Eƒesoƒuɔ 6:1 - Katɔti Ɔku Kedee

¹ Amii bebi bɛbu bina bawɔne na Kristo ulu lɛlɔ, ɔsika ɔmɛni ndi lɛla lɛbuni lɛni na ɔlɛka bɛbla.

Eƒesoƒuɔ 6:1 Referans Kwoze

Agba 23:22

Ƒ'ɔti ɔni néte-ɔ ngba na ébo kayawi kamɛni kemmo ni, nu-nwu litemi. Na si ƒ'ini ɔ́bi lɛlɔ na uli ɔtɔ ni, teni lɛla lɛni na wasu wasiku lɛla lɛni na ɔ́nu dii lɛlɔ.

Agba 6:20

Mina ubi, da ami ƒ'ɔti ɔda bubo kaduɛ, na teni ala ani na ƒ'ini ɔɔtina-a.

Agba 1:8

Ubi, se atu na enu ƒ'ɔti ɔda bubo. Na teni ƒ'ini lɛla lɛni na ɔɔtina-a.

Lɛkpa Ulu 21:18

Na lɛnɔ ni, bɛya na buti-nwu bɔnii ɔnana ɔdi ɔkya-mii akɔ na ubo ubi atuɔkplune na ɔɔta teenye nwuna bawɔne lɛlɔ. Na ubi ɔmmɔ ulenu bawɔne litemi ina báni-nwu kɔtu.

Lewiƒuɔ Ɔda Bubo 19:3

“ ‘Ɔdi biala uti ɔbu ute ɔti ku uni. Na bɛdi mina Lɛnwunameyi lɛlɔ kaduɛ. Ami ndi Unwoti bina Katɔti.

Timoteo 1 5:4

Nsu si ukpinele ɔdi ubo bebi iye bawɔ ni, bebi bammɔ bese kalɔ bataatɛya bana kaduli bekyuli bɔda ku bana bawɔne bɔda aani bana bɔƒɔtaadi kabla kalɛ. Ɔmmɔ mɔɔtina ka beesé bana bawɔne kɔdɛ. Ɔmɛni mɔɔyɔ́ Katɔti kaƒɔ.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Agba 30:17

“Anumi ani mɔɔnu ɔti ɔnusɛ teedumi na ulánu ɔnii ɔ́manku ka unu uni litemi ni, baasɛ bekpidi bani nkya kɔwɛ kemmo ndubo bebedie-ma anumi na livuo kemmo na begbini baduli-ma bebweli ƒui.

Romaƒuɔ 7:12

Ɔmɛni ɔsu ni, ɔda bubo bɔmmɔ buse kedee, na ala ani na bɔɔtina lɛnɔ ese kedee, na asia ulu siin lɛlɔ, na adia.

Luka 2:51

Amu na Yesu ɔ́siaku-ma na bátɔlɔ bésie Nasaret, na úboku lɛlɔ kalɔ úte-ma. Na ala amɛni ƒui éduo uni kasusu kemmo úsie ɔgyu.

Hiob 33:27

Na si úbo ute lɛni ni, ɔɔsu na kadi ƒui anumi ɔnini, ‘Lɛ́bla likpidi na mina ɔdi útatɛ. Nsu Katɔti útani-mi kɔtu kɔni na nka ɔ́manku ka ɔni-mi.

Petro 1 2:13

Unwoti ɔni na biimwi ɔsu ni, biboku lɛlɔ kalɔ bite bina lɛlɔ badine ƒui ku Roma aban ɔgadine unengu na kalɔ kammɔ lɛlɔ

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Agba 30:11

“Bekyuli badi beewida bana bati, na belete bana beni kusɛ kusɛ.

Ala Kalɔ Buse 28:7

Na Yakob lɛnɔ únu ɔ́ti ku uni bɔlɛ na ɔ́tɔlɔ úsie Mesopotamia kalɔ lɛlɔ sɔsɔ.

Kɔgya 19:8

Ɔda bubo bɔmmɔ buse kede kede na ɔɔbla ukyuli lili kemmo nwaa na ɔɔtí Unwoti lɛƒɔyɔ.

