Daniel 4:16 - Katɔti Ɔku Kedee

¹⁶ Na ete-nwu alakpi akɔ bebuo kasusu na ɔkya udu ɔmmɔ kemmo akwa maatɛ.

Daniel 4:16 Referans Kwoze

Daniel 4:23

“Na ɔmmɔ kama ánu Katɔti ɔtu kedee ɔdi ka ɔ́yu ɔ́si katɔ úbo na ɔ́su ɔnini, ‘Bɛda kugyii kɔmmɔ bɛva kalɔ na bɛyila-ku udu! Nsu kuna ligyukui ani liteenye na nwuna ligyiitu lɛda kalɔ. Na beti abuala kpakplaa ku abuala egyiedi bebo-nwu lɛkpu na lɛku kemmo alakpi akɔ mmɔ. Na ɔ́sɔ unye mmɔ akwa maatɛ ku alakpi akɔ bebuo bamba na kayaa amii aƒɔ-nwu lɛlɔ ƒui.’

Budie Taatina 12:14

Amu na Katɔti úte uleku ɔmmɔ aasɛ bonwu avwi kalɛ na uveyi uteesie nwuna keliekɔ na ketele kemmo. Mmɔ na badubo-nwu bɔgyumana akwa atɛ ku kakɛ ɔsiku kɔlakpi kɔmmɔ kudɔ.

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Hebriƒuɔ 1:11

Ala amɛni ƒui adubɔyii udu. Nsu awɔ ni, adubulie uwi ƒui. Ala ammɔ ƒui adubɔtɔ aani adala kuuku kalɛ.

Daniel 12:7

Amu na Katɔti ɔtu ɔmmɔ ɔ́kɔliku nwuna enu anyɔ katɔ na ɔ́su ɔnini, “Na Katɔti ɔni nli ngba uwi ƒui lɛnyi kemmo ni, muusé kenye kpakplaa ka lɛkwa linwi ku akwa anyɔ ku kakɛ. Na lɛla biala lɛdububo kawɔlɔkɔ uwi ɔni na Katɔti bekyuli lɛbibo lɛmmɔ lɛdubɔsa.”

Daniel 11:13

Ɔsika ɔga ɔni nkya katɔ kakɛ ɔdubo bekyuli bani na bebo ɔkplu geen na bemomo bɔsala bani udu nátakya-nwu tɔ. Na akwa adi kama ni, ɔdubuse kalɔ uteekpoku kɔlɔ bamba lɛnɔ.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Samuel 2 18:32

Amu na Ɔga Dawid úye anwu lɛnɔ ɔnini, “Na Absalom mina okloƒu ɔmmɔ nɔɔ? Lɛla lɛdi lítabla-nwu?” Mmɔ na Kusni ɔmmɔ údie kenye ɔnini, “Muuvele ka bekisine bani ƒui mata banii beekpó mina ati ku ɔga ni, bayila-ma udu aani kalɛ na ɔ́lɛku okloƒu ɔmmɔ.”

Daniel 7:28

Ala ani na lɛ́nu na línu lɛnɔ kawɔlɔkɔ mɛni. Na ɔ́bla-mi dɛye dɛye ku liƒu, na ɔkya-mi kasusu kemmo kpoo.