Daniel 11:26 - Katɔti Ɔku Kedee

²⁶ Na bekyuli bamɛni badubɔsi bagadine kasala kenengudi kammɔ kemmo. Na kekpo kammɔ ɔsu badubo nwuna bekpone lisu udu bɔyila, na badu nwuna bekyuli pii lɛnɔ.

Daniel 11:26 Referans Kwoze

Daniel 11:10

Ɔga ɔni mɔɔdi lɛlɔ na katɔ kakɛ bebi badubo bɔta ku bekpone lisu bonwu bani ndubo bɔta ku ogya aani kalɛ na ketu keeyi taagbala ala ku kɔku bonwu beti betédu kesii kani na lɛlɔ ɔdine ɔmmɔ kɔgyumanakɔ kpakplaa kunye.

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Marko 14:20

Yesu údie kenye ɔnini, “Bina leevu-inyɔ bamɛni kemmo unwi na ɔdi. Na ami ku-nwu mɔɔkya kɔnu lɛkyami kemmo mɛni.

Mateo 26:23

Yesu údie kenye ɔnii, “Ukyuli ɔni na ami ku-nwu kɔnu nkya lɛkyami kemmo ndubɔkya-mi kakya.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.

Daniel 11:22

Na ɔdubo bekpone lɛlɔ bɔdi na ɔda Katɔti ɔkpane unengudi ɔƒunadi muedi udie nwuna kenyekɔ.

Kɔgya 41:9

Mina ɔtɔ kemmo ɔkpana geen ɔni lɛ́ƒɔ lɛ́di na ami ku-nwu bɔɔdi na lɛkyami linwi kemmo muedi ni, anwu nénwini únye-mi lɛlɔ.

Baga 2 8:14

Ɔmmɔ kama Hasael únwini úsie Ɔga Ben-Hadad kudɔ. Na ɔga ɔmmɔ úye-nwu ɔnii, “Bi na Elisa ɔ́su-ɔ?” Amu na Hasael údie kenye ɔnini, “Ɔ́su-mi ka adubɔta ɔlɛ ɔni na eeƒi.”