Ester 2:20

Na uwi ɔmmɔ ƒui ni, Ester útaya na ɔdi ɔti kesii kani na ɔ́si aani kalɛ na Mordekai ɔ́su-nwu kalɛ. Ɔsika ɔ́mu uunú-nwu litemi aani kalɛ kani na útaabla ɔ́si lɛnamu uwi.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Romaƒuɔ 16:2

Na muuvele-mii nnii bigyingya enu na bɛƒɔ-nwu na Blɔti lɛnyi kemmo na ulu ɔni námanku Katɔti bekyuli lɛlɔ. Bite-nwu kebunku biala na wawia wasiku-mii kudɔ, ɔsika úte bekyuli pii kebunku ku ami lɛnɔ.

Kɔgya 119:75

Ngyi ka ƒula litemi bɔtɛ buse siin. Na ɔkɛnku kalɛ na asia ƒula litemi kama ɔsu na áni-mi kɔtu.

Ala Kalɔ Buse 37:13

Na Israel ɔ́su Yoseƒ ɔnini, “Agyi kesii kani na ƒula banwani bákpanku bebuo bésienku kadikɔ na alakpi akɔ na Sekem kudɔ. Bo, na lɛtala-a bana kudɔ.” Amu na údie kenye ɔnini, “Ati, ngyi mmɔ kaduɛ.”

Yeremia 35:14

bɛsiku Rekabiƒuɔ kɔdua bekyuli lɛlɔ. Bana ɔti kuuku Yonadab ɔ́su nwuna bawɔ ɔnii batani ntɛ bɔdi kudii. Na úti úbalɛ ɔmwi limeyi lɛmɛni lɛlɔ ni, baadi ɔda bubo bɔmmɔ lɛlɔ. Nsu amii amu ni, lɛ́ɛtɛmiku-mii kɔlɛ kɔlɛ, nsu bíni bɛnii bilenu na bɛdi mina etemila lɛlɔ!

Nehemia 9:13

“Na awɔ náyu ébelie Sinai Kɔbi lili, na étemi éte-ma. Na éte-ma ɔda bubo lidu lidu bɔni ndia na buse siin.

Samuel 1 17:20

Kadi kegye ɔtanta tutuutu ni, Dawid ɔ́da baƒonu bammɔ ɔ́kya lɛlɔ ɔnune bamba enu kemmo, na únyimi ala ɔ́sia nwuna bebuo ala utine lɛlɔ na ɔ́yu ulu ɔ́tɔlɔ kalɛ na ɔti ɔ́su-nwu. Nwuna mmɔ buduo kani na uunú ka beebó kekpo kudu ka bata besie kekpokɔ.

Kɔgya 119:128

Ɔmmɔ ɔsu nkɛnku ƒula litemi lɛlɔ na mɔɔnu mina kanyakɔ, na naaayɔ ka lɛsia ulu ukpidi ɔdi lɛlɔ.

Rut Keliela Ɔku 3:5

Amu na Rut údie kenye ɔnini, “Línu lɛla lɛni na ásu-mi. Ndubɔbla bɔsiaku kalɛ kani na ásu mmɔ.”

Yeremia 35:8

Na bula kɔdua bɔɔdi Yonadab ɔda bubo bɔmɛni lɛlɔ uwi biala. Na úti úbalɛ ɔmwi limeyi lɛmɛni lɛlɔ ni, abu ku bula beleku ku bebi bananabi ku belekubi ƒui bulani ntɛ na bulatu lɛtɔ lɛnɔ teelie-ni kemmo na bulesie adingyii mmo lɛnɔ. Na adi kevo kemmo kani na buulie uwi ndi uwi.

Yeremia 35:18

Ɔmmɔ kama ni, Unwoti ɔ́su-mi ɔnii nsu Rekabiƒuɔ kɔdua bekyuli ɔnini, “Ami ndi Unwoti Ɔyikune Ƒui, Israel Katɔti. Ka bínu bina ɔti Yonadab litemi na bɛ́di-ni lɛlɔ ɔsu ni,

Ala Kalɔ Buse 48:12

Ka ɔ́su lɛni ɔ́wɔlɔ ni, Yoseƒ ɔ́da bebi bammɔ na báta Israel lɛgba lɛlɔ na ɔ́yu úbi kalɔ na ɔti anumi mmɔ.

Ala Kalɔ Buse 50:12

Ɔmmɔ kama ni, ɔda ɔni na Yakob úbo nwuna bebi ni, bábla lɛni kani.