Koloseƒuɔ 3:1 - Katɔti Ɔku Kedee

¹ Ka amii ku Kristo na Katɔti ɔ́gyila ɔ́lɛku bekpine akɔ ɔsu ni, bɛwia ala ani nkya katɔ kama ulu na kesii kani na Kristo ulie ɔɔdiku Katɔti lɛga.

Koloseƒuɔ 3:1 Referans Kwoze

Romaƒuɔ 8:6

Ukyuli ɔni kasusu mɔɔsia ɔlɔna ala lɛlɔ ni, ɔɔkɛ́ kukpi. Nsu ukyuli ɔni kasusu mɔɔsia Katɔti Kɔyu lɛlɔ ni, ɔɔkɛ́ ngba ku keyi buɛɛ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Korintoƒuɔ 2 4:18

Ɔsika búti bula anu bɔ́sia ala ani na bula anumi alakana bɔnu lɛlɔ, na ɔɔɔdi ala ani na bula anumi aakana bɔnu. Na ala ani na bula anumi aakana bɔnu ni, uwi klukui ɔdi kani na anya aakya. Na ani na bula anumi alakana bɔnu ni, ese ésela uwi ƒui.

Koloseƒuɔ 3:2

Na bina kasusu kataasia ala ani nkya katɔ mmɔ lɛlɔ, na ɔɔɔdi kalɔ ala lɛlɔ.

Mateo 6:20

Mmomu ni, bɛbla ala abuni ani menwini lɛyuƒɔla mete-mii na katɔ. Mmɔ ni, kubweyi kulebile-nya na eletili, na beyune lɛnɔ beleduo beletéyu-nya.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Luka 12:33

Biti bina lɛlɔ ala biye na bile egulabi ammɔ bite bawabane. Na bɛwia egulabi kɔvumi kɔni na bɛgyi ka kulatɔ bise katɔ bite lɛlɔ. Mmɔ na bina akɛla adubuse kpoo na alaƒana kudii. Ɔsika uyune ɔdi ulakana mmɔ buduo, na kubweyi kɔni muubile ala lɛnɔ kulakana-nya bubile.

Kɔgya 16:11

Átina-mi ƒula ngba ulu, na ƒula kudɔ bɔkya bɔ́ya na mɔɔkɛ́ ebiti geen ku lɛlɔyɔ úsela uwi ƒui.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Luka 22:69

Nsu ɔ́si ɔƒɛni úsela ni, Katɔti ɔdubuse ami, Ukyuli Ɔyawine Ubi, liboku na nwuna kɔdianu.”

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Hebriƒuɔ 8:1

Lɛla lɛni geen na bɔɔyɔ́ budie bɔtina na litemi lɛmɛni kemmo ndi ka ni, bubo ɔkpane unengudi ɔmɛni ɔni nlie kesii kani náƒɔ kuye na Katɔti lɛgaboku kudɔ na katɔ.

Romaƒuɔ 8:34

Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Hebriƒuɔ 10:12

Nsu uwi ɔni na Kristo anwu úbo úbeti lɛlɔ ɔ́kpa kunwi úte bekyuli ƒui ekpidi lili ɔni ndanku utédu kayawi kawɔlɔkɔ ni, ɔ́yu úlie Katɔti kɔdianu kesii kani náƒɔ kuye.

Mateo 26:64

Amu na Yesu údie kenye ɔnini, “Ɛɛn. Awɔ násu, na use lɛni sɔsɔ. Na mɔɔsu-mii nnii uwi klukui kemmo ni, bɛdubɔnu Ukyuli Ɔyawine Ubi ɔmmɔ ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Eƒesoƒuɔ 4:10

Na anwu ɔni náyu úbo kalɔ ni, anwu kani násɔ ɔ́kɔ úsie