Eƒesoƒuɔ 1:19 - Katɔti Ɔku Kedee

¹⁹ Na bɛnu lɛnɔ kalɛ na Katɔti ɔyikun ɔɔbla kabla geen kani neeebo bɔkɔku bɔdi na nwuna baƒɔtaadine akɔ bɛti. Na ɔyikun ɔni nkya-bu lɛlɔ kemmo mɛni ni, útavumanaku ɔyikun unengudi

Eƒesoƒuɔ 1:19 Referans Kwoze

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Koloseƒuɔ 2:12

Na uwi ɔni na bɛ́ƒɔ ntu bɔkpila ɔdi ɔmmɔ ni, ɔ́tina ka amii ku Kristo nékpi na báva-mii. Na amii ku-nwu lɛnɔ náta bɛ́lɛ bekpine akɔ ɔkɛ bina bɔƒɔtaadi bɔni bibo kenye.

Korintoƒuɔ 2 4:7

Na abu bani mbo Kɔyu kemmo akɛla enengudi amɛni ni, buse aani ebwi avɔdi ani nátamanku ala ammɔ bɔkya. Na ɔmmɔ mɔɔtina geen ka ɔɔɔdi bula kudɔ na ɔyikun ɔmmɔ ɔ́si, mmomu Katɔti kudɔ na ɔ́si.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Eƒesoƒuɔ 3:7

Katɔti ɔ́bla-mi nwuna litemi buni lɛmɛni kabla ɔblane ɔkɛnku litela lɛni na úti úte-mi ɔ́siaku nwuna ɔyikun lɛlɔ.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Romaƒuɔ 1:16

Litemi buni lɛmmɔ lilekpo-mi kɔƒa, ɔsika lɛdi Katɔti ɔyikun ɔni mɔɔyá na ukyuli biala ɔni mɔɔƒɔ́ taadi ɔɔkɛ́ ngba bɔƒɔ. Na Yudaƒuɔ ndi bedeedi bani ndubunu asa na bani naaadi Yudaƒuɔ basia.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Tesalonikaƒuɔ 2 1:11

Ɔmɛni ɔsu na bɔɔkpali katɔ na bina lili uwi ndi uwi. Na buuvele bula Katɔti bɔnii bina ɔbladu ɔmanku bɔlɔ bɔni na ɔ́lɔ-mii. Na nwuna ɔyikun ubunku-mii na ɔkya bina kasusu buni biala ogya kalɛ na lɛla biala lɛni na bɛdubɔbla na anwu ɔsu lɛtɛ.

Yesaia 53:1

Ɔma náƒɔ-bu ɔ́di? Na ɔma bene na Blɔti údie nwuna ɔyikun ɔ́tina?

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Yohane 3:6

Ɔsika ukyuli ɔni na ɔlɔna kemmo na básia báwɔ-nwu ni, ɔdi ɔlɔna kani. Nsu Katɔti Kɔyu kɔdubɔwɔ kɔyu kemmo bekyuli.

Ƒilipiƒuɔ 3:21

Na ɔdubɔvumana bula kayawi ɔlɔna kpɛtɛ kpɛtɛ ɔmɛni na ɔbla-nwu aani nwuna ɔlɔna ɔni muukeye mmɔ kalɛ ɔkɛnku ɔyikun ɔni na ubo na ɔɔyá na lɛla biala liiboku lɛlɔ kalɔ teete-nwu kenye.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.