Daniel 9:15 - Katɔti Ɔku Kedee

¹⁵ “Unwoti bula Katɔti, awɔ ɔlati ƒula kɔnu kɔni na eeti taabla ɔyikun ala na éti édie-bu ásiku Egyipteƒuɔ enu kemmo, na áya na ƒula lɛnyi lísie ɔgyu úti úbedu ɔmwi limeyi lɛmɛni lɛlɔ, nsu alaekpidi bonwu bonwu bɔbla lɛlɔ kani na bɔmu bunye.

Daniel 9:15 Referans Kwoze

Nehemia 9:10

Na ábla akɔla lidu lidu asiaku Ƒarao ku nwuna kabla bablane ku nwuna bekyuli bani ƒui nli-nwu kalɔ kemmo. Ɔsika ánu áti tati tati ɔni na Hetiƒuɔ béti bábla ƒula bekyuli kalala. Na awɔ nábla lɛnyi éte ƒula lɛlɔ. Na lɛnyi lɛmmɔ lise líbedu ɔmwi kadi.

Daniel 9:5

Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Nehemia 1:10

“Anwuɔsu muuvele-ɔ ka ƒula bekyuli ku kabla bablane na badi na awɔ néti ƒula ɔyikun bonwu ékpo áƒɔ-ma.

Israelƒuɔ Bɔlɛ 32:11

Amu na Mose úvele kɔnyana bɔnu na Unwoti Katɔti kudɔ ɔnini, “Unwoti, bi ɔsu na éti kɔnyi ákya ƒula bekyuli lɛni? Ƒula bekyuli badi, na éti ƒula ɔyikun bonwu na áda-ma édie Egyipte kalɔ lɛlɔ.

Israelƒuɔ Bɔlɛ 14:18

Na si lɛ́di Ƒarao ku nwuna bapɔnkɔ kɛɛkɛ bakane ku bapɔnkɔ beliene bammɔ lɛlɔ lɛni na mina lɛnyi líkeye ni, na Egyipteƒuɔ banu bati ka ami ndi Unwoti.”

Israelƒuɔ Bɔlɛ 6:1

Amu na Unwoti ɔ́su Mose ɔnini, “Ɔƒɛni na adubo bɔnu lɛla lɛni na ndubo Ƒarao bɔbla. Ɔkɛnku mina ɔyikun kabla lɛlɔ ɔsu ni, ɔdubo Israelƒuɔ ulu budie. Na bɔbɔku na ɔdubo-ma bɔbɔku bɔlɛku nwuna kalɔ lɛlɔ.”

Korintoƒuɔ 2 1:10

Údie-bu ɔ́lɛku kukpi ɔgbankpi ɔmmɔ kemmo. Na ɔdubudie-bu lɛnɔ. Sɔsɔ ni, nwuna lɛlɔ na bɔɔsia anu ka ɔdubo-bu buteedie lɛnɔ.

Luka 18:13

“Nsu kuyi ɔƒɔne ɔmmɔ anwu únye ɔgyu ɔgyu na uláwia ɔnii ɔɔkɔliku nwuna lili muedi katɔ. Nsu úti nwuna enu úwi kayi na ɔ́su ɔnini, ‘Katɔti, nu ami alaekpidi ɔblane kɔnyana!’ ”

Luka 15:21

“Mmɔ na ubidi ɔ́su-nwu ɔnini, ‘Ati, lɛ́bla likpidi lɛ́ƒiɔ Katɔti, na lɛ́ƒiɔ awɔ lɛnɔ. Na ńsɔ ńtamanku ka alɔ-mi anii ubi lɛnɔ!’

