Daniel 4:34 - Katɔti Ɔku Kedee

³⁴ Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Daniel 4:34 Referans Kwoze

Budie Taatina 4:10

benengu aavlanyɔ-ine bammɔ beebimi bana kɔgabwa taava-nwu anumi, na baayu teebi kalɔ. Na beemwi anwu ɔni nli ngba úsela ƒui, na baasu banini,

Daniel 12:7

Amu na Katɔti ɔtu ɔmmɔ ɔ́kɔliku nwuna enu anyɔ katɔ na ɔ́su ɔnini, “Na Katɔti ɔni nli ngba uwi ƒui lɛnyi kemmo ni, muusé kenye kpakplaa ka lɛkwa linwi ku akwa anyɔ ku kakɛ. Na lɛla biala lɛdububo kawɔlɔkɔ uwi ɔni na Katɔti bekyuli lɛbibo lɛmmɔ lɛdubɔsa.”

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Kɔgya 145:13

Na ƒula lɛga kadikɔ kammɔ keeebo kawɔlɔkɔ na awɔ kani ndubɔdi lɛga buteesie uwi ƒui. Unwoti ɔɔdi nwuna linyese lɛlɔ na ubo lɛƒɔndia na nwuna ablala ƒui kemmo.

Daniel 6:26

“Muute amii bani nkya mina lɛga kadikɔ kemmo bɔti ka ɔdi biala utaakya lili kalɔ teete Daniel Katɔti, na uteeti ɔbu teete-nwu. “Ɔsika anwu ndi Katɔti ɔni nli ngba na nwuna uwi use úsela ƒui na nwuna lɛga kadikɔ kalayii udu na kalɛ na ɔɔdi ala ƒui lɛlɔ ku ɔyiku ɔɔɔdubo bɔsa kudii.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Luka 1:33

Na ɔdubo lɛga bɔdi na Yakob kaba kemmo uwi ƒui. Na nwuna lɛga kadikɔ kalása kudii.”

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Daniel 4:26

Nsu úbo ɔda ɔnii batabla ligyukui lɛmmɔ iye ligyiitu lɛmmɔ lɛla lɛdi biala. Ɔmɛni ɔɔtina ka adubɔsɔ enwini abadi lɛlɔ aani ɔga kalɛ si uwi ɔni na ánu áti ka Katɔti mɔɔdi lɛla biala lɛlɔ taasiku katɔ kesii kani na ulie mmɔ.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Mika 4:7

Na bekyuli bani nébu mɛni na badi balɛne na bani na béƒie bátɔlɔku mɛni kemmo ni, badubunwini mina bekyuli na lɛya na benwini kadi bani na bebo ɔkplu. Na ami Unwoti ndubo Sion Kɔbi lɛlɔ mmɔ bulie na Yerusalem, na ntaadi-ma lɛlɔ úsela uwi ƒui.

Daniel 4:3

Nwuna akɔla budie taatina ébomo geen, Na nwuna ablala etulo bɔsu! Nwuna lɛgakadikɔ kese késela uwi ƒui Na ɔdubo lɛlɔ butaadi ɔ́si kaba úsie kaba.

Kɔnyana Buwulo 3:38

Lɛbuni lɛdi o-o likpidi lɛdi o-o ni, Katɔti Ɔyikune Ƒui muudie lɛdi asa na uubo-nwu kemmo lɛni.

Yesaia 24:15

Anwuɔsu bɛkɔliku Unwoti lɛnyi katɔ, na bimwi-nwu bɛsiku ɔƒɛ katukɔ ku ɛpu ntuntɛ kɔlɔ ƒui. Bibo Israel Unwoti Katɔti kudu.

Kɔgya 146:10

Unwoti Katɔti ɔdubo lɛga bɔdi uwi ƒui. O Sion, ƒula Unwoti ɔdubɔdi lɛga na kaba bekyuli ƒui lɛlɔ. Bɛya na bumwi Unwoti.

Kɔgya 123:1

Unwoti Katɔti, awɔ na lɛ́kɔliku anumi katɔ mɔɔnu ulu teete na ƒula lɛgaboku lɛlɔ na katɔ mmɔ.

Kɔgya 121:1

Nnye mɔɔnu abi lɛlɔ teemene. Wɛ na bɔƒɔ bɔdubɔsi bubo-mi?

Kɔgya 107:31

Ɔdi ka bekyuli bamɛni ƒui bágya Unwoti enu, ɔsika ɔ́yɔ-ma na ɔ́bla ala ebendi úte-ma.

Kɔgya 102:24

Mmɔ na lɛ́su Unwoti nnini, “Awɔ eli ngba úsela uwi ƒui, tada-mi ngba likuku na uwi ɔni na mina emeyi étedu tɔ.

Kɔgya 92:1

Ɔdia ka butaagya awɔ Katɔti enu na budie lɛnu bumwi awɔ Unwoti Ɔyikune Ƒui.

Kɔgya 10:16

Unwoti ndi ɔga ɔ́si ɔƒɛni úsela uwi ƒui. Na kadi bamba bekyuli badubɔyii ƒui kede kede na nwuna kalɔ lɛlɔ.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Yohane 5:26

Kalɛ na ngba ƒui bɔɔsí mina Ɔti kudɔ ni, lɛni kani na ɔ́ya na ngba ƒui bɔɔsí ami Ubidi lɛnɔ kudɔ.

