Daniel 2:23 - Katɔti Ɔku Kedee

²³ Awɔ ndi Katɔti ɔni na mina bati kukuuku bákpa. Ɔƒɛni ni, mɔɔgyá-a enu, na muumwi-ɔ. Ɔsika ábla-mi ɔnundane geen na ásu-mi kɔna kɔni na ɔga úgye ku kuna kalɔ budie.”

Daniel 2:23 Referans Kwoze

Daniel 2:18

Na ɔ́su-ma ɔnini, “Bivele na Katɔti ɔni mɔɔdi lɛlɔ ɔ́si katɔ kakaaka udie abɛla amɛni keyi kalɛ na baládu-bu ku bekyuli bakladi.”

Israelƒuɔ Bɔlɛ 3:15

Na Katɔti ɔ́sɔ ɔsu Mose ɔnini, “Su Israelƒuɔ anini, ‘Bina bati kuuku Abraham Katɔti ku Isak Katɔti ku Yakob Katɔti nátála-mi ɔ́kya-mii.’ Na lɛnyi lɛmɛni na mɔɔdi úsela uwi ƒui na ani na bina bawɔ bawɔ badubuti beteenyimo-mi ɔ́si kaba úsie kaba.”

Luka 10:21

Uwi ɔmmɔ lɛlɔ ni, Katɔti Kɔyu ebiti áƒɔ Yesu lɛlɔ kemmo ƒui na ɔ́su ɔnini, “Ati, katɔ ku kalɔ Unwoti, mɔɔgyá-a enu ɔsika lɛla lɛni na éti ábɛla bakutine ku banundane ni, ani na éti átina bekyuli bani na baaagyi lɛku ku badɔlɔdi. Sɔsɔ na ɔdi, Ati, lɛni geen na aayɔ́ anii ɔlɛ.”

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Amos 3:7

Na Katɔti ulábla lɛla lɛdi ntu ɔ́ka nwuna kenye udiene bɔsu.

Daniel 1:17

Katɔti ɔ́ya na bakloƒu ine bamɛni báda anu na bebo ababla sɔsɔ. Báka lɛku pii na bénwini bakutine geen. Na Daniel anwu ɔɔkana na uudie ana kalɔ muedi ku kɔyu kemmo ala bɔnu taati ku ana kalɔ budie.

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Kɔgya 50:14

Ami ndi bina Unwoti Katɔti Ɔyikune Ƒui anwuɔsu biti enugya binwini aani akpala bite-mi. Na ala ani na bíse kenye ka bɛdubɔbla ni, bɛbla bɛsiaku-nya lɛlɔ lɛni bite-mi.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Budie Taatina 5:5

Amu na benengu bammɔ akɔ unwi ɔ́su-mi ɔnini, “Sɔ tewulo. Nu! Yesu ɔni baalɔ banii Gyata ɔni nási Yuda kaba kemmo na ɔdi Dawid Kugyii Ugyiitu ni, ɔ́di lɛlɔ. Anwu námanku ka ɔƒɛnimi kɔma kɔni na béti bábala ekpo maatɛ ammɔ.”

Budie Taatina 1:1

Ɔku ɔmɛni ndi ala ani na Katɔti údie ɔ́tina nwuna kabla bablane ɔkɛnku Yesu Kristo lɛlɔ ka adubo bɔlɛ na uwi klukui kemmo. Báti ɔmɛni ɔkɛnku Katɔti ɔtu ɔni na Kristo ɔ́tala ɔ́kya nwuna kabla ɔblane Yohane na ala ani na údie ɔ́tina-nwu kemmo.

Yohane 11:41

Amu na Bekyuli bammɔ béliiku lɛtabi lɛmmɔ bédie ubu ɔmmɔ kenye. Na Yesu ɔ́nu katɔ na ɔ́su ɔnini, “Ati, mɔɔgyá-a enu, ɔsika aatuna teete-mi si lɛ́kpali-ɔ.

Etemila 9:18

Si ukyuli ubo lɛnunda ni, ɔdia utulo si ada ekpola. Nsu ukyuli ukpidi unwi ɔɔkana na ubile ala abuni pii.

