Daniel 10:18 - Katɔti Ɔku Kedee

^18-19 Katɔti ɔtu ɔmmɔ ɔ́sɔ útuku-mi kunyɔdi na ɔ́su-mi ɔnini, “Liƒu litada-a lɛni! Katɔti ɔɔbla kasusu kenengudi geen na ƒula lɛlɔ. Anwuɔsu kya kayi.” Ka ɔ́su-mi lɛni ni, mina ɔyikun ɔ́sɔ únwini úbo-mi na lídie kenye nnini, “Buvele, taasu lɛla lɛni na ebo ete-mi! Ɔsika áaya na lɛ́sɔ línwini líbo mina lɛlɔ kemmo.”

Daniel 10:18 Referans Kwoze

Daniel 10:16

Ɔmmɔ kama údie lɛlɔ nwaa aani ukyuli ɔyawine na útuku-mi enyekuli. Mmɔ na lɛ́su-nwu nnini, “Ati, ƒula ala budie taatina bɔmɛni bɔ́ya na muunú ɔlɛ geen, na mina kayi kemmo na ɔyikun biala ɔsɔ uuubo-mi lɛlɔ kemmo lɛnɔ.

Luka 22:43

Mmɔ na Katɔti ɔtu ɔdi ɔ́si katɔ ɔ́da ɔ́lɛ-nwu anumi na ɔ́kya-nwu ɔyikun.

Daniel 8:18

Uwi ɔni na ɔdaku bɔtɛmi ni, lɛ́yu lɛ́tɛ líbi anumi kalɔ, na líduo lɛlɛɛ kemmo lísie ɔgyu geen. Nsu Katɔti ɔtu Gabriel ɔmɛni ɔ́da-mi ɔ́tala unyene mina lɛgba lɛlɔ.

Koloseƒuɔ 1:11

Muuvele-nwu nnii ɔya na nwuna ɔyikun ɔni nási nwuna bukeye kemmo ɔƒɔ-mii lɛlɔ kemmo ƒui kalɛ na bɛkana bunye kpakplaa na ala ani muukpóku-mii kenye ku kayi buɛɛ. Bɛgya Katɔti enu ku lɛlɔyɔ, ɔsika anwu náya na bínwini ala badine na Katɔ Ɔga Ɔma kesii kani na muukeye.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Eƒesoƒuɔ 3:16

Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Batalane Kabla 18:23

Na ka ɔ́kya mmɔ uwi ɔdi ni, ɔ́sɔ ɔ́tɔlɔ úsie útásia Galatia ku Ƒrigia kalɔ lɛlɔ. Na uwi ɔmɛni ƒui ni, ɔkɛ ɔɔví taanu baƒɔtaadine bani nkya mmɔ bene, na ɔɔkya-ma ɔkplu.

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Daniel 10:10

Amu na útuku-mi na lɛ́ta nƒa enu ku mina akɔnkɔ lɛlɔ.

Hiob 23:6

Bɔbɔku na ɔdubo-mi na nwuna ɔyikun ɔsu na lɛgyu lɛtɔlɔ? Ńtaƒɔ ńtadi, mmomu ɔdubuwiku-mi lɛlɔ na unu kenye kani na ndanku.

Hiob 16:5

Nsu mina etemila ni, adubɔkya-mii ɔkplu, na ala ani na ndubɔsu aya na kaƒɔ kaba-mii buɛɛ.

Samuel 1 23:15

Uwi ɔni na Dawid ɔ́kya Siƒ abi kalɔ kakwiidi lɛlɔ na kesii kani na baalɔ banii Hores ni, únu ka banii Saul úbo ekutɛ mmɔ ka nka ubadu-nwu.

Daniel 8:15

Ami Daniel nnye muukpóku lɛlɔ ka linu ala bɔnu bɔmmɔ kalɔ asa na ukyuli ɔdi ɔ́da ɔ́lɛ-mi kamadɔ mmɔ.

Kɔgya 138:3

Limeyi lɛni na líwulo lɛkpali-ɔ ni, énu-mi bɔkpali na ákya-mi kayi na áya na mina kɔyu kɔ́kɛ ɔyikun.