Eƒesoƒuɔ 5:21 - Katɔti Ɔku Kedee

²¹ Na biboku lɛlɔ kalɔ bite bina lɛlɔ na kalɛ na bɛɛbu Kristo ɔsu.

Eƒesoƒuɔ 5:21 Referans Kwoze

Ƒilipiƒuɔ 2:3

Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.

Eƒesoƒuɔ 5:24

Kalɛ na baƒɔtaadine beeboku lɛlɔ kalɔ teete Kristo ni, lɛni kani na ɔlɛka beleku lɛnɔ beteeboku lɛlɔ kalɔ teete bana bagya na lɛla biala kemmo.

Eƒesoƒuɔ 5:22

Amii beleku biboku lɛlɔ kalɔ bite bina bagya aani kalɛ na biiboku lɛlɔ kalɔ teete Blɔti.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Petro 1 2:17

Bɛbu bekyuli ƒui. Bɛyɔ bina banwani. Na bɛyia Katɔti. Na bɛbu Ɔga Unengudi lɛnɔ.

Timoteo 1 3:4

Ɔlɛka ɔkana nwuna kaduli bekyuli bɔda, na ɔya na nwuna bebi beteenu litemi na ulu biala lɛlɔ.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Timoteo 1 2:11

Na uleku biala uboku lɛlɔ kalɔ na ɔtɛya ala, na utakya lɛsɛ.

Korintoƒuɔ 1 16:16

biti ɔbu bite batɔnkune bamɛni ku babambadi bani muubunku-ma kabla kammɔ.

Agba 24:21

Ubi, yia Unwoti ku ɔga ɔni mɔɔdi-mii lɛlɔ. Na bekyuli bani náta bénye lɛlɔ badine lɛlɔ ni, tadiku-ma kɔkpana.

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Petro 1 2:13

Unwoti ɔni na biimwi ɔsu ni, biboku lɛlɔ kalɔ bite bina lɛlɔ badine ƒui ku Roma aban ɔgadine unengu na kalɔ kammɔ lɛlɔ

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Nehemia 5:9

Amu na lísie anumi na lɛ́su-ma nnini, “Lɛla lɛni na bɛɛbla mmɔ lɛɛɛdia munu munu! Na dɛ ɔsu na útalɛka bɛbla ala na Katɔti ulu lɛlɔ, kalɛ na Unwoti ulanyonu-bu ulakya bula bekisine bani naaadi Yudaƒuɔ enu kemmo?

Ala Alɛdi 1 29:24

Lɛga kadikɔ kammɔ benengu ku bekpone bammɔ ku Dawid bebi bakladi ƒui bénu-nwu litemi na ɔdi útalɛ-nwu kama.

Ala Kalɔ Buse 16:9

Amu na Katɔti ɔtu ɔmmɔ ɔ́su-nwu ɔnini, “Sɔ nwini teesie ƒula kɔduni kudɔ na eboku lɛlɔ kalɔ ete-nwu.”

Korintoƒuɔ 2 5:11

Ka bɔgyi kalɛ na ɔlɛka bɔyia Blɔti ɔsu ni, bunye bekyuli lɛlɔ ka benu-bu kalɔ. Katɔti ɔgyi-bu kede kede na mɔɔsia anu ka amii lɛnɔ bɛti bula udu kaduɛ.