Eƒesoƒuɔ 1:13 - Katɔti Ɔku Kedee

¹³ Lɛni kani na béti amii lɛnɔ bébunku Kristo badi akɔ ɔkɛnku litemi geen lɛni na bɛ́ƒɔ bɛ́di ɔsu. Na litemi buni lɛmmɔ néti ngba bɔƒɔ búboku-mii. Na ka bɛ́ƒɔ Kristo bɛ́di ɔsu ni, Katɔti úti nwuna Kɔyu kɔni na ɔ́su úse ka wete-bu mmɔ úse-bu likpo.

Eƒesoƒuɔ 1:13 Referans Kwoze

Korintoƒuɔ 2 1:22

Anwu nése-bu likpo úti ɔ́tina ka anwu mbo-bu uwi ɔni na úti nwuna Kɔyu ɔ́kya-bu lɛlɔ kemmo. Na kuna lɛlɔ na búti bula kama búkpo na ala ani ƒui na ɔ́klibi úse úte-bu lɛlɔ.

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Tito 2:11

Ɔsika Katɔti údie nwuna lɛƒɔndia ɔ́tina-bu na ngba bɔƒɔ bɔni na ubo ute bekyuli bayawine ɔsu.

Galatiƒuɔ 3:14

Na Kristo ɔ́bla ɔmɛni kalɛ na kusɛ kusɛ ɔni na Katɔti ɔ́su úse ka wasiaku Abraham mmɔ ɔsiaku bani naaadi Yudaƒuɔ lɛnɔ kama ɔkɛnku Kristo Yesu lɛlɔ. Na ɔkɛnku bɔƒɔtaadi bɔmmɔ lɛlɔ ni, na abu lɛnɔ bɔkɛ Katɔti linyese lɛni ndi nwuna Kɔyu.

Yoel 2:28

“Na ɔmmɔ kama ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Romaƒuɔ 1:16

Litemi buni lɛmmɔ lilekpo-mi kɔƒa, ɔsika lɛdi Katɔti ɔyikun ɔni mɔɔyá na ukyuli biala ɔni mɔɔƒɔ́ taadi ɔɔkɛ́ ngba bɔƒɔ. Na Yudaƒuɔ ndi bedeedi bani ndubunu asa na bani naaadi Yudaƒuɔ basia.

Batalane Kabla 2:33

Na ɔƒaani ni, Katɔti úte-nwu kenyekɔ kenengudi na nwuna kɔdianu, na úti nwuna Kɔyu úte-nwu aani kalɛ na ɔ́su úse. Lɛni na anwu lɛnɔ ɔ́tala-ku ɔ́kya-bu. Anwuɔsu na bɛɛnu na biinú lɛla lɛni mɔɔlɛ́ mɛni.

Yohane 14:26

Katɔti Kɔyu kɔni ndi Ubunkune ɔni na Katɔti ɔdubɔtala ɔkya-mii na mina lɛnyi kemmo ni, anwu ndubɔtina-mii lɛla biala. Na ɔdubɔya na binyimo ala ani ƒui na lɛ́su-mii.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Luka 24:49

Na ami ɔlati ndubuti lɛla lɛni na Katɔti ɔ́su-mii úse limene-mii. Nsu ɔlɛka binye bɛgya Katɔti ɔyikun ɔmɛni na Yerusalem wetédu uwi ɔni na ɔyikun ɔmmɔ ɔsi katɔ ubeduo-mii lɛlɔ kemmo.”

Kɔgya 119:43

Ya na ntaatɛmi ƒula etemila geen uwi biala. Ɔsika ƒula litemi bɔtɛ kani na nnye mɔɔnu ulu teete.

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Batalane Kabla 1:4

Uwi ɔni na bábasa lisu ni, úbo-ma ɔda ɔnini, “Bitatɔlɔ Yerusalem, mmomu binye bɛgya Katɔti Kɔyu bubo bɔni lɛlɔ na lɛ́su-mii lɛ́siku ka mina Ɔti ɔ́su úse ka wete-mii.

Yohane 15:26

“Katɔti Kɔyu kɔni ndi Ubunkune ɔ́si Katɔti kudɔ ɔdubo. Na anwu muudie litemi geen lɛni ndanku Katɔti lɛlɔ taatina. Ami ndubɔtala-nwu lɛsiku Katɔti kudɔ lɛkya-mii. Na ɔdubɔsu-mii ala ɔsiku-mi lɛlɔ.

Batalane Kabla 13:26

“Banwa, amii bani ndi Abraham bebi ku amii bani naaadi Yudaƒuɔ nsu bɛɛbu Katɔti ni, bɔƒɔ bɔmɛni búse búte bula ƒui!

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Luka 11:13

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

Budie Taatina 7:2

Katɔti úte-ma ɔyikun ka babla kalɔ ku ɛpu kalala na beti bani bekyuli kɔtu. Nsu lɛ́nu Katɔti ɔtu ɔbambadi ɔdi ka ɔ́si ɔƒɛ katukɔ ɔdubo na ɔda lɛla lɛni na Katɔti ɔni nli ngba ɔdubuti use bekyuli likpo. Na ɔtu ɔmmɔ ɔ́kpali batu ine ku lɛdi momoomo,

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Timoteo 2 2:15

Da lɛlɔ kaduɛ na ulu biala lɛlɔ na Katɔti uwi-ɔ livo. Taya na kɔƒa kuteekpo-ɔ na ƒula kabla lɛlɔ. Mmomu bla ukyuli ɔni mɔɔtina Katɔti litemi lɛmmɔ geen.

Eƒesoƒuɔ 4:21

Use nwaa ka bɛgyi Kristo lɛlɔ litemi. Na aani nwuna kama basiakune ni, bátina-mii ala geen ani nkya Yesu ɔmmɔ kemmo.

Korintoƒuɔ 2 6:7

Bulatɔlɔ bekyuli ku bula lɛsa bɔkɔ. Na Katɔti ɔyikun ɔni nsiaku-bu ɔɔtina lɛnɔ ka bɔdi nwuna kabla bablane. Na bula ngba siin bulie ndi bula lɛla biala na kabla kamɛni kemmo. Buse aani ekpola ani ukpone ɔda uukpó.

Yohane 3:33

Bani mɔɔƒɔ́-nwu taadi ni, beedie taatina nwaa ka ala ani na Katɔti ɔɔsu ni, anya ndi litemi geen.

Yakobo 1:21

Anwuɔsu bɛda lɛlɔ bidie ala ani naaadia bɔnu ku ekpidi udu biala kudɔ. Na biboku lɛlɔ kalɔ bite Katɔti. Na biƒie nwuna litemi buni lɛni na úti ɔ́kya bina kayi kemmo bɛda. Ani ndubɔya na bɛkɛ bɔƒɔ.