Eƒesoƒuɔ 6:3 - Katɔti Ɔku Kedee

³ Búsie anumi bɔnii, “Kalɛ na keyi kayɔku-ɔ na elie ngba gyɔlɔɔ na kalɔ lɛlɔ mɛni.”

Eƒesoƒuɔ 6:3 Referans Kwoze

Lɛkpa Ulu 5:16

Bu ƒula ɔti ku ƒ'ini aani kalɛ na ami bina Unwoti líbo-mii ɔda na adubulie ngba gyɔlɔɔ na keyi kadubɔyɔku-ɔ na kalɔ kani na líti muute-ɔ lɛlɔ.

Lɛkpa Ulu 4:40

Na nwuna ɔda bubo bɔni ƒui líti líte-mii ɔmwi limeyi lɛmɛni lɛlɔ ni, bɛdi-mu ƒui lɛlɔ. Na lɛla biala na bɛɛbla ni, lɛdubɔtɛ lite-mii kaduɛ ku bina bawɔ ƒui. Na ɔmɛni ndubɔya na bilie kalɔ kani na bina Unwoti Katɔti úti uute-mii mɛni ka biti-ka bɛbla bina kadikɔ uwi ƒui.

Lɛkpa Ulu 12:28

Na si bɛɛdi ɔda bubo bɔni na bina Unwoti Katɔti úte-mi mɛni lɛlɔ ni, ɔmɛni ndubɔya na uteebunku amii ku bina bawɔ na lɛla biala na bɛɛbla lɛtɛ lite-mii.

Lɛkpa Ulu 12:25

Na si bɛɛdi ɔda bubo bɔmɛni lɛlɔ ni, kaƒɔ kadubɔyɔ Unwoti na ɔdubɔya na amii ku bina bawɔ keyi kayɔ.

Lɛkpa Ulu 6:3

Israelƒuɔ, binu! Bɛnu kaduɛ na bɛdi ɔda bubo bɔmmɔ lɛlɔ. Na ɔmɛni ndubɔya na lɛla biala lisieku-mii kaduɛ. Na bɛdubo bumomo bubu na kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii na bísela bitélie mmɔ lɛlɔ aani kalɛ na Unwoti ɔni ndi Bula Bati Kuuku Katɔti ɔ́su úse.

Lɛkpa Ulu 22:7

Akana na eƒie bebi bammɔ iye eti avala ammɔ, nsu teƒie uni ɔmmɔ. Si bɛɛbla lɛni ni, bɛdubulie ngba gyɔlɔɔ na keyi kadubɔyɔku-mii.

Yeremia 42:6

Ina ɔɔɔdi bula lɛƒɔyɔ muedi ni, bɔdubunu-nwu litemi na bɔdi-ni lɛlɔ kalɛ na ala asɔ adianku-bu.”

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Rut Keliela Ɔku 3:1

Limeyi linwi Naomi ɔ́su Rut ɔnini, “Ɔlɛka libunku-ɔ na akɛ kɔgya kɔni na elie na ataakɛ ala ani na aawia.”

Lɛkpa Ulu 6:18

Na bɛbla ala ani nse siin na adia na Katɔti anumi kalɛ na lɛla biala lisie siin lite-mii. Na bɛkana na bisie bitéti kalɔ kabuni kani na Unwoti úse kenye úse ka weti-ka wete bina bati kuuku mmɔ binwini bina kadikɔ.

Lɛkpa Ulu 5:33

Bɛdi-mu lɛlɔ ƒui kalɛ na lɛla biala bɛdubɔbla lɛtɛ lite-mii na keyi kadubɔyɔku-mii na bilie ngba gyɔlɔɔ na kalɔ kani lɛlɔ bísela bitélie mmɔ.

Yeremia 35:7

Na ɔ́su-bu lɛnɔ ɔnini, ‘Bitatu lɛtɔ na bitesie adingyii mmo bɔdi lɛnɔ. Mmomu biteelie taata ɔ́si likpo linwi úsie likpo bamba. Na si bɛ́di ɔmɛni lɛlɔ ni, bɛdubulie ngba gyɔlɔɔ.’

Eƒesoƒuɔ 6:2

Na ɔda bubo bɔni mɔɔsu bɔnii, “Bu ƒ'ɔti ku ƒ'ini” ni, bɔdi budeedi bɔni ndanku linyese.

Eƒesoƒuɔ 6:4

Na amii bawɔne lɛnɔ ni, bitabla ala ani makya bina bebi kɔnyi. Mmomu bɛtumini-ma na bɛlɛ-ma bɛsiaku bɔƒɔtaadi ulu lɛlɔ.