Daniel 8:14 - Katɔti Ɔku Kedee

¹⁴ Mmɔ na ɔtu unyɔdi ɔmmɔ údie kenye ɔnini, “Ɔdubɔbla useyi uwi ku kadi bugye emeyi mpim inyɔ ku emeyi eti aku, asa na badubɔbla kakpakɔ kammɔ kedee bɔsɔku bute Katɔti, asa na ɔdia na basɔ bataabla lɛla lɛdi na nwuna kemmo.”

Daniel 8:14 Referans Kwoze

Daniel 12:7

Amu na Katɔti ɔtu ɔmmɔ ɔ́kɔliku nwuna enu anyɔ katɔ na ɔ́su ɔnini, “Na Katɔti ɔni nli ngba uwi ƒui lɛnyi kemmo ni, muusé kenye kpakplaa ka lɛkwa linwi ku akwa anyɔ ku kakɛ. Na lɛla biala lɛdububo kawɔlɔkɔ uwi ɔni na Katɔti bekyuli lɛbibo lɛmmɔ lɛdubɔsa.”

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Yesaia 45:25

Ami Unwoti ndubo bɔya na Israelƒuɔ badi lɛlɔ na lɛya na baƒɔ lɛnyi geen.”

Budie Taatina 12:14

Amu na Katɔti úte uleku ɔmmɔ aasɛ bonwu avwi kalɛ na uveyi uteesie nwuna keliekɔ na ketele kemmo. Mmɔ na badubo-nwu bɔgyumana akwa atɛ ku kakɛ ɔsiku kɔlakpi kɔmmɔ kudɔ.

Daniel 8:26

“Lɛla lɛni na ánu ásiku lɛdigye ku useyi uwi lɛlɔ ni, sɔsɔ na ɔdi. Nsu ala ammɔ aaadubo buyile bɔlɛ, anwuɔsu tasɔku-nya tasu bekyuli.”

Yesaia 1:27

Ka Unwoti Katɔti ɔɔtɛ litemi ulu lɛlɔ na use siin ɔsu ni, alaekpidi bablane bani nkya Sion na bana ekpidi éduo-ma na bénwini kayi, badubɔkɛ bɔƒɔ.

Budie Taatina 13:5

Eƒiebuo ɔmmɔ ɔ́kɛ ɔyikun na ɔ́di ala lɛlɔ abuli aavlene-anyɔ, na ɔ́talaku lɛlɔ katɔ, na údumi Katɔti geen.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Galatiƒuɔ 3:8

Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Ala Kalɔ Buse 1:5

Na bukeye bɔmmɔ na Katɔti ɔ́lɔ ɔnii kadi nwaa, na ɔ́lɔ lɛdisa ɔnii usien. Na useyi údu na kadi kégye na limeyi lideedi lɛ́vi.

Daniel 12:12

Ukyuli biala na ɔ́kɛ kayii buɛɛ útédu ka emeyi apim unwi ku emeyi eti aku ku avlaatɛ-alɔ (1,335) ávi ni, Katɔti ɔdubute ukyuli ɔmmɔ kusɛ kusɛ.