Eƒesoƒuɔ 1:9 - Katɔti Ɔku Kedee

⁹ kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Eƒesoƒuɔ 1:9 Referans Kwoze

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Eƒesoƒuɔ 1:11

Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.

Eƒesoƒuɔ 3:11

Na ala amɛni ƒui akɛnku kalɛ na Katɔti ɔlati ɔ́su úse ka ɔbla ɔsiaku Blɔti Yesu Kristo lɛlɔ ɔ́si kalɔ kesekɔ.

Galatiƒuɔ 1:12

Na ɔɔɔdi ukyuli ɔdi kudɔ lɛnɔ na lɛ́ƒɔ-ni lɛ́siku iye ɔdi nátina-mi lɛla lɛmmɔ lɛnɔ. Mmomu Yesu Kristo ɔlati nédie nwuna ablala etemila ammɔ ɔ́tina-mi.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Batalane Kabla 13:48

Amu ka bani naaadi Yudaƒuɔ bénu lɛla lɛni básu mmɔ ni, kubiti kɔ́da-ma, na bémwi Katɔti. Na bani ƒui na Katɔti ɔ́ƒuna úte ngba bɔƒɔ ni, bénwini baƒɔtaadine.

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Batalane Kabla 4:28

Nsu, awɔ, na ƒula ɔyikun ku lɛnunda kemmo ni, énye ánu na básala bábla ala ani na ásu ése.

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Yeremia 2:29

“Bi ɔsu na bɛɛdú-mi kɔtɔ ka bina ƒui bɛ́ta bínye-mi lɛlɔ? Lɛni na ami Unwoti mɔɔsu.

Kɔgya 33:11

Nsu nwuna kasusu aka kalávumana na nwuna kayi lɛyɔla kani ndubunye ute kaba bekyuli ƒui.

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Luka 12:32

“Mina basiakune lisu libliidi, bitayia. Ɔsika ɔdi Katɔti lɛƒɔyɔ ka ute-mii nwuna lɛga kadikɔ.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Galatiƒuɔ 1:15

Nsu na Katɔti kɔnyana bɔnu ɔsu ni, ɔ́ƒuna-mi úte nwuna kabla asa na badubɔwɔ-mi. Ka uwi údu-nwu ni, údie Ubidi ɔmmɔ ɔ́tina-mi kalɛ na lɛkana na lɛkɔ-nwu lɛlɔ lɛsa na amii bani naaadi Yudaƒuɔ akɔ. Na ńtatádiku ɔdi kasusu na ɔmɛni lɛlɔ,

Eƒesoƒuɔ 1:8

Lɛƒɔndia lɛni neeebo bɔkɔku bɔdi. Ɔkɛnku nwuna lɛnunda ku kalɛ na nwuna kasusu kagyi lɛla biala ɔsu ni,