Daniel 6:7 - Katɔti Ɔku Kedee

⁷ Anwuɔsu ƒula bakutine ku benengu ku kasusu bakyane ku ƒula aban bagadine ƒui búnu kalɔ ka enyimi ɔda bubo bɔni muutile ukyuli biala kuƒi ka ɔkya lili kalɔ ute baƒiɔ badi iye lɛla bamba utulo awɔ kani emeyi avlaatɛ ani ndubo mɛni kemmo. Na ukyuli biala ɔni meni ɔmɛni bɔbla ni, ɔlɛka bebo-nwu bakya ƒula bagyata ubu kemmo.

Daniel 6:7 Referans Kwoze

Kɔgya 59:3

Ɔsika ni, Ati, bábɛ belie-mi ulu lɛlɔ ka badu-mi. Na bayikune bála lɛlɔ básala baawia-mi ngba bebile. Nsu ntabla-ma lɛla likpidi lɛdi.

Daniel 3:27

na ɔga bakutine bammɔ ku aban bagadine benengu ku ɔga kasusu bakyane bammɔ ƒui bábasa lisu na bana kudɔ mmɔ. Na bánu ka nkyuli ɛtɛ bammɔ kesii kadi kátakywi iye ogya útekeyi bana lili linwini na belénwenyi uyɔ lɛnɔ.

Daniel 3:6

Ukyuli biala ɔni meni lili kalɔ bɔkya bute-nwu ni, badubo-nwu buƒwimi bɔkya lɛgyavonku kemmo.”

Daniel 3:2

Na ɔ́lɔ nwuna kadi benengu ƒui ɔ́siku nwuna lɛga kadikɔ kesii biala úbasala. Na ama ndi aban bagadine benengu ku nwuna kasusu bakyane ku egulabi lɛlɔ banune ku litemi batɛne ku nwuna bakutine benengu ɔnii bebedie lɛtabi lɛmɛni keyi batina kadi ƒui.

Kɔgya 62:4

Baawia ka batu-mi bedie mina kenyekɔ na bayila-mi lɛnyi lɛni na lɛ́ƒɔ. Ɔkɔ bɔnyi bɔɔda-ma kubiti. Na baatɛmi minimini nsu ɔdu ukpidi sɔɔn náƒɔ-ma kayi kemmo.

Yohane 12:10

Anwuɔsu bakpane benengu bábla kasusu ka badu Lasaro lɛnɔ.

Marko 15:1

Ɔtanta tutuutu ni, bakpane benengu bátása ku Yudaƒuɔ benengu ku ɔda bubo ala batinane ku litemi batɛne ƒui. Ka béti litemi lɛmɛni lɛlɔ kasusu ku kalɛ na badubɔbla-ni ni, bényimi Yesu na bétiku-nwu bátɔlɔku bésienku aban unengu ɔni baalɔ Pilato kudɔ.

Mateo 26:4

Na béti kasusu kalɛ na beƒie Yesu na bɔbɛ kemmo na badu-nwu.

Mateo 12:14

Amu na Ƒarisiƒuɔ bani nkya mmɔ bátɔlɔ na bátábla kasusu ka badu Yesu.

Kɔgya 10:9

Na ɔɔsɔ teebi nwuna kabɛkɔ mmɔ kpoo aani kalɛ na gyata ɔni na kɔka kɔɔda ɔɔbla. Na ɔɔtú bawabane. Na uƒie-ma kɔnakunwi na ɔkpɛ-ma ɔtɔlɔku aani ebuo ɔni nánu kakpagyuɛ.

Nahum 2:12

Ama nse aani bagyata bammɔ bani muuƒie bana bebuokpana taatɔlɔku teetéte bana bebi na bakun.

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Daniel 3:11

Na ásu lɛnɔ ka ukyuli biala néni na útabla lɛni ni, badubo-nwu bubo bɔkya lɛgyavonku kemmo.

Kɔgya 94:20

Belikplune bani mɔɔdi lɛlɔ ni, awɔ ku-ma biiibo kɔna kɔdi, ɔsika béti ala ani na balábla siin bénwini ɔda bubo bényimi bekyuli.

Kɔgya 2:2

Kayawi baga bábla unwi na benye beekpóku awɔ ku ƒula Ukyuli Ɔƒunadi.

Kɔgya 83:5

Sɔsɔ geen na ɔdi ka lɛni na bábla kasusu kenwi na bényimi kpakplaa na ƒula lɛlɔ.

Daniel 6:16

Ɔmmɔ ɔsu Dario údie lɛdi ɔnii balɛku Daniel beboku na bebo-nwu bakya bagyata ubu ɔmmɔ kemmo. Nsu ɔ́su Daniel ɔnini, “Lɛ́nu ka ásiaku ƒula Katɔti kama siin na átalɛ-nwu kama. Anwuɔsu muuvele ƒula Katɔti ɔmmɔ nnii udie-ɔ.”

Kɔgya 59:5

Unwoti Katɔti Ɔyikune Ƒui, awɔ ndi Israel Katɔti. Ta na ani kadi bamba bekyuli ƒui kɔtu. Na tada bani muulie taakya bekyuli kakya tese.

Daniel 2:4

Amu na bédie kenye na Siria lɛdi kemmo banini, “Bula Ɔga Ɔbune, bɔɔwia ka elie ngba uwi ƒui! Ƒula kabla bablane na bɔdi, anwuɔsu su-bu ƒula kɔna kɔni na égye na budie kuna kalɔ bute-ɔ.”

Daniel 6:22

Mina Katɔti ɔgyi ka ńtaƒiɔ, anwuɔsu ɔ́tala nwuna batu na bábala bagyata bammɔ kenye na bátakun-mi. Na ńtabla lɛla lɛdi ńtaƒiɔ-ɔ iye liti likpoku awɔ mina Ɔga Ɔbune kudii.”