Daniel 2:12 - Katɔti Ɔku Kedee

^12-13 Lɛla lɛmɛni lɛ́bla ɔga ɔmmɔ kɔnyi geen na údie lɛdi ɔnii badu banundane ƒui na Babilon kalɔ kammɔ ƒui lɛlɔ. Anwuɔsu bátala badi ka betétiku Daniel ku nwuna bakpana ɛtɛ bakladi bammɔ lɛnɔ batádu.

Daniel 2:12 Referans Kwoze

Daniel 3:13

Ɔmɛni ɔsu Ɔga Nebukadnesar ɔ́kɛ kɔnyi geen, na ɔ́ya na bététiku-ma béboku.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Daniel 3:19

Amu ka básu lɛni ni, Nebukadnesar ɔ́nyina anumi geen ku kɔnyi ɔ́kya nkyuli ɛtɛ bamɛni. Na ɔ́su nwuna kabla bablane ɔnii basɔ babla lɛgyavonku lɛmmɔ na lɛƒɔ ogya libu akpa maatɛ.

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Daniel 2:5

Nsu ɔga ɔmmɔ údie kenye ɔnini, “Oowo! Lɛ́ɛbla mina kasusu líse ka si bítasu-mi kɔna kɔni na lígye ku kuna kalɔ budie ni, ndubɔya na bekulo-mii eku eku bewi kalɔ na babwɛ-mii kɔduli lɛnɔ ƒui.

Agba 29:22

Ukyuli ɔni muuti kɔnyi pla pla ni, ɔɔkya kekpo. Na kɔnyi kɔmmɔ kɔɔyá na ɔɔbla ekpidi lidu lidu.

Agba 20:2

Ɔga kɔnyi kuse aani gyata bɔkwanyi. Si ákya-nwu kɔnyi ni, ƒula ngba na ákya ɔgbankpi kemmo.

Agba 19:12

Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Agba 16:14

Ɔga kɔnyi kenye kelenu bunye kuubile ala. Na banundane baasia ulu biala lɛlɔ ka bayala-nwu kaƒɔ.

Hiob 5:2

Lɛnungyie ku kogyulo kɔnyi buti bɔɔdú ukyuli.

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Daniel 2:24

Amu na Daniel úsie Ariok ɔni ndi unengu ɔni na nka ɔdubɔnu na badu banundane bammɔ kudɔ, na ɔ́su-nwu ɔnini, “Tadu bekyuli bammɔ! Kpanku-mi sienku ɔga ɔmmɔ kudɔ. Na ndubɔsu-nwu nwuna kɔna kɔmmɔ ku kuna kalɔ.”

Daniel 5:19

Ala enengudi ammɔ udu na Katɔti ɔ́bla úte-nwu na ɔ́bla kayawi adi lidu batɛmine ƒui dɛye dɛye, na lɛlɔ lɛ́tɔ-ma ku bɔyia geen. Ƒ'ɔti ɔ́kɛ ɔyikun geen na ukyuli biala lɛlɔ ɔni na ɔkana na ɔya na elie ngba iye ɔya na badu-ɔ muedi, na ɔkana na ɔkɔliku-ɔ katɔ iye ɔyila-a udu kalɛ biala na ɔ́su na ɔdi-nwu lɛƒɔyɔ.