Etemila 7:19

Lɛnunda lɛɛyá na ukyuli unwi ɔɔkɛ́ ɔyikun teetulo lɛlɔ badine leevu na ɔma unengudi ɔdi kemmo.

Agba 24:5

Ɔnundane ubo ɔyikun utulo ukyuli ɔni mbo ɔlɔkplu. Na ukyuli ɔni mbo lɛlati ni, nwuna ɔyikun uusié ɔgyu teetulo ukyuli ɔni mbo ɔlɔkplu.

Agba 21:22

Banundane baadi bayikune lɛlɔ na beeƒie bana ala taaƒɔ, na baaƒɛ-ma awodu ani lɛlɔ na békpo kama ƒui teewi kalɔ.

Agba 8:14

Ami mɔɔlɛ ukyuli na mɔɔtɛ etemila siin. Ami mbo ɔyikun na muunú ala kemmo nwaa.

Ala Alɛdi 2 20:6

na ɔ́kpali Unwoti úvele ɔnini, “Awɔ Unwoti ndi Katɔti ɔni na bula bati kuuku bákpa. Na eli katɔ kakaaka mmɔ na aadi kayawi kamɛni kadi biala bekyuli lɛlɔ. Na ebo ɔyikun geen ɔni na ukyuli ɔdi biala ulakana-a lɛlɔ bɔdi.

Ala Alɛdi 1 29:13

“Bɔɔgyá-a enu, bula Katɔti, na buumwi-ɔ.

Ala Alɛdi 1 29:10

Amu na Dawid údie ɔnu na úmwi Unwoti na bekyuli bammɔ ƒui anumi na ɔ́su ɔnini, “Mina Unwoti, muumwi-ɔ uwi ƒui! Ɔsika awɔ ndi Katɔti ɔni na nana ati Yakob ɔ́kpa.

Baga 1 18:36

Ka useyi akpala bɔbla uwi údu ni, Kenye Udiene Elia ɔ́lɛ úsie úténye anumi. Amu na ɔ́kpali Katɔti ɔnini, “O Unwoti ɔni ndi Abraham ku Isak ku Israel Katɔti! Ya na bekyuli bamɛni banu bati ɔmwi ka ni, awɔ ndi Israel Katɔti. Na ami lɛnɔ ndi ƒula kabla ɔblane. Na ala ani lɛ́bla mɛni ni, ƒula ɔda bubo kenye na lɛ́bla-nya.

Baga 1 8:57

Na muuvele nnii Unwoti, bula Katɔti, ulieku-bu aani kalɛ na úlieku bula bati kuuku. Na utanyonu-bu iye udie-bu atu kudii.

Ala Kalɔ Buse 18:17

Mmɔ ni, Unwoti úye lɛlɔ ɔnini, “Ɔdia si líti lɛla lɛni na nnii mɔɔbla lɛ́bala Abraham?

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Etemila 9:16

Anwuɔsu lɛ́su nnini, “Lɛnunda lɛdia litulo ɔyikun.”

Ala Kalɔ Buse 31:42

Na Unwoti Katɔti ɔni ndi mina ɔti lɛnɔ Katɔti na ɔdi Abraham Katɔti ɔsiaku-mi. Na bɔyɔ geen bɔni na mina ɔti Isak ɔ́yɔ Unwoti Katɔti lɛnɔ búdie-mi. Si ɔɔɔdi lɛni nka áya na lɛ́tɔlɔ enukplu. Nsu Unwoti Katɔti ɔ́nu mina kogyoklo ku lɛbibo. Ɔmmɔ ɔsu na ɔ́dɔnku-ɔ kamaadi usien.”

Kɔgya 21:2

Awɔ nábla nwuna kayi lɛyɔla éte-nwu na éte-nwu ala ani na úvele-ɔ.

Kɔgya 21:4

Úvele-ɔ ngba, na éte-nwu ngba bɔni nsɔ naaadubo bɔsa kudii.

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.