Daniel 4:12 - Katɔti Ɔku Kedee

¹² Evete áƒɔ-ku lili na kɔ́nwu ebi bonwu bonwu lɛnɔ pii na adubudu kayawi bekyuli ƒui bɔdi. Na alakpi akɔ bebweyi bákɛ ɔyuli na kuna kalɔ na baasɛ lɛnɔ bábla ayu bákya-ku kɔgba akɔ. Na kuna ebi ammɔ na kayawi ala ediedi ƒui aadi.

Daniel 4:12 Referans Kwoze

Luka 13:19

Bɛnu! Ɔnana ɔdi úti edula kebi blii suɛ kadi útáva nwuna kemo. Ka edula kebi kamɛni kákwɛ ni, kébenwini kugyii bonwu na baasɛ bábatu ayu bákya-ku kɔgba akɔ.”

Esekiel 17:23

Baasɛ lidu ƒui badubɔkɛ kabɛkɔ na kugyii kɔmmɔ kemmo. Na badubɔkya-ku kɔgba akɔ bakɛ bɔnwuna ku ɔyuli.

Kɔnyana Buwulo 4:20

Ɔtɔnkune ɔni na Unwoti ɔ́ƒuna úte-bu kani nsɔ ndi-bu lɛnunsia ka anwu ndubɔƒɔ ute-bu na bɔkɛ keliekɔ kadi na kadi bamba bekyuli bammɔ akɔ, nsu anwu muedi bana kɔkpagyuɛ kɔmmɔ kɔdi kani nédie anwu lɛnɔ.

Marko 13:32

“Nsu ni, ukyuli biala ɔɔɔgyi limeyi iye lebo lɛni na kawɔlɔkɔ kamɛni kadubudu ina Katɔti batu ku Katɔti Ubidi muedi baaadubo bɔti, ntu Katɔti lɛti pɛ ngyi.

Mateo 13:32

Ɔdi edula kebi kani nse blii suɛ ntulo na ebi ammɔ ƒui akɔ. Nsu si ɔ́kwɛ na ɔ́lɛ lili ni, uubómo teetulo kemo kammɔ edula akladi ƒui. Na uugyingya teebi kalɔ kammɔ, na baasɛ beebo taabatu ayu na kuna kɔgba akɔ.”

Marko 4:32

Uwi uletu asa na kaakwɛ́ na kaabla kugyii. Na kugyii kɔmɛni muubómo teetulo na lɛku egyii ƒui akɔ. Kɔɔta kɔgba pii na kɔɔbla ɔyuli. Na baasɛ baabla ayu taakya kugyii kɔmmɔ lili.”

Esekiel 31:17

Na bekyuli bani ƒui nákɛ katamikukɔ na kuna kalɔ lɛnɔ béduo kekpine na bátáblaku-ma unwi na mmɔ.

Daniel 4:14

Na ɔ́va ku lɛdi momoomo ɔ́su ɔnini, ‘Da kugyii kɔmmɔ va kalɔ na ekulo-ku kɔgba ƒui na ekpeli-ku evete na egyingya kuna ebi ammɔ akya. Na aya na bebuo bammɔ batɔlɔ-ku kalɔ. Na baasɛ bammɔ beveyi batɔlɔ kuna kɔgba akɔ.

Hiob 12:24

Ɔɔbla na bana bɔtɔnkune benwini badɔlɔdi na babla susuusu, na bayii lɛla biala bɔbla ulu.

Hiob 14:7

“Kugyii muedi si báda-ku ni, kubo lɛnunsia ka kɔdubo bɔsɔ bɔta ɔwɔdi.

Hiob 14:9

uwi ɔni na ɔnantu ɔ́nya úbo kebi úwi-nwu lɛlɔ ni, ɔɔta kɔgba kɔwɔdi.