Biblia Todo Logo
Bib sou entènèt

- Piblisite -




Daniel 9:13 - Katɔti Ɔku Kedee

13 Na bula ɔdi útakana na ɔlɛ ewida ala ani na Mose únweni úse mmɔ ɔdi kemmo. Nsu búni na bulévele-ɔ ka anu-bu kɔnyana na bunwini kama bɔkya bula ekpidi bɔbla, ɔsika awɔ aadi ƒula etemila lɛlɔ siin na alalɛ-nya kama kudii.

Gade chapit la Kopi




Daniel 9:13
35 Referans Kwoze  

“Ukyuli biala na Israel úni ƒula ɔda bubo na atuɔkplu bɔbla kemmo na buládi-mu lɛlɔ, anwuɔsu na ewida ani na ƒula kabla ɔblane Mose únweni úse ébo-bu lɛlɔ.


Lɛ́du bina bebi líti lɛ́ni-mii kɔtu nsu bíni na bítenwini bítebo-mii kudɔ. Bina kuwii na amii alati bíti bɛ́du bina kenye bediene aani bagyata bani néti kɔnyi.


Nsu bekyuli bamɛni belenu kalɔ ka benwini bebo ukyuli ɔni mɔɔní-ma kɔtu kudɔ, bana Unwoti Ɔyikune Ƒui kudɔ.


Israelƒuɔ lɛlɔ katɔ bɔkɔliku muudie-ma teete, na balatuna banii beenwíni bebo ami bana Unwoti Katɔti kudɔ iye bawia-mi kama ulu na lɛƒɔ-ma.


“Eƒraim úwulo ɔ́kpali-mi ku kɔnyana ɔnini, ‘Unwoti buse aani alakpi akɔ bakɔ bani na átina lɛnunda na kalɛ na ésusu-bu ɔsu na bɔ́tɛya kalɛ na bunu-ɔ litemi. Awɔ ndi bula Katɔti. Buvele na bɔda-a. Ya na bunwini bubo ɔma.


Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”


Na aya na linu ƒula ɔda bubo bɔmmɔ kalɔ. Na ndubuduo kasusu kemmo ɔ́si ala ani na átina-mi lɛlɔ.


“Bekyuli bani na baaagyi Katɔti ni, beeti kɔnyi kukpidi taavili. Na baaagyi kalɛ na bevele Katɔti na ubunku-ma si uwi ɔni na ɔɔní-ma kɔtu.


Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.


Use nwaa ka bɛgyi Kristo lɛlɔ litemi. Na aani nwuna kama basiakune ni, bátina-mii ala geen ani nkya Yesu ɔmmɔ kemmo.


Na bɔgyi ka lɛla lɛni na bénweni bákya Bunweni Kedee Ɔku kemmo ni, lɛdi litemi geen lɛni nse lísela uwi ƒui. Na mmɔ na Katɔti ɔ́lɔ bekyuli bani na ɔ́ya básu nwuna litemi buni ɔnii, ‘Bise aani Katɔti.’


Na bɛdubɔti litemi geen, na litemi lɛmmɔ lɛya na bɛkɛ bɔnwuna.”


Katɔti kenye udiene ɔdi únweni ɔnii, ‘Katɔti ndubɔtina bana ƒui ala.’ Anwuɔsu ukyuli biala ɔni nénu na ɔ́tɛya ala ɔ́siku Ati kudɔ ni, anwu muubo-mi kudɔ.


Mmɔ na ɔ́lɛmi-ma kasusu kalɛ na benu Bunweni Kedee Ɔku kemmo etemila ammɔ kalɔ.


Belewulo taakpali-mi geen taasiku bana kayi kemmo, mmomu bebi bana kɔtɛnkɔ beewulo kɔnyana, na baabla lɛlɔ ulikplu ala ani na basiaku ala bamba baabla na basia anu ka ɔmmɔ ɔdubɔya na bakɛ kebunku na wete-ma kusɛ kusɛ na bakɛ edula pii ani na baawia.


