Eƒesoƒuɔ 4:18 - Katɔti Ɔku Kedee

¹⁸ na bana ala kalɔ bunu bɔkya lɛdisa kemmo. Na ka baaagyi lɛla lɛdi na balayɔ banii beenú lɛla lɛdi lɛnɔ ɔsu ni, beeebo kadikɔ kadi na ngba bɔni na Katɔti uute nwuna bekyuli kemmo.

Eƒesoƒuɔ 4:18 Referans Kwoze

Mateo 13:15

Ɔsika bekyuli bamɛni balábu lili kemmo taanu. Na bétile atu na bébile bana anumi. Si ɔɔɔdi lɛni ni, nka bana anumi adubɔnu nwaa. Na bana atu lɛnɔ adubunu na benu kalɔ na benwini bebo ami Katɔti kudɔ na lɛbwi-ma!’

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.

Yohane 12:40

“Ami Katɔti lɛ́bala-ma anumi kalɛ na balanu lɛla lɛdi balati. Na lɛ́ya na bádɔlɔ kalɛ na belénu ala kalɔ. Ɔmmɔ ɔsu belénwini belebo-mii kudɔ kalɛ na lɛbwi-ma.”

Tesalonikaƒuɔ 1 4:5

Na bitasiaku ɔlɔna emini kama aani bekyuli bani naaayia Katɔti kalɛ.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Koloseƒuɔ 1:21

Na uwi ɔdi nábavi kemmo ni, bínwini kama bɛ́kya Katɔti na bíkisi-nwu na bina kasusu kemmo ɔ́si ala ekpidi ku kasusu kekpidi kani na bɛ́bla ɔsu.

Yohane 1 2:11

Nsu ukyuli ɔni muukisi ɔƒɔtaadine ɔkpana ni, ɔkya lɛdisa kemmo ku nwuna ablala ƒui. Na ɔɔɔgyi likpo lɛni na úsela, ɔsika lɛdisa ablala ammɔ áya na use aani ɔnumbwɛne.

Galatiƒuɔ 4:8

Uwi ɔni návi kemmo ni, na nka bɛɛɛgyi Katɔti. Anwuɔsu ɔyikun ɔni naaadi Katɔti ɔdi nátaadi-mii lɛlɔ.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Batalane Kabla 17:30

Na ɔ́si kalɔ kesekɔ úti úbedu uwi ɔmɛni kemmo ni, Katɔti útani bekyuli kɔtu ɔsika bátati-nwu. Nsu ɔƒaani ni, úbo-bu ɔda ɔnii bɔda anumi budie ala amɛni bene lɛlɔ na bunwini anumi buboku-nwu kudɔ.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Romaƒuɔ 2:19

Na bɛ́ƒɔ lɛlɔ bɛ́di ka bɛdi lɛnumi bite banumbwɛne, na bɛdi bukeye bite bekyuli bani nkya lɛdisa kemmo.

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Daniel 5:20

Nsu ka úbo ɔɔbla atuɔkplu na ɔɔtalaku lɛlɔ katɔ na ɔsɔ ulabu Katɔti ni, úkpeli nwuna lɛgadi lɛmmɔ ɔ́lɛku-nwu lɛkɔkɔ.

Kɔgya 74:20

Tayiƒala bunyimi bɔni na ényimiku-bu. Ɔsika balalane bábɛ bákya kesi kesii ka bekpoku-bu.

Korintoƒuɔ 2 3:14

Sɔsɔ na ɔdi ka bana kasusu kalánu ɔmɛni taati. Use aani si lɛdiku lɛmmɔ udu kani lɛmu libi-ma kasusu lɛlɔ si baaká bunyimi bɔkukudi ɔku ɔmmɔ kemmo etemila. Ɔsika lɛla lɛni kani na ndubɔya na lɛdiku lɛmmɔ lɛmami ndi si ukyuli úti lɛlɔ ɔ́mana Kristo.

Yesaia 25:7

Na kɔbi kɔmɛni lɛlɔ ni, na ala ani béti bákwa bekyuli ƒui lɛlɔ aani ukpine kɔvadi bébo báda-ma lɛlɔ ni, Unwoti ɔdubo-nya bɔmami budie ku aduni ani nda-ma lɛlɔ ƒui.

Batalane Kabla 3:17

“Banwa, ngyi ka tati tati ɔsu na amii ku bina benengu bɛ́bla lɛla lɛmɛni udu.

Romaƒuɔ 11:7

Geen ni, lɛla lɛni na Yudaƒuɔ básia anu kpakplaa ni, bátakɛ-ni. Nsu bani na Katɔti ɔ́ƒuna ama bákɛ-ni. Na bakladi báyu atuɔkplu.

Korintoƒuɔ 1 2:8

Kayawi kamɛni bayikune ɔdi biala útati lɛnunda lɛmɛni. Ɔsika si bɔti na báti-ni ni, nka bátakana Blɔti bátamana ugyii lɛlɔ.

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Hebriƒuɔ 5:2

Na bekyuli bani naaagyi ɔda bubo bɔmmɔ na báyii ulu ni, ɔkpane ɔmmɔ ɔgyi kalɛ na ɔbla bana litemi buɛɛ. Ɔsika anwu lɛnɔ ulákana ɔda bubo bɔmmɔ ƒui lɛlɔ bɔdi.

Hebriƒuɔ 9:7

Na katɔma kammɔ kemmo aka ni, ɔkpane unengudi kani néteeduo mmɔ kunwi na lɛkwa kemmo. Na ntu úti ebuo ɔni na béeti bákpa ubugya ɔ́da na weti wakpa na anwu ɔlati ku bekyuli ekpidi ani bátati asa na bábla lili.

Petro 1 1:14

Binu Katɔti litemi, na bɛda udu ukpidi ɔni kemmo na bɛ́kya uwi ɔni na bítenwini tɔ baƒɔtaadine mmɔ bɛya.

Esekiel 14:5

Na si bénu-mi kenye kamɛni ni, ɔƒɛni kalɛ badubo kasusu bɔsɔku bɔbla na bada baƒiɔ bammɔ bɔkpa baya na benwini bebo-mi kudɔ.’