Daniel 12:2 - Katɔti Ɔku Kedee

² Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Daniel 12:2 Referans Kwoze

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Mateo 25:46

Yesu ɔ́wɔlɔ ɔnini, “Bekyuli bamɛni na badubuti batákya lɛbibo lɛni naaadubo bɔsa kudii kemmo. Na bekyuli babuni bammɔ badubɔkɛ ngba bɔni naaadubo bɔsa kudii.”

Esekiel 37:12

Anwuɔsu su-ma anini, ‘Ami Unwoti Katɔti muusé kenye ka ndubɔlɛmi bina kɔƒiɔtɔ na lite-mii bɔnwuna. Na ndubɔsɔku-mii liboku Israel kalɔ lɛlɔ.

Budie Taatina 20:12

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.

Batalane Kabla 24:15

Mbo lɛnunsia aani kalɛ na ama lɛnɔ bebo lɛnunsia ka bekyuli babuni ku bekpidi ƒui básɔ badubɔta bɔlɛ kekpine.

Tesalonikaƒuɔ 1 4:14

Bɔ́ƒɔ bɔ́di ka Yesu úkpi na ɔ́sɔ ɔ́ta uli ngba na ɔdubɔsɔ ɔsi katɔ mmɔ ubo lɛnɔ. Anwuɔsu bɔ́ƒɔ bɔ́di ka baƒɔtaadine bani ƒui nékpi ni, badubɔsɔ bata. Na Katɔti ɔdubɔsia Yesu ɔmmɔ kani lɛlɔ na ɔƒɔ-ma na bebelieku-nwu ngba.

Yesaia 66:24

Mina bekyuli badubusie na batánu bekyuli bani náta bénye-mi lɛlɔ kalɛ na beklubi baakun-ma ɔlɔna na beklubi bammɔ belekpi kudii. Na ogya ɔni mɔɔkyula-ma mmɔ lɛnɔ uleni kudii na lɛla lɛni na badubɔnu mmɔ ɔdi lɛla lɛni muusé lɛlɔ.”

Yeremia 20:11

Nsu ni, awɔ Unwoti, adi mina ukpone ɔyikune ɔni na enye-mi kama ɔsu ni, bekyuli bani mɔɔwia bakya-ma lɛsɛ mmɔ ƒui badubo bubuli na balakana-mi mmomu anumi adubuwi-ma kalɔ na beƒu na kɔƒa kukpo-ma uwi ƒui.

Hosea 13:14

“Ami Unwoti ndubɔƒɔ-mii na lidie-mii kukpi kemmo na bileduo kaƒiɔtɔ kemmo. O kukpi, wɛ na ƒula ɔlɛ ɔni na aakya bekyuli lɛlɔ ɔkya? O kukpi, wɛ na ƒula ala bubile bɔkya? “Na líni nnii lɛɛɛdubo-mii kɔnyana bɔnu.

Romaƒuɔ 9:21

Ɔmɛni kama ni, ukyuli ɔni mɔɔvɔ́ ebwi ubo kuƒi na ɔbla lɛvɔti lɛmmɔ kalɛ biala na ɔɔyɔ́. Na ɔkana na ɔvɔ ebwi anyɔ ɔlɛku lɛvɔti linwi lɛmmɔ kemmo, kalɛ na uti libwi linwi use ute limeyi bɔdi. Na uti libwi linyɔdi utaaƒuƒwɛ.

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Agba 12:8

Ukyuli ɔni na ubo kasusu kabuni lɛlɔ lɛɛda bekyuli ƒui ebiti, na beení bani nsiaku kalala ulu.