Eƒesoƒuɔ 5:16 - Katɔti Ɔku Kedee

¹⁶ Bɛda bina lɛlɔ kaduɛ, ɔsika likyulikpi ala bɔbla bɔ́ƒɔ uwi ɔni kemmo bɔkya mɛni.

Eƒesoƒuɔ 5:16 Referans Kwoze

Koloseƒuɔ 4:5

Bɛda anu na bina keliela kemmo na bɛti kalɛ na bilieku bani naaadi baƒɔtaadine. Na kuƒi biala na bɛ́kɛ ni, bɛbla kabla bite Blɔti.

Amos 5:13

Likpidi líse lɛ́ƒɔ uwi ɔmmɔ geen ɔni na ukyuli ɔni na ubo lɛbuni bɔbla kasusu dɛ muedi ɔlɛka ubile kenye na ɔsɔ ulie kpoo.

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Eƒesoƒuɔ 6:13

Ɔmɛni ɔsu ni, bɛkya Katɔti adala ani mɔɔgyumana lɛlɔ mmɔ ƒui, kalɛ na bɛkana na binye kpakplaa na limeyi lɛni na likpidi lɛdi lɛdubɔsiaku-mii lɛlɔ. Na ɔmmɔ kama ni, binye kpakplaa uwi ƒui.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Etemila 12:1

Taakali ƒula udiene lɛlɔ taanu uwi biala na ƒula lɛkloƒu uwi! Ɔsika uwi ɔdubo ɔni na kayawi ala adubukpi-ɔ ɔkwɛ na etila ani nsia-a lɛlɔ ɔsu.

Romaƒuɔ 13:11

Bɛgyinya! Na bɛsia ulu ɔmɛni lɛlɔ. Ɔsika bɛgyi uwi ɔni kemmo na bɔkya. Uwi ɔni kemmo na Katɔti ɔdubɔƒɔ-bu úude útulo uwi ɔni na bɔ́ƒɔ Kristo bɔ́di kalɔ kesekɔ.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Korintoƒuɔ 1 7:26

Si ukyuli ábu ánu kalɛ na beekpóku bekyuli uwi ɔmɛni kemmo ni, mɔɔbu nnii ɔdia ute ɔnana utulo si ɔdi ɔkinsi.

Kɔgya 37:19

Si uwi ɔni na ɔgbankpi ɔdi úbo ni, ɔtɔtɔ ɔɔɔdubo-ma bɔgyu. Lɛni kani na si kɔka lɛnɔ kúbo ni, ama badubɔkɛ badi na bemo.

Eƒesoƒuɔ 6:15

Na binye kagyumana na biti keyi buɛɛ litemi buni lɛmmɔ bɔsu binwini aani agbanvuo bɛkya lɛgba.

Etemila 11:2

Le lɛla lɛni na ákɛ te nkyuli maatɛ ku maane ƒaa, ɔsika aaagyi limeyi lɛni na ayaki adi adububo ebeyu-ɔ atu.

Ala Kalɔ Buse 29:7

Amu na ɔ́su-ma ɔnini, “Bɛnu, ɔƒɛ ɔmmɔ ɔɔbi na útedu tɔ ka baƒonu balɛ alakpi akɔ babasala tɔ kesii kadi. Anwuɔsu bite-ma ntu na bɛsɔku-ma binwini biteesienku kadikɔ.”

Daniel 2:8

Amu na ɔga ɔmmɔ ɔ́su-ma ɔnini, “Ngyi ka lɛkwɛ kani na binye bɛɛkya na bɛkɛ kuƒi kɔdi. Ɔsika bɛgyi geen ka lɛla lɛni na lɛ́su ni, lɛ́lɛ ugyii ka ndubo-ni bɔbla si bítakana kenye kabuni kadi budie bɔsiku lɛla lɛni na lɛ́su-mii lɛlɔ. Bɛ́ɛsa lili ka bɛnyi ɔkɔ bonwu ɔdi bɛtina-mi ku kasusu ka ndubo mina kasusu bɔvumana. Bɛsu-mi mina kɔna kɔni na lígye ku kuna kalɔ budie ɔƒaani.”

Mateo 25:17

Lɛni kani na kabla ɔblane ɔni náƒɔ aƒo anyɔ lɛnɔ úbo nwuna ɔdi únwini na ɔ́sɔ ɔ́kɛ aƒo anyɔ abambadi ɔ́sia.