Koloseƒuɔ 3:10 - Katɔti Ɔku Kedee

¹⁰ Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Koloseƒuɔ 3:10 Referans Kwoze

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Esekiel 11:19

Na ndubɔda bina atuɔkplu bɔbla ƒui lidie-mii lɛlɔ na lɛya na anumi eteegyie-mii kalɛ na bɛsiaku-mii kama siin na biteenu-mi litemi

Koloseƒuɔ 3:14

Na ɔmɛni kama ƒui ni, bɛyɔ lɛlɔ. Ɔsika bɔyɔ muunyimi ala ƒui taasala na aabla unwi.

Esekiel 36:26

Ndubɔda bina kayi kani neeenu litemi mmɔ lidie-mii lɛlɔ kemmo na lite-mii kayi kawɔdi ku udu ɔni mɔɔtina ka bɛsɔ bilálɛ-mi kama. Na kasusu kabuni sɔɔn na bɛdubo buteeti ɔƒaamu.

Yohane 1 2:5

Nsu ukyuli ɔni mɔɔdi nwuna litemi lɛlɔ ni, bɔyɔ bɔni na ubo ute Katɔti búdu bɔ́wɔlɔ. Bɛya na lɛsu-mii kalɛ na bɔɔnu taati ka buliku Katɔti.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Esekiel 18:31

Bini bina alaekpidi lilu lɛni ƒui lɛlɔ na bɛsia na bise kalɔ bitaabla kasusu kabuni na bɛsiaku-mi kama siin! Munuu bɔyɔ geen na bɛɛyɔ́ ka badu-mii na bina ekpidi bɔbla ɔsu?

Budie Taatina 21:5

Amu na anwu ɔni nlie lɛgaboku lɛmmɔ lɛlɔ ɔ́su ɔnini, “Bɛnu! Lɛ́sɔku ala ƒui lɛ́bla ɔwɔdi.” Na ɔ́sɔ ɔ́su-mi ɔnini, “Nweni ala amɛni se, ɔsika adi etemila ani ndi ukyuli kama kekpokɔ, na adi etemila geen.”

Eƒesoƒuɔ 2:15

Úti nwuna ɔlɔna ɔ́kpa úte Katɔti aani ala ani na beti bakpa bedie ekisila ani na Yudaƒuɔ ɔda bubo ƒui bɔdanku. Lɛla lɛni ɔsu na úti lɛlɔ ɔ́kpa ndi ka uti bana akpa anyɔ bammɔ ɔsala na babla benwi na nwuna kemmo, na keyi buɛɛ kebo-ma akɔ.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Romaƒuɔ 13:12

Usien ɔmmɔ ɔ́ɔvi ɔ́wɔlɔ, na kadi ndaku bugye. Anwuɔsu bɛya na bɔda lɛdisa kemmo ala bɔbla bɔya, na bɛkya kekpo awu ɔni námanku bekyuli bani nkya bukeye kemmo.

Galatiƒuɔ 3:27

Ɔsika amii bani ƒui náƒɔ ntu bɔkpila ɔdi ɔmmɔ na Kristo kemmo ni, bíti Kristo bɛ́kya aani awu kalɛ.

Yesaia 52:1

Yerusalem, ta nye! Sion ɔma kedee, nye lɛgba lɛlɔ kpakplaa na ada lɛlɔ ku ƒula adala abuni ƒui. Ɔsika baƒɔ bani nébo bébebile ɔma kedee ɔmmɔ kemmo basɔ baaadubo keliekɔ kadi bɔkɛ na ƒula kemmo ɔƒɛni amu.

Hebriƒuɔ 6:6

si béni bana bɔƒɔtaadi na Katɔti lɛlɔ ni, basɔ balakana na benwini kayi. Ɔsika basɔ baakana Katɔti Ubidi ɔmmɔ taamana ugyii lɛlɔ na baakya-nwu kɔƒa na kadi ƒui anumi.

Yesaia 59:17

Siin bɔbla ndi awu na Unwoti ɔkya aani kekpo lɛgyumanala na nwuna bɔƒɔ ɔyikun ɔdi kekpo kabwa kebi-nwu lili na nwuna kɔnyi kɔni na ɔdubuti udie likpidi bablane kasi ku lɛnungyie ndi nwuna awu gyɔlɔɔ.

Hiob 29:14

“Kɔnyana bɔnu ku ala bɔbla ulu lɛlɔ siin teete bekyuli ndi mina ngba bɔni na lílie.

Ala Kalɔ Buse 5:1

Kalɛ na Adam údie kaba na bénweni bése lɛlɔ kɔtɛ ndi ɔmɛni. Uwi ɔni na Katɔti údie ukyuli ni, údie-nwu na anwu Katɔti udu kenye.

Romaƒuɔ 6:4

Na ɔkɛnku ntu bɔkpila bɔmmɔ ɔsu ni, ɔɔtina ka abu lɛnɔ búkpi na báva abu ku-nwu. Na Katɔti ɔkɛnku nwuna bukeye ku ɔyikun lɛlɔ ɔ́gyila Kristo ɔ́lɛku bekpine akɔ kalɛ na abu lɛnɔ bɔta bubelieku-nwu ngba bɔwɔdi bɔmmɔ.

Korintoƒuɔ 2 4:16

Kasusu kamɛni ɔsu na enu aláƒɛ-bu si ina bula ɔlɔna ugyii ɔmɛni ɔɔyii udu muedi ni, bɔgyi ka bula kɔyu kemmo ngba bulie bɔɔbla ɔwɔdi uwi biala.

Ƒilemon 1:6

Bubo ala abuni ani na Kristo ɔsu. Na mɔɔkpali katɔ nnii Katɔti ɔya na ama bani náƒɔ Kristo bádi aani ƒula kalɛ ni, benu ala amɛni kalɔ kaduɛ ɔkɛnku ƒula lɛlɔ.