Luka 18:13

“Nsu kuyi ɔƒɔne ɔmmɔ anwu únye ɔgyu ɔgyu na uláwia ɔnii ɔɔkɔliku nwuna lili muedi katɔ. Nsu úti nwuna enu úwi kayi na ɔ́su ɔnini, ‘Katɔti, nu ami alaekpidi ɔblane kɔnyana!’ ”

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Kɔgya 107:22

Ɔlɛka babla enugya akpala bete-nwu. Na bedie lɛlɔyɔ lɛnu bebo ala ebendi ani na ɔ́bla kudu batina kadi ƒui.

Kɔgya 107:15

Ɔdi ka bekyuli bamɛni ƒui bágya Unwoti enu, ɔsika ɔ́yɔ-ma na ɔ́bla ala ebendi úte-ma.

Kɔgya 107:8

Ɔdi ka bekyuli bamɛni ƒui bágya Unwoti enu, ɔsika ɔ́yɔ-ma na ɔ́bla ala ebendi úte-ma.

Kɔgya 50:14

Ami ndi bina Unwoti Katɔti Ɔyikune Ƒui anwuɔsu biti enugya binwini aani akpala bite-mi. Na ala ani na bíse kenye ka bɛdubɔbla ni, bɛbla bɛsiaku-nya lɛlɔ lɛni bite-mi.

Kɔgya 9:2

Ndubɔtu lɛlɔyɔ kɔgya na awɔ ɔsu. O Katɔti ɔni ntulo ƒui, ndubɔtu kɔgya limwi-ɔ lɛnyi.

Kɔgya 7:17

Mɔɔgyá Unwoti Katɔti enu ka ɔɔtɛ litemi siin ɔsu. Na mɔɔtu enugya lɛnu teete Unwoti Katɔti ɔni ntulo ƒui.

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Budie Taatina 10:6

Na ɔ́kpali ala ɔ́lɔ Katɔti lɛnyi. Ɔ́lɔ Anwu ɔni nli ngba ɔ́si ɔƒɛni úsela ƒui ɔni nédie katɔ ku kalɔ ku ɛpu ku ala ani nkya-nya kemmo ƒui. Na ɔ́su ɔnini, “Katɔti ɔsɔ ulebile uwi!

Budie Taatina 4:9

Ngba batu bammɔ beeti bumwi ku ɔbu ku linugya teete anwu ɔni nlie lɛgaboku lɛmmɔ lɛlɔ na uli ngba úsela ƒui. Na uwi biala na baabla lɛni ni,

Daniel 4:2

Na ɔdi-mi lɛlɔyɔ pii ka lɛsu-mii ala ebendi ani na Katɔti Ɔyikune Ƒui ɔ́bla úte-mi.

Daniel 4:36

Uwi ɔni kemmo kani na mina kasusu kásɔ kénwini kébo-mi nwaa ni, bekyuli bése kalɔ baabu-mi na muukeye kalɛ na mina lɛgakadikɔ lɛnɔ kekeye. Na ɔmɛni kama ni, mina kasusu bakyane ku kelisa benengu ƒui básɔ bénwini bábasia-mi kama, na básɔku-mi bése liboku lɛlɔ mina ɔyikun ku kenyekɔ kásɔ kákɔ katɔ kétulo kudeedi ƒui.

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Yona 1:14

Ɔmɛni ɔsu béwulo bákpali Unwoti banini, “Unwoti, buuvele-ɔ, teti ukyuli ɔmɛni kukpi tani-bu kɔtu si búbo-nwu bɔ́kya ɛpu kemmo. O Unwoti, awɔ mɔɔbla lɛla lɛni na aayɔ́.”

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Samuel 2 22:31

“Katɔti lilu ƒui lise kede kede. Na ɔkɔ biala uuubo-nwu kemmo. Ɔdi lɛgyumanala ute bekyuli bani nátamiku-nwu.

Ala Alɛdi 1 29:10

Amu na Dawid údie ɔnu na úmwi Unwoti na bekyuli bammɔ ƒui anumi na ɔ́su ɔnini, “Mina Unwoti, muumwi-ɔ uwi ƒui! Ɔsika awɔ ndi Katɔti ɔni na nana ati Yakob ɔ́kpa.

Ala Alɛdi 1 29:13

“Bɔɔgyá-a enu, bula Katɔti, na buumwi-ɔ.

Kɔgya 66:7

Nwuna ɔyikun unengudi kemmo na ɔɔdi kayawi bekyuli ƒui lɛlɔ úsela uwi ƒui kemmo. Na nwuna anumi aanu kadi ƒui bekyuli ablala na lɛdi lítabɛ-nwu. Kayi katatɔlɔ batuɔkplune na bata benye-nwu lɛlɔ kudii.

Kɔgya 111:7

Na lɛla biala na ɔ́bla ni, bɔƒiɔ bɔdi buuubo-nwu kemmo. Na nwuna ɔda bubo bɔdi kama kekpokɔ.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 13:11

Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Daniel 9:14

Na ka éti ɔgbankpi ɔmɛni éboku-bu lɛlɔ ni, ábla ala ulu lɛlɔ, ɔsika bɔ́manku ka áni-bu kɔtu kɔmɛni udu.