Daniel 7:15 - Katɔti Ɔku Kedee

¹⁵ Ala amɛni bɔnu bɔ́ya na liƒu lɛ́da ami Daniel geen, na nsɔ lɛɛɛgyi lɛla lɛni na mina kasusu kaatina-mi.

Daniel 7:15 Referans Kwoze

Daniel 7:28

Ala ani na lɛ́nu na línu lɛnɔ kawɔlɔkɔ mɛni. Na ɔ́bla-mi dɛye dɛye ku liƒu, na ɔkya-mi kasusu kemmo kpoo.

Petro 2 1:14

Ngyi ka kébu blii na linwini kama aani kalɛ na Blɔti Yesu Kristo ɔ́su-mi nwaa kalɛ.

Habakuk 3:16

Ka lɛ́nu kɔyu kemmo ala budie taatina bɔmɛni ɔ́siku Unwoti linyesia lɛmɛni lɛlɔ ni, liƒu lɛni náda-mi ɔ́ya na lɛ́bla kpɛtɛ kpɛtɛ na mina enyekuli kani mɔɔtɔ́ kpakpaakpa. Na ɔ́bla-mi aani bɔyɛɛlɛ na mina ekubi ada na mina lɛlɔ kemmo, na ɔɔbla-mi gbanta gbanta. Nsu ndubɔkɛ kayi na linye kpoo ntaanu ulu teete limeyi lɛni na Unwoti ɔdubɔkyula bekisine bekpidi bamɛni.

Daniel 8:27

Amu na ala amɛni ƒui kama ni, lɛlɔ líse lítu-mi geen na lɛ́bla kpɛtɛ kpɛtɛ ɔni na bɔtɛ kani na mɔɔtɛ na ńsɔ ńtakana mina ɔga ɔmmɔ kabla kadi bɔta bɔbla uwi gyɔlɔɔ ɔdi kemmo. Na ala ani na lɛ́nu mmɔ ékpoku-mi geen, nsu eeebo-mi kalɔ bunu bɔdi nwaa lɛni.

Daniel 7:1

Daniel únweni ɔku ɔdi ɔnini, Uwi ɔni na Belsasar ɔɔdi lɛga na Babilon lɛkwa lideedi kemmo ni, lígye kɔna na lɛ́nu kɔyu kemmo ala budie taatina bɔdi na mina lɛlɛɛ kemmo usien ɔdi, na línweni líse. Lɛ́nu ka ɔƒɛƒɛɛ ɔni nási kayawi lɛƒɛnyi ine bɔmmɔ ƒui uukpó, na ɛpu bonwu ɔmmɔ ɔɔnwanɛ lɛlɔ geen.

Daniel 4:5

Lígye kɔna kɔdi na kɔɔda liƒu geen ku kɔyu kemmo ala adi bene bɔnu.

Daniel 2:3

Na ɔ́su-ma ɔnini, “Kayi keekpóku-mi geen na kɔna kɔni lígye, na neeenu-ku kalɔ. Anwuɔsu mɔɔwia ka bidie-ku kalɔ bite-mi.”

Daniel 2:1

Na Nebukadnesar lɛga bɔdi lɛkwa linyɔdi kemmo ni, úteegye ana ani mɔɔda liƒu geen na ulákana bɔlɛɛ.

Yeremia 17:16

Unwoti, awɔ náƒuna-mi anii ntaanu ƒula bekyuli lɛlɔ na ɔmmɔ na nnye mɔɔbla. Na lɛla biala na lɛ́su ni, agyi-ni. Na ńtasu-ɔ ina limeyi lɛdi nnii ni-ma kɔtu kɔdi dii.

Ala Kalɔ Buse 41:8

Na ɔtanta ɔmmɔ ni, kasusu kékpoku Ƒarao geen. Ɔmmɔ ɔsu ɔ́ya na bálɔ bekebone ku Egyipteƒuɔ banundane béte-nwu. Na ɔ́sɔku ana ani na úgye ƒui ɔ́su-ma. Nsu ɔdi útakana na udie-nya kalɔ ute-nwu.

Daniel 4:19

Amu na uwi klukui ɔdi kemmo ni, Daniel kasusu kéƒu-nwu na kayi lɛnɔ kákpulu-nwu na kasusu kani na ɔɔbla taasiku kɔna kɔmɛni lɛlɔ ɔsu. Nsu Ɔga ɔ́su-nwu ɔnini, “Beltesasar kasusu ketekpoku-ɔ, na kayi lɛnɔ katakpulu-ɔ na kɔna kɔmɛni ɔsu, iye lɛla lɛni na kuna kalɔ budie bɔdanku lɛlɔ.” Mmɔ na Daniel údie kenye ɔnini, “Ɔga Ɔbune, si nka ƒula bekisine lɛlɔ na égye kɔna kɔmɛni udu ni, nka kaƒɔ kadubɔyɔ-mi!

Daniel 8:2

na ami Daniel nkya Babilon kalɛkɛ kani baalɔ Elam kemmo na bana ɔma unengudi ɔni baalɔ banii Susa kemmo. Na mmɔ kede Ulai Ketu.

Daniel 10:16

Ɔmmɔ kama údie lɛlɔ nwaa aani ukyuli ɔyawine na útuku-mi enyekuli. Mmɔ na lɛ́su-nwu nnini, “Ati, ƒula ala budie taatina bɔmɛni bɔ́ya na muunú ɔlɛ geen, na mina kayi kemmo na ɔyikun biala ɔsɔ uuubo-mi lɛlɔ kemmo lɛnɔ.