Daniel 2:20 - Katɔti Ɔku Kedee

²⁰ “Bula Katɔti, bemwi ƒula lɛnyi kedee ɔ́si ɔƒɛni úsela ƒui. Awɔ ndi ɔyikune ƒui na agyi lɛla biala.

Daniel 2:20 Referans Kwoze

Kɔgya 113:2

Bimwi Unwoti ɔ́si ɔƒɛni úsela uwi ƒui kemmo.

Hiob 12:13

“Nsu ɔna ƒui kawɔlɔkɔ ni, Katɔti ndi lɛnunda ku ɔyikun ƒui kasikɔ. Na anwu mɔɔtina-bu kasiakɔ ku ala kalɔ bunu.

Budie Taatina 5:12

Na katɔ batu bamɛni bédie ɔnu ku lɛdi momoomo banini, “Awɔ ndi Koƒonu Ubi ɔni na béti bákpa. Na ámanku éte ɔyikun ku lɛlakɛ ku lɛnunda ku ɔlɔkplu ku ɔbu ku bumwi ku linugya.”

Yeremia 32:19

Aata ala ani na aayɔ́ abla kɔkwɛ teese ɔkɛnku ƒula lɛnunda bonwu lɛlɔ. Na lɛla bula lɛla biala lɛni na bɔɔbla lɛdi lítabɛ-ɔ.

Kɔgya 147:5

Bula Unwoti Katɔti úbomo na ubo ɔyikun geen. Nwuna lɛnunda lɛni na ɔda ɔɔnu ala kemmo kágyu geen, na uuubo kawɔlɔkɔ.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Agba 8:14

Ami mɔɔlɛ ukyuli na mɔɔtɛ etemila siin. Ami mbo ɔyikun na muunú ala kemmo nwaa.

Kɔgya 115:18

Nsu abu amu bɔdubumwi Unwoti ka ɔsi ɔƒɛni úsela uwi ƒui. Bɛya na bumwi Unwoti.

Baga 1 8:56

“Bemwi Unwoti ɔni néte nwuna bekyuli Israelƒuɔ ƒui bɔnwuna aani kalɛ kani na úse kenye úse. Na útada útavia kenye kani na úse ɔ́siaku nwuna kabla ɔblane Mose lɛlɔ ina litemi linwi pɛ.

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Kɔgya 62:11

Líinu ɔbla kunyɔ ka Katɔti ɔɔsu ɔnini, “Ami Katɔti kani mbo ɔyikun.

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Kɔgya 41:13

Bɛya na bumwi Unwoti ɔni ndi Israel Katɔti. Bɛya na bumwi-nwu ɔ́si ɔƒɛni úsela ƒui. Ɔsia lɛni na ɔsɔ ɔsia lɛni.

Ala Alɛdi 2 20:21

Mmɔ na údie ulu ɔni lɛlɔ na badubo bɔsia busie mmɔ ɔ́tina-ma. Na ɔ́ƒuna bekyuli badi batɔ bakladi ƒui anumi na baatu lɛnu teemwi Unwoti taasu kalɛ na nwuna ɔyikun ɔni na ubo use kedee taasu banini, “Bɛgya Unwoti enu, ɔsika ɔdia na ɔɔyɔ́-bu uwi ndi uwi.”

Ala Alɛdi 1 29:20

Ɔmmɔ kama ni, Dawid ɔ́su bekyuli bammɔ ɔnini, “Ɔƒaani bina uwi údu ka bimwi Unwoti Katɔti ɔni na bula bati kuuku bákpa!” Anwuɔsu ukyuli biala úse kalɔ na bana ƒui beemwi Unwoti na béboku lɛlɔ kalɔ béte Unwoti ku ɔga ɔmmɔ.

Ala Kalɔ Buse 14:20

Na kusɛ kusɛ kani beete Katɔti ɔni Ntulo Ƒui, ɔsika anwu néti ƒula bekisine ɔ́kya-a enu kemmo.” Amu na Abram úti ala ani ƒui na úƒie mmɔ ana lɛkpa leevudi úte ɔkpane ɔmɛni.

Kɔgya 113:1

Bɛya na bumwi Unwoti. Amii Unwoti kabla bablane ƒui, bimwi-nwu lɛnyi.

Esekiel 28:3

Aabu ka áda anu etulo Daniel na agyi lɛla biala.

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.