Daniel 11:25 - Katɔti Ɔku Kedee

²⁵ “Ɔdubo bekpone bayikune lisu bonwu lɛdi bɔsala. Na ɔdubɔkya lɛlɔ kayi geen na ɔta utékpo ɔga ɔni nkya kada kakɛ mmɔ. Na ɔga ɔni nkya kada kakɛ mmɔ lɛnɔ ɔdubɔta ku bekpone bani mbo ɔkplu betulo ɔga ɔtɔdi ɔmɛni badi ɔnii uténye ɔsiaku-nwu, nsu ulakana, ɔsika nwuna badi badubo-nwu kakya bɔkya na balɛ-nwu kama.

Daniel 11:25 Referans Kwoze

Daniel 11:2

“Lɛla lɛni na ndubo-ɔ bɔsu mɛni lɛdi lɛla lɛni nsia ulu lɛdubo, na lɛdubo bɔlɛ na lɛla lɛdi liletile-ni kuƒi. Baga ine badi badubo lɛga bɔdi na Persia kalɔ lɛlɔ atɔ asia, nsu unedi ɔdubo lɛkɛ bɔkɛ butulo bani ntɔ-nwu ƒui. Na geen ni, na nwuna lɛkɛ ɔsu ɔdubo ɔyikun bɔkɛ geen, na ɔya na bekyuli ƒui bata benye Grikiƒuɔ lɛga kadikɔ lɛlɔ.

Agba 28:25

Sika lɛnungyie muuboku kekpo. Na anu buti bɔsia Unwoti lɛlɔ mɔɔyá na keyi kaadianku ukyuli.

Agba 15:18

Ukyuli ɔni na uuubo kayi buɛɛ ɔɔkya kekpo. Nsu ukyuli ɔni na ɔ́da kayi ɔ́va kalɔ buɛɛ ni, ɔɔyala kekpo kammɔ.

Daniel 11:10

Ɔga ɔni mɔɔdi lɛlɔ na katɔ kakɛ bebi badubo bɔta ku bekpone lisu bonwu bani ndubo bɔta ku ogya aani kalɛ na ketu keeyi taagbala ala ku kɔku bonwu beti betédu kesii kani na lɛlɔ ɔdine ɔmmɔ kɔgyumanakɔ kpakplaa kunye.

Daniel 11:5

“Ɔga ɔni ndubo kalɔ kammɔ kada kakɛ lɛlɔ bɔdi ɔdubo ɔyikun bɔkɛ geen. Nsu nwuna bekpone batɔnkune akɔ unwi ɔdubɔta unye-nwu lɛlɔ na uƒie lɛga kadikɔ kammɔ kakɛ kadi ɔƒɔ-nwu kudɔ.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.