɔdi anwu násu ɔnii balɔ-ɔ beboku ni, ɔnana na adi o-o uleku na adi o-o ni, bɔdu na badubo-ɔ. Na si kuli kɔ́dia-a na úti nwuna sika ugyiedi ɔgagyii ɔ́kywɛ-ɔ ni, na anwu na adubulie ngba. Ɔƒɛni ni, ɔ́ɔbla aani emeyi avlaatɛ mɛni ka bálɔ-mi na lísie-nwu kudɔ.”

Ester 4:11 Referans Kwoze

Ester 8:4

Amu ka ɔga ɔmmɔ únene nwuna sika ugyiedi ɔgagyii ɔ́tina Ester ni, ɔ́ta úbenye-nwu anumi.

Ester 2:14

Useyi uwi na uleku ɔni na ƒula uwi údu ka esie ɔga kudɔ ésela na atákya mmɔ útálɛ kadi bugye ɔtanta. Na si ási mmɔ ni, badubɔkpanku-ɔ besienku ɔga basɔnɔ lɛlɔ ɔnune ɔni baalɔ Sasgas na atákya basɔnɔ bammɔ kakyakɔ mmɔ na aka kese bun. Na si ƒula lɛlɔ lɛ́da ɔga ebiti ni, anwu na ɔdubɔya na basɔ baalɔ-ɔ bete-nwu.

Ester 6:4

Uwi ɔmmɔ kemmo kani ni, Haman úbo ɔnii ubasu ɔga na ɔya na bakya Mordekai ɔbuli limɔ baƒala akpa ku ɔta bonwu ɔni na ɔ́tu únyene mmɔ lɛlɔ. Nsu ɔga ɔmmɔ ɔ́ɔnu-nwu úmene, anwuɔsu ɔ́kpali úye ɔnini, “Awɔ ɔma na ɔdi nnye mmɔ?”

Ester 1:19

“Anwuɔsu si ami ku-mii kasusu kadubɔbla unwi ni, na ɔga ɔya na bunyimi ɔda bubo kpakplaa bɔdi, na basɔ balavumana-mu lɛnɔ kudii. Na bakɔ-mu lɛsa bete kadi ƒui banii Beleku Ɔga Wasti ɔsɔ uuubo kuƒi na ɔsɔ ɔda ɔlɛ bula ɔga anumi kudii lɛnɔ ɔ́si ɔmwi limeyi lɛmɛni lɛlɔ. Na ɔga ɔƒɔ-nwu kenyekɔ kammɔ ute uleku bamba ɔni na ɔdia utulo-nwu ƒui.

Petro 1 3:7

Amii bagya lɛnɔ ni, bɛya ala kalɔ bunu bɔkya amii ku bina beleku ntɛ, ɔsika beeebo ɔyikun aani bina kalɛ. Biti ɔbu bite-ma, ɔsika amii ku-ma ƒui na Katɔti ɔ́su úse ka ɔdubuti ngba bɔni nsɔ naaadubo bɔsa kudii ute. Na si amii bagya bɛ́bla ɔmɛni ni, Katɔti ɔdubunu bina ƒui katɔ bɔkpali.

Ester 4:10

Mmɔ na anwu lɛnɔ ɔ́sɔku-nwu ɔ́tala ɔnii utásu Mordekai ɔnini,

Ester 4:12

Ka Mordekai únu Ester kenye kamɛni ni,