Daniel 11:8 - Katɔti Ɔku Kedee

⁸ Na ɔdubuti bana baƒiɔ bammɔ ƒui ɔtɔlɔku usienku Egyipte kalɔ lɛlɔ ku bana lɛkɛ lɛni náƒɔ-ma kuye geen aani sika ɔƒualadi ku ugyiedi. Nsu ɔdubo uwi bɔƒɔ geen asa na wasɔ wekpoku lɛga kadikɔ kamɛni. Na akwa adi kama ni,

Daniel 11:8 Referans Kwoze

Yesaia 37:19

Na bébo bana baƒiɔ bákya ogya kemmo na báyii udu, ɔsika baaadi bayikune badi, mmomu ligyii lɛnwidi ku atabi ani na bekyuli béti bana enu bábla bése lɛlɔ na badi.

Hosea 13:15

Ina bi lɛkɛ na bɛ́kɛ na lɛ́kɔ katɔ dɛ ni, ami Unwoti ndubo-ni kemmo bubile ƒui na lɛyila-ni aani kalɛ na kaƒɛndi ɔƒɛƒɛɛ ɔni mɔɔkula ala na kalɔ kakwiidi kemmo ɔɔkula ntukpa. Ndubuƒie bina lɛkɛ lɛmmɔ lɛƒɔ-mii kudɔ.

Hosea 8:6

Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Daniel 10:3

Na ńtadi lɛla lɛbuni lɛdi iye lɛkun lɛna. Na ńtani ntɛ bɔdi lɛnɔ, na ńtawɛɛ nnɔmii bɔdi anumi iye lɛkya-mu lili lɛnɔ.

Yeremia 46:25

“Ami ndi Unwoti Ɔyikune Ƒui, Israel Katɔti. Na uwi ɔsɔ uletu asa na ndubɔni Tebes baƒiɔ bani baalɔ Amon ku Egyipte baƒiɔ bamba biala na bakya kɔtu. Na ndubɔni Egyipteƒuɔ baga ku bana bekyuli bammɔ ƒui ku bani ƒui néti bana anu básia Egyipteƒuɔ ɔyikun lɛlɔ kɔtu.

Yesaia 2:16

Na ɔbwɛ beyedine lɛkɔlɔ libendi ƒui ku lɛkɔlɔ libliidi lɛni nnye lɛkɔlɔ kalɛlɛkɔ.

Litemi Batɛne 18:24

Na Mika údie kenye ɔnini, “Bíti mina baƒiɔ bani lɛ́vɔ ku mina ɔkpane bɛ́tɔlɔku. Na ɔƒɛni ni, bi nsɔ mbo lite lɛlɔ? Na biiye-mi bɛnii, ‘Bi mɔɔlɛ́ku-mi?’ ”

Lɛkpa Ulu 12:3

Bibo bana akpabi ƒui bɛbwɛ. Na bibo bana atabi ani baalɔ atabi kedee lɛnɔ bɛbwɛ kpɛtɛ kpɛtɛ. Na bɛƒɛ bana lɛƒiɔgyii lɛni na bálɛ béte bana baƒiɔ beledi bani baalɔ Asera baƒiɔ. Na bibo bana baƒiɔ ƒui bɛkya ogya kemmo kalɛ na ukyuli ɔdi ulenyimo ka báakpa baƒiɔ badi na mmɔ kudii.

Bumomo Bɔka 33:4

uwi ɔni na Egyipteƒuɔ bákya bátaava bana bebi bedeedi, bani na Unwoti ɔ́du mmɔ, ɔsika Unwoti ɔ́ni bana baƒiɔ bammɔ kɔtu.

Israelƒuɔ Bɔlɛ 12:12

“Ɔsika usien ɔmmɔ ami Unwoti ndubo bɔvi Egyipte kalɔ ƒui lɛlɔ na lɛdu ubi udeedi biala na bekyuli ku bebuo ƒui báwɔ. Na ndubɔni Egyipteƒuɔ baƒiɔ ƒui kɔtu. Ami Unwoti mɔɔsu.

Ala Kalɔ Buse 31:30

Na ngyi ka aayɔ́ geen ka asɔ enwini esie ƒ'ɔti kesii. Nsu ni, bi ɔsu na ɔdi ka eyu-mi kaduli baƒiɔ atɔlɔku?”

Daniel 11:9

Ɔga ɔni nkya katɔ kakɛ mɛni lɛnɔ ɔdubɔta ɔnii utéyu lɛga kadikɔ kani nkya kada kakɛ mmɔ ɔtu na ukpoku-ma, nsu badubo-nwu bɔbɔku na unwini kama usie nwuna kalɔ lɛlɔ.

Samuel 2 5:21

Na Dawid ku nwuna bekpone béti báƒiɔ bani na Ƒilistiƒuɔ bada béwi ƒui bátɔlɔku.