Daniel 7:4 - Katɔti Ɔku Kedee

⁴ Udeedi use aani gyata na ubo avwi aani kɔdigbo aasɛ kalɛ. Na ɔni na nnye mɔɔnu ni, bákpɔlɔ-nwu avwi ammɔ bédie, na báya na ɔ́ta únye ligeen na nwuna lɛgba lɛmadi inyɔ bɔmmɔ lɛlɔ aani ukyuli ɔyawine kalɛ. Na béte-nwu ukyuli ɔyawine kasusu.

Daniel 7:4 Referans Kwoze

Yeremia 4:7

“Bekpone badi badubɔda babalɛ-mii lɛlɔ aani gyata ɔni nási ɔ́lɛ nwuna lɛtabi ubu kemmo na babakyula kadi bekyuli pii na ɔbwɛ bina lɛma na lɛsɔ liwi ukpludi.

Esekiel 17:3

kalɛ na benu lɛla lɛni na mɔɔsu kalɔ. Kɔdigbo aasɛ ɔdi na avwi ebo-nwu ɔkplu geen na nwuna kɔgya kɔɔdia bɔnu ni, úveyi limeyi lɛdi úsie Lebanon. Na ɔ́ƒɛ kugyii kpakplaa kɔdi kagba katɔdi.

Mateo 24:28

Anwuɔsu bitayiƒala ka kesii kani na lɛla lɛdi likpi lɛtɛ ni, mmɔ na begbini baasa.

Daniel 4:36

Uwi ɔni kemmo kani na mina kasusu kásɔ kénwini kébo-mi nwaa ni, bekyuli bése kalɔ baabu-mi na muukeye kalɛ na mina lɛgakadikɔ lɛnɔ kekeye. Na ɔmɛni kama ni, mina kasusu bakyane ku kelisa benengu ƒui básɔ bénwini bábasia-mi kama, na básɔku-mi bése liboku lɛlɔ mina ɔyikun ku kenyekɔ kásɔ kákɔ katɔ kétulo kudeedi ƒui.

Esekiel 28:9

Na si uwi ɔni na úbo úte ka enye asiaku ƒula bekisine adubɔsɔ asu anii kayaa ɔyikune ɔdi na adi? Badubo-ɔ bukpoku na ebo abi aani ukyuli ɔyawine bamba kalɛ.

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Kɔnyana Buwulo 4:19

Bátu bási bébo-bu lɛlɔ ku usi ɔni ntulo kalɛ na kɔdigbo aasɛ ɔɔyu teebo kalɔ. Na bábwi-bu bási abi lɛlɔ, na bákywɛ-bu kɔkpagyuɛ bése ka beƒie-bu na kalɔ kakwiidi kemmo.

Yeremia 48:40

“Moab, aanu ka ukisine ɔdi úveyi ɔɔví kayaa na ɔ́tu ɔdubo aani kɔdigbo aasɛ na úgyingya avwi úbi ƒula kalɔ kammɔ lɛlɔ.

Yeremia 25:38

Unwoti úni nwuna bekyuli na báda bana kɔduli béwi aani kalɛ na gyata ɔɔlɛ́ nwuna lɛtabi ubu taatɔlɔ na ɔda ubu ɔmmɔ uwi.

Yeremia 4:13

Bɛnu! Aanu bina bekisine bekpone ka bási baayu aani kalɛ na kɔdigbo kɔɔtu taayu lɛla lɛni na uƒie lɛlɔ. Bana bapɔnkɔ ku kɛɛkɛ uukeli usi momoomo teetulo kalɛ na ɔƒɛƒɛɛ kpakplaa uuminime liƒlukutu na kayaa. Na mmɔ na bɛdubɔsu ku kɔnyana bɛnini, ‘Abu ɔdi ɔ́sa!’

Kɔgya 9:20

O mina Unwoti, ya na liƒu ala bonwu ada alɛ-ma lɛlɔ. Na bati nwaa ka kayawi bekyuli keeke kani na badi.

Hiob 25:6

Amu na dɛ na bɔdubɔsu ka ukyuli ɔyawine uukeye ɔni na liklubi kani na ɔdi mɛni?”

Samuel 2 1:23

“Saul ku Yonatan ni, bábla lɛƒɔndia na bana ngba kemmo na bekyuli báyɔ-ma. Na bétegyingyaku lɛlɔ útálɛ kukpi kemmo. Bebo ababla betulo kɔdigbo aasɛ. Na bebo ɔkplu betulo bagyata.

Lɛkpa Ulu 28:49

Na Unwoti ɔdubɔya na kadi bamba bekyuli bani na si bátɛmi na bilénu kalɔ basi ɔgyu kakaaka bada balɛ-mii lɛlɔ kɔnakunwi aani kalɛ na kasangbii kaayu teeƒie lɛkɔkɔbi kalɛ.

Budie Taatina 13:2

Eƒiebuo ɔmmɔ use aani ebuoƒuala, na nwuna lɛgba lise aani kegiti lɛgba, na nwuna kenye kese aani gyata kenye. Liƒu kɔlakpi kɔmmɔ kúti kuna ɔyikun kúte eƒiebuo ɔmɛni ku kuna lɛgaboku ku kenyekɔ kenengudi.

Daniel 7:5

Na kebweyi kanyɔdi kálɛ kegidi na káta kenye nwuna lɛgba lɛmadi lɛlɔ ligeen. Na ɔ́du aƒɛnyikubi atɛ ɔda na nwuna anyi kemmo na básu-nwu banini, “Ta na ekpoku-nwu, na akun nwuna ɔlɔna ɔni ƒui na aayɔ́.”

Yeremia 49:19

“Ndubo awɔ Edom bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Daniel 2:38

Na aadi bekyuli ku bebuo ku baasɛ ƒui lɛlɔ. Na awɔ ndi sika ugyiedi lili lɛmmɔ.

Daniel 7:12

Na bebweyi ɛtɛ bakladi ama ni, béƒie bana kenyekɔ ɔyikun ɔni na nka béte-ma mmɔ báƒɔ, nsu béte kuƒi ka basɔ belie uwi klukui ɔdi bebu.