Kɔnyi kɔmmɔ kɔ́ya na báƒɔ ogya bakɛ aani ogya ku lɛyu na bádu bana batɔnkune ƒui unwi unwi. Na bana ɔdi útabla kasusu ɔnii ɔɔkpali-mi uvele kebunku kadi.


Sɔku-bu boku ƒula kudɔ! Na aya na lɛla biala lɛsɔ lise kalɔ ɔwɔdi.


Na ɔni na ntaanu-mii lɛlɔ kenye ni, ndubɔwia ulu ɔni lɛlɔ na masia mani-mii kɔtu mmomu. Na bina badi bɛdubo bukpi na kekpokɔ na kɔka lɛnɔ kɔdu badi.


Ukyuli ndi ukyuli ɔsɔ ulákpali-ɔ lɛnyi iye unye kpakplaa ute-ɔ, ɔsika ábɛla-bu ƒula anumi. Na bubie kani náƒɔ-bu keliela ƒui na bɔɔyii udu na bula alaekpidi ammɔ ɔsu.


Bɛnu! Ala ani ƒui na lɛ́su ka adubo abálɛ ni, álɛ lɛni sɔsɔ kalɛ kani na lɛ́su. Na ɔƒɛni ni, ndubo-mii ala ani nsɔ ndubo abálɛ bɔsu.


Awɔ néti ƒula enu ávɔ-mi na ada-mi lɛnɔ. Ya na nteenu ala kalɔ na lɛtɛya ƒula ɔda bubo bɔmmɔ kaduɛ.


Ya na mina anumi ebimi na lɛnu etemila geen ani nkya ƒula ɔda bubo bɔmmɔ kemmo lɛti.


O Katɔti, awɔ ndi bula ngba bɔƒɔ. Buuvele-ɔ ka ada-bu kɔnyi buti bɔkya aya na asɔku-bu eboku bula uwi ɔbuni kemmo.


Nsu úti úbedu ɔmwi limeyi lɛmɛni lɛlɔ útaya na binu kalɔ iye bɛnu bɛti lɛla lɛni ɔsu na ala ammɔ álɛ lɛni.


Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.


ɔsika lɛni na Unwoti ɔɔsu ɔnini, “Ndubo Yerusalem ku bekyuli bani nkya mmɔ bɔkyula aani kalɛ na bénweni bákya ɔku ɔni na ɔga ɔmmɔ ɔ́ka kemmo.


“Ami Unwoti lɛ́su amii Israelƒuɔ nnii bíitu lɛlɔ geen, nsu ɔɔɔdi ami na bɛɛkpali.


Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.


Na bina bakpana lɛnɔ báyiƒala-mii na basɔ baaadaku-mii lɛda lɛnɔ. Na ami muedi mina ɔbladu ɔ́tina ka línwini-mii ukisine. Na ka bina ekpidi ébomo na emomo ɔsu ni, ndubo-mii ulikplu bɔbla si mɔɔní-mii kɔtu.


Ɔgbankpi ɔmɛni úbo-mii lɛlɔ, ɔsika bɛ́kpa baƒiɔ bamba na bɛ́ta bínye Unwoti lɛlɔ na bíni bɛnii bilenu-nwu litemi na bɛsiaku nwuna ɔda bubo ku ala ani na ɔɔtina lɛlɔ ɔsu.”


“ ‘Ákya-mi kɔnyi geen na ala ani na ábla na eesé lɛlɔ mɛni ɔsu ku kalɛ na áyiƒala kalɛ na lɛ́nu-ɔ lɛlɔ uwi ɔni na ɔdi ɔnamu. Ɔmmɔ kama asa na ébenwini ɔyalɛ na ƒula ala bɔbla kemmo. Ɔlɛka akɛ ƒula kɔtu bɔni! Ami Unwoti Katɔti násu.


Swiv nou:

Piblisite


Piblisite