Eƒesoƒuɔ 4:9 - Katɔti Ɔku Kedee

⁹ Na si bunweni bɔmmɔ bɔɔtina ka ɔ́kɔ úsie katɔ ni, bi kalɔ na uudie si ɔɔɔdi bɔka na ɔ́ka bɔyu bubo kalɔ kamɛni lɛlɔ?

Eƒesoƒuɔ 4:9 Referans Kwoze

Yohane 3:13

Ukyuli ɔdi útesie katɔ utatáwia ala amɛni udu ntu ami Ukyuli Ɔyawine Ubi kani. Na ami kani nási katɔ líbo kayawi kamɛni lɛlɔ.

Mateo 12:40

Kalɛ na Yona ɔ́kya kabɛ kebendi kaƒɔ kemmo emeyi atɛ usien ku ɔƒɛ ni, lɛni kani na Ukyuli Ɔyawine Ubi lɛnɔ ɔdubɔkya kalɔ kemmo emeyi atɛ usien ku ɔƒɛ.

Yohane 6:33

Ɔsika Katɔti adila geen ani na uute bekyuli ndi ami ɔni mɔɔyá na bekyuli beelie ngba.”

Agba 30:4

Ɔma nákɔ úsie katɔ na ɔ́sɔ únwini úbo? Na ɔma násala ɔƒɛƒɛɛ ɔ́kya nwuna lɛkɔkɔ kemmo? Ɔma násala ntu ƒui ɔ́kya nwuna awu bonwu ɔni mbi-nwu lɛlɔ kemmo? Na ɔma nátu kalɔ kammɔ lɛvi ƒui únyene kalɔ útédu kana kawɔlɔkɔ? Dɛ na baalɔ anwu ku ubidi? Su-mi si agyi!

Kɔgya 63:9

Nsu bekyuli bani mɔɔwia-mi ngba bayila ni, ama ndubo kaƒiɔtɔ kemmo buduo.

Hebriƒuɔ 2:9

Nsu bɔɔnu Yesu ɔni na úbenye kenyekɔ kani náyu kalɔ blii kétulo batu bammɔ kadi ka uukeye na bekyuli baabu-nwu ɔƒɛni, ɔsika úbo kukpi abi. Na Katɔti úte-nwu ɔyikun ka ukpi na bekyuli ƒui lili.

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Kɔgya 8:5

Na áya na úbo úbenye kenyekɔ kani náyu kalɔ blii kétulo na awɔ kadi kudɔ. Na áya na uukeye na bekyuli baabu-nwu.

Ala Kalɔ Buse 11:5

Amu na Unwoti ɔ́yu úbo kalɔ na úbanu ɔma ku ɔtɔ ɔni na bekyuli bammɔ badaku bɔtu mmɔ.

Hebriƒuɔ 2:7

Na áya na úbo úbenye kenyekɔ kani náyu kalɔ blii kétulo Katɔti batu bammɔ kadi. Na áya na uukeye na bekyuli baabu-nwu.

Yohane 8:14

Amu na Yesu ɔ́su-ma ɔnini, “Si ina muudie lɛlɔ kenye ni, mina kenye budie bubo unu, ɔsika ngyi kesii kani na lɛ́si, na ngyi kesii kani na lísela. Nsu amii bɛɛɛgyi kesii kani na lɛ́si iye kesii kani na lísela.

Yohane 6:62

Amu dɛ na wabla-mii si banii bɛ́nu ka ami Ukyuli Ɔyawine Ubi lɛ́kɔ lísela katɔ kesii kani na nka nli?

Yohane 6:58

Anwuɔsu ɔmɛni ndi adila ani nási katɔ áyu ébo. Na aaadi ani udu na bina bati kuuku bádi nsu békpi. Ukyuli ɔni madi adila ani mɔɔsu mɛni ni, ɔdubulie ngba uwi ƒui.”

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yohane 6:41

Amu na Yudaƒuɔ bammɔ bése kalɔ baatɛmi teewi-nwu, ɔsika ɔ́su ɔnii, “Ami ndi adila ani nási katɔ líbo” ɔsu.

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Yesaia 44:23

Bidie lɛnu ku ebiti, amii bani nkya katɔ ƒui ku bani nkya kalɔ lɛlɔ, ɔsika Unwoti nábla ala amɛni. Na abi ku lɛku kemmo egyii ƒui asalaku-mii na lɛlɔyɔ lɛnu lɛmɛni kemmo. Unwoti údie nwuna kadi bekyuli Israelƒuɔ, na ɔ́tina kalɛ na uukeye na badubo-nwu bɔbu.

Kɔgya 139:15

Uwi ɔni na ákya aavɔ́ mina ekubi na aasála-nya na mina uni kaƒɔ kemmo na mɔɔlɛ lili na bɔbɛ kemmo ni, awɔ ágyi ka nkya mmɔ.

Israelƒuɔ Bɔlɛ 19:20

Amu na Unwoti ɔ́yu úbo Sinai kɔbi kɔmmɔ lili. Na ɔ́kpali Mose ka ɔkɔ ubo kɔbi kɔmmɔ lili. Amu na Mose ɔ́kɔ úsie mmɔ.

Esekiel 31:14

Na kugyii kɔdi kɔsɔ kɔɔɔdubo lili bɔlɛ na kɔkuku aani kugyii kɔmɛni udu kudii ina bi ntu nkya-ku. Kugyii biala kɔdubo bukpi aani kalɛ kani na ukyuli uukpi na kuduo kalɔ kemmo na kekpine.