Eƒesoƒuɔ 4:6 - Katɔti Ɔku Kedee

⁶ Lɛni kani bubo Katɔti unwi ɔni ndi bula ƒui Ɔti ɔni ndi ala ƒui Unwoti, na ɔɔbla kabla na bula kemmo, na ulie bula ƒui kemmo.

Eƒesoƒuɔ 4:6 Referans Kwoze

Romaƒuɔ 11:36

Ala ani ƒui nási Katɔti kudɔ, na anwu ɔlati lɛlɔ na ɔkɛ údie-nya, na adi anwu adi. Bɛya na bɔkɔliku-nwu lɛnyi katɔ ɔ́si ɔƒɛni úsela ƒui. Ɔsia lɛni.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Malakai 2:10

Bɛɛɛgyi bɛnii bula ƒui ɔti ndi Katɔti? Na ɔɔɔdi Katɔti unwi ɔmmɔ kani nédie bula ƒui? Na bi ɔsu na bɛɛnya lɛlɔ taakya na bilábu bunyimi bɔni na Katɔti únyimi ku bina bati kuuku?

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Mateo 6:9

Anwuɔsu lɛni na ɔlɛka bɛkpali katɔ bɛsu bɛnii, “ ‘Bula Ɔti ɔni nkya katɔ, balɔ-ɔ lɛnyi buni.

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Korintoƒuɔ 1 12:6

Na kabla lidu lidu lɛnɔ lɛkya, nsu Katɔti unwi ɔmmɔ kani mɔɔtina ɔdi biala nwuna kabla.

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Ala Kalɔ Buse 14:19

Úvele kusɛ kusɛ úte-nwu ɔnini, “Katɔti Ɔni Ntulo Ƒui na anwu nédie katɔ ku kalɔ ni, ɔdubɔya na nwuna kusɛ kusɛ ɔsiaku Abram.

Eƒesoƒuɔ 6:23

Banwa, Unwoti Katɔti ku Blɔti Yesu Kristo ute-mii keyi buɛɛ ku bɔyɔ ku bɔƒɔtaadi.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Eƒesoƒuɔ 2:22

Na Kristo ɔmmɔ kemmo na baatú abu lɛnɔ aani ɔtɔ kalɛ na bunwini keliekɔ bute Katɔti na kɔyu kemmo.

Yohane 17:26

Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Yesaia 63:16

Nsu awɔ ndi-bu Katɔti, ina ka Abraham ku Yakob ƒui basɔ baaagyi-bu aani bana bebi ni, awɔ Unwoti ndi bula ɔti, na Udiene na adi ete-bu ɔ́si kukuuku.

Kɔgya 95:3

Ɔsika Unwoti ɔdi Katɔti ɔni na úbomo, na ɔdi ɔga unengudi ɔni na utulo baƒiɔ ƒui.

Eƒesoƒuɔ 1:21

Mmɔ na Kristo ulie ɔɔdi bayikune ku kenyekɔ biala ku kɔyu ɔyikun ku bagadine ƒui lɛlɔ. Na nwuna lɛnyi litulo lɛga bɔdi ɔyikun lɛnyi biala na kayawi kamɛni ku kani mebo lɛnɔ ƒui kemmo.

Lɛkpa Ulu 6:4

Israelƒuɔ, binu kaduɛ! Unwoti ndi bula Katɔti, na anwu lɛti pɛ kani nkya.