Yeremia 32:10

Na ɔku kakunkɛ kani mɔɔtina ka kalɔ kammɔ kadi keyedi ni, lɛ́ya na bédie-ka kunweni kɔkunkɛ inyɔ na kadi biala kadanku bunyimi bɔni nkɛnku kalɔ kammɔ buye lɛlɔ. Na ami ku bamanyene bɔ́kya ɔku kakunkɛ kedeedi kɔnu. Na bákono-ka na béti kɔma ku ogya bábala-ka kenye asa na líti sika ɔƒualadi ɔmmɔ líte Hanamel.

Yesaia 55:13

Na egyii abuni enengudi ani mɔɔdia ala buti taabla adubɔkwɛ enye kesii kani na nka liyu alakpi nákya mmɔ. Na egyii ammɔ ndubunye mmɔ uwi ƒui, na atina kalɛ na Unwoti uukeye na ubo ɔbu.”

Kɔgya 106:8

Nsu na ƒula lɛnyi ɔsu ni, áƒɔ-ma ngba kalɛ na bekyuli banu ƒula ɔyikun bati.

Baga 1 8:51

Ɔsika badi ƒula bekyuli bani na áda édie Egyipte kalɔ lɛlɔ, kalɔ kani kemmo nse aani ogya lɛyu lɛni kemmo na baanwamana abuala.

Israelƒuɔ Bɔlɛ 9:16

Nsu kasusu kamɛni geen ɔsu na líse-ɔ lɛga kalɛ na lɛtina-a mina ɔyikun na bebo-mi lɛnyi kudu bete kayawi bekyuli ƒui.

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Lɛkpa Ulu 5:15

Na ɔlɛka binyimo ka uwi ɔni návi kemmo ni, bɛdi bekyuli bani na bénye-mii lɛlɔ ka bitaabla kabla teete-ma. Na ami ɔni ndi bina Unwoti Katɔti néti mina ɔyikun bonwu ku ɔlɔkplu kpakplaa na lídie-mii lɛ́lɛku mmɔ. Ɔmɛni ɔsu na muubó-mii ɔda ka bitabla kabla kadi lɛnwunameyi lɛlɔ.

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Baga 2 21:15

Ndubɔbla mina bekyuli kalala kamɛni, ɔsika bábla likpidi na mina anumi na bákya-mi kɔnyi. Úti ɔ́si uwi ɔni na bana bati kuuku bálɛ Egyipte kalɔ lɛlɔ ubedu ɔmwi kadi.”

Ala Alɛdi 2 6:37

Nsu si kama ƒui na bánu bana bɔƒiɔ báti na bénwini bánu kakpakɔ kamɛni na bévele-ɔ ni, na eti akyiɛ-ma asiku katɔ kesii kani na eli. Aka na lɛ́tu líte-ɔ na ƒula ɔma unegudi kemmo mɛni na kalɔ kani na éti éte bula bati kuuku mɛni kemmo.

Nehemia 1:6

Anwuɔsu buvele nda-a, se atu na ebimi anumi, na enu ami ƒula kabla ɔblane bɔkpali bɔni na mɔɔkpali-ɔ usien ku ɔƒɛ na ƒula kadi bekyuli Israelƒuɔ lili. Unwoti buvele muudie alaekpidi ani na ami ku mina kaduli bekyuli ku Israelƒuɔ ƒui bɔ́bla kalɔ ka eti-nya kyiɛ-bu.

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Yeremia 14:20

Abu ku bula bati kuuku ƒui bɔ́ƒiɔ-ɔ na ɔni na bɔ́ta búnye-ɔ lɛlɔ ɔsu.

Kɔnyana Buwulo 3:42

“Bɔ́bla alaekpidi bɔ́ƒiɔ, na bɔ́ta búnye-ɔ lɛlɔ, na éteti tɔ átakyiɛ-bu!

Esekiel 5:6

Nsu Yerusalemƒuɔ báta bénye-mi lɛlɔ na banii belenu-mi litemi. Béni mina ɔda bubo na bénwini alaekpidi bablane bonwu betulo kadi bamba bekyuli bani náka bámana-ma muedi.