Eƒesoƒuɔ 4:30 - Katɔti Ɔku Kedee

³⁰ Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Eƒesoƒuɔ 4:30 Referans Kwoze

Tesalonikaƒuɔ 1 5:19

Bitetile Katɔti Kɔyu ɔyikun ulu na bina akɔ.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Ala Kalɔ Buse 6:6

Na úduo Unwoti ka údie ukyuli ɔ́kya kalɔ lɛlɔ. Na nwuna kayi kénu ɔlɛ geen.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Romaƒuɔ 8:23

Na ɔɔɔdi ala ammɔ lɛti, mmomu ku abu bani na Katɔti ɔ́ka nwuna Kɔyu buti bute lɛnɔ buudumo na bula lɛlɔ kemmo, na bɔsia anu kpakplaa ka Katɔti ɔdubɔƒɔ-bu ekpidi lili kayu na bɔnwuna aani nwuna bebi.

Romaƒuɔ 8:11

Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Yesaia 43:24

Bíteboku-mi kutu akyala ƒɛƒɛɛ adi iye bɛƒuna bina bebuo bani na bɛ́du kabunikɔ ƒui biboku-mi. Mmomu ami na binye biikpóku ku bina ekpidi bonwu bonwu pii ani na bɛɛbla.

Kɔgya 78:40

Bekyuli bamɛni báta bénye-nwu lɛlɔ kɔlɛ kɔlɛ na kalɔ kakwiidi kemmo mmɔ, na báya na kayi kaakpulu-nwu geen.

Ala Kalɔ Buse 6:3

Amu na Unwoti ɔ́su ɔnini, “Mina kɔyu kɔɔɔdubo ukyuli kemmo bɔkya uwi ƒui. Anwuɔsu ukyuli ɔdubo bukpi. Na nwuna ngba emeyi adubɔbla akwa eti anyɔ ku aavlanyɔ kani.”

Yesaia 7:13

Amu na Yesaia ɔ́su ɔnini, “Binu kaduɛ, amii Dawid kaba bebi! Kalɛ na biléte bekyuli lɛlɔ buwi útabɔ? Ɔlɛka biti ɔmɛni bɛlɛku Katɔti lɛnɔ?

Esekiel 16:43

“ ‘Ákya-mi kɔnyi geen na ala ani na ábla na eesé lɛlɔ mɛni ɔsu ku kalɛ na áyiƒala kalɛ na lɛ́nu-ɔ lɛlɔ uwi ɔni na ɔdi ɔnamu. Ɔmmɔ kama asa na ébenwini ɔyalɛ na ƒula ala bɔbla kemmo. Ɔlɛka akɛ ƒula kɔtu bɔni! Ami Unwoti Katɔti násu.

Kɔgya 95:10

Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

Hebriƒuɔ 3:10

Ɔmmɔ ɔsu na líti kɔnyi lɛ́kya kaba kammɔ. Na lɛ́su nnini, ‘Bana kayi ƒui kakɛ ulu bamba lɛlɔ, na bátanu mina lilu bátati kudii.’

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Hebriƒuɔ 3:17

Na ɔma bene na Katɔti úti kɔnyi ɔ́kya akwa aavlene sɔɔn mmɔ? Ɔɔɔdi bekyuli bani nábla ala ekpidi na Katɔti ɔ́yila-ma udu na ketele kemmo mmɔ badi yoo?

Korintoƒuɔ 1 15:54

Anwuɔsu si ala amɛni álɛ na bávumana ala ebiedi na énwini ani nsɔ neeebie ni, na Bunweni Kedee Ɔku kemmo etemila ani mɔɔsu anii, “Ɔ́yila kukpi udu na ɔ́di-ku lɛlɔ,” ébo éte lɛni sɔsɔ.

Hosea 13:14

“Ami Unwoti ndubɔƒɔ-mii na lidie-mii kukpi kemmo na bileduo kaƒiɔtɔ kemmo. O kukpi, wɛ na ƒula ɔlɛ ɔni na aakya bekyuli lɛlɔ ɔkya? O kukpi, wɛ na ƒula ala bubile bɔkya? “Na líni nnii lɛɛɛdubo-mii kɔnyana bɔnu.

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Luka 21:28

Si uwi ɔni na ala amɛni ése kalɔ aalɛ́ ni, bɛklibi lɛlɔ na bitaasia anu, ɔsika bina bɔƒɔ uwi úude.”

Yohane 3:33

Bani mɔɔƒɔ́-nwu taadi ni, beedie taatina nwaa ka ala ani na Katɔti ɔɔsu ni, anya ndi litemi geen.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.