Daniel 7:10 - Katɔti Ɔku Kedee

¹⁰ Na ogya uudie linyemi ɔdubo aani ketu bɔgba taasi nwuna lɛƒɛnyi ƒui lɛlɔ taaka taamana-nwu. Na bekyuli bani na balakana-ma bumomo bɔka benye bámana-nwu baabla-nwu kabla. Na mpim leevu leevu benye-nwu anumi. Litemi bɔtɛ uwi údu. Na bébimi lɛku lɛni kemmo na bénweni bekyuli lɛlɔ ala bákya béwi.

Daniel 7:10 Referans Kwoze

Yesaia 30:27

Bɛɛnu ka Unwoti Katɔti ɔ́si ɔdubo agyu kakaaka na ɔkɛ ku kɔnyi kɔni nse aani ogya ku uyɔ ɔni mɔɔda na ɔ́kɔ úsela katɔ ƒui. Na etemila ani na mɔɔlɛ́-nwu kenye kemmo ese aani ogya unyemi ɔni mɔɔkyula ala.

Lɛkpa Ulu 33:2

“Unwoti ɔ́si Sinai kɔbi lɛlɔ. Na nwuna bukeye bɔ́lɛ aani kalɛ na ɔƒɛ ɔ́tu ɔ́si Seir na úkeye ɔ́si Paran Kɔbi uwi nwuna bekyuli. Na ka ɔdubo ni, katɔ batu mpim leevu básiaku-nwu. Na nwuna kɔdianu kɔɔda ani ogya.

Budie Taatina 5:11

Ka lɛ́sɔ lɛ́nu ni, lɛ́nu katɔ batu mpim ɛlɛ ɛlɛ ku mpim leevu akpa leevu alɛ alɛ ka bénye bámana lɛgaboku lɛmmɔ ku ngba batu ine ku benengu bammɔ.

Kɔgya 50:3

Bula Katɔti ɔdubo ubabla lɛla lɛdi na ɔɔɔdubo buse buɛɛ. Ɔkɛ ku kudu ku ogya ku ɔƒɛƒɛɛ kpakplaa na ɔɔka taamana-nwu.

Kɔgya 68:17

Uwi ɔni na Katɔti ɔ́yu úbo nwuna bekyuli kudɔ na Sinai kɔbi lɛlɔ ni, ɔkɛ ku nwuna bapɔnkɔ kɛɛkɛ linengudi mpim mpim lɛlɔ.

Yuda 1:14

Bekyuli bamɛni lɛlɔ litemi geen na Henok ɔni ndi kaba maatɛdi ubi ɔ́si Adam lɛlɔ ɔ́su úse ɔnini, “Katɔti ku nwuna batu ƒui bumomo báyu bébo kalɔ lɛlɔ.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Yesaia 30:33

Na ɔ́si kukuuku ni, Katɔti ɔ́ɔklibi kesii kadi úse úte Asiriaƒuɔ baƒiɔ bani na baatu lili aani ɔga ɔni ndubo bukpi. Na ogya ɔmɛni kasalakɔ kadi ubu voo ɔni na nwuna kemmo kábɛbɛ na bátɛ ekyweni bése béte-nwu. Na ogya agyabi ku ɔnyi ɔni na Katɔti ɔdubɔnwuna ɔlɛku nwuna lɛlɔ kemmo na ɔdubuti ɔtu ɔkya ekyweni ammɔ.

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Daniel 7:22

Amu na Unwoti ɔni ntulo ƒui na ɔdi Katɔti ɔni nli uwi ƒui mɛni úbo na úbatɛ litemi na úte nwuna bekyuli baƒunadi bamɛni ubo, ɔsika uwi ɔni na beti lɛga kadikɔ kammɔ bete-ma údu.

Hebriƒuɔ 12:22

Biiise aani Israelƒuɔ bammɔ. Mmomu amii ni, Sion Kɔbi kudɔ na bíbo bínye ɔni ndi Katɔ Ɔga Ɔma Yerusalem ɔni ndi Katɔti ɔni nli ngba uwi ƒui ɔma unengudi. Katɔti batu mpim mpim kasala bani na lɛlɔyɔ lɛ́ƒɔ-ma kemmo na bíbo bíbasiaku.

Sakaria 14:5

Na bɛdubukeli bɛsia kɔwɛ kɔmmɔ kemmo útédu Asal. Na bɛdubɔwia kasiakɔ kesii biala aani kalɛ na ɔ́bla uwi ɔni na kalɔ kákunku na Yudaƒuɔ Ɔga Usia uwi. Na ɔmmɔ kama ni, Unwoti Katɔti ɔdubɔda ɔlɛ ku nwuna batu.

Daniel 7:26

“Nsu kawɔlɔkɔ ni, Katɔti ɔdubɔtɛku-nwu litemi na nwuna lɛga kadikɔ kammɔ kabwɛ kayii udu.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Budie Taatina 11:18

Bekyuli bani ƒui nátaƒɔ-ɔ bátadi ni, béti kɔnyi. Anwuɔsu ƒula kɔtu bɔni kúbo-ma lɛlɔ. Ɔsika uwi údu ka atɛku bekyuli bekpine litemi. Ɔdi uwi ɔni na adubɔƒɔ kayu kabuni ete ƒula kabla bablane ku kenye bediene ku ƒula bekyuli ƒui. Na benengu ku banamu bani ƒui mɔɔbu-ɔ ni, adubɔƒɔ-ma kayu kabuni. Na adubɔkyula bekyuli bekpidi bani nádu ƒula bekyuli na kalɔ lɛlɔ!”

Ala Alɛdi 2 18:18

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Kɔgya 18:8

Uyɔ ɔ́lɛ-nwu enwu kemmo, na ogya lɛnɔ ɔ́lɛ-nwu kenye kemmo ɔ́kyula ala. Na ogya agyabi ani náƒɔ ogya geen sɔsɔ aasí taabayu.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Hiob 25:3

Ɔma ndubɔkana na ɔka nwuna bekpone esu esu ani nkya katɔ? Na ɔma lɛlɔ na Katɔti bukeye bulátu teewi?

Kɔgya 103:21

Amii nwuna katɔ kabla bablane lisu bani mɔɔbla-nwu kabla, bimwi-nwu.