Daniel 7:7 - Katɔti Ɔku Kedee

⁷ Na kebweyi kenedi aka kasɔ kebo ɔkplu ketulo bedeedi ƒui na kaada liƒu lɛnɔ teetulo-ma. Na abuala na béti bábla nwuna anyi bonwu bonwu ani nlɛ-nwu kenye kemmo. Na si lɛla lɛni na úteti nwuna anyi útadu ni, nwuna lɛgba na uuti teetu-ni taabwɛ. Úse ɔ́vumanaku bakladi ƒui. Na ese leevu nlɛ-nwu lili lɛlɔ.

Daniel 7:7 Referans Kwoze

Budie Taatina 13:1

Ɔmɛni kama lɛ́nu eƒiebuo ɔdi ka ɔ́lɛ ɔ́si ɛpu kemmo ɔ́kɔ ɔɔlɛ́. Ubo eli maatɛ na ese leevu alɛ-nwu eli ammɔ lɛlɔ. Na lise biala lɛlɔ ni, kagabwa kebi. Na nwuna lili biala lɛlɔ ni, lɛnyi lɛdi lɛsia lɛni muudumi Katɔti.

Budie Taatina 12:3

Amu na lɛ́nu akɔla ala bɔnu bɔbambadi lɛnɔ! Liƒu kɔlakpi bonwu kɔdi négyie geen kɔ́da kɔ́lɛ kayaa. Na kubo eli maatɛ ku ese leevu. Na kagabwa kebi-ku lili biala lɛlɔ.

Budie Taatina 17:12

“Na ese leevu ani na ánu mmɔ ni, adi baga leevu bani nétese tɔ kalɔ ku lɛga bɔdi. Nsu badubo-ma kuƒi bute uwi klukui na badi lɛga ku eƒiebuo ɔmmɔ.

Budie Taatina 17:7

Amu na ɔtu ɔmmɔ úye-mi ɔnini, “Bi ɔsu na ɔ́bla-a kalɛ kadi? Ndubudie lɛsugba lɛmɛni kalɔ lite-ɔ. Lɛkɛnku uleku ɔmmɔ ku eƒiebuo ɔni lɛlɔ na uleku ɔmmɔ ulie mmɔ lɛlɔ. Na eƒiebuo ɔmmɔ mbo eli maatɛ, na ese leevu alɛ eli ammɔ lɛlɔ.

Daniel 8:10

Na ɔ́kɛ ɔyikun geen ɔni na úkpoku ayabi ani ndi kayaa bekpone ƒui lɛnɔ, na úti-ma pii úbewi kalɔ lɛlɔ, na ɔ́kɔ ɔ́nya-ma lɛlɔ úsusu ɔ́vi.

Daniel 7:13

Ntɛ mɔɔnu ala ani ƒui mɔɔlɛ́ usien ɔmmɔ, na lɛ́nu ukyuli ɔdi ɔni nse aani ɔyawine ubi na ɔ́si ɔdubo na ulɔyɔ kemmo na kayaa. Na bébeti-nwu bétényene Katɔti ɔni nli uwi ƒui anumi.

Samuel 2 22:43

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Budie Taatina 17:8

Eƒiebuo ɔmmɔ ni, úlie ngba dii, nsu ɔsɔ uuubo. Na ɔdubo bɔlɛ bɔsi kasuudikɔ ubu bonwu ɔmmɔ kemmo, na usie na Katɔti ɔyila-nwu udu ƒui. Na bekyuli bani nli kayawi lɛlɔ na bétenweni-ma anyi bátakya ngba ɔku kemmo asa na Katɔti údie kayawi ni, ɔdubo-ma bɔbla kalɛ kadi si banu eƒiebuo ɔmmɔ. Ɔsika úlie ngba dii, nsu ɔsɔ uuubo, na ɔsɔ ɔdubo bɔda bɔlɛ.

Daniel 2:19

Usien ɔmmɔ ni, Katɔti údie ɔga ɔmɛni kɔna kɔmmɔ ɔ́tina Daniel na kɔyu kemmo ala bɔnu kemmo ku kuna kalɔ budie. Anwuɔsu úmwi Katɔti ɔni nli mɔɔdi lɛlɔ ɔ́si katɔ kakaaka ƒui ɔ́su ɔnini,

Hiob 41:14

Ɔma ndubuse kayi ubimi-nwu kenye na ɔnu-nwu kenye kemmo anyi ani mɔɔda liƒu mmɔ?

Daniel 8:22

Na uwi ɔni na lise lɛmɛni lɛ́ƒɛ ni, lɛga kɔdikɔ ine bamba badubo, nsu ama baaadubo ɔyikun bɔkɛ aani udeedi kalɛ.

Sakaria 2:1

Uwi ɔmɛni kemmo ni, lɛ́nu ka ukyuli ɔdi ɔda kabuli kani na baakɔ́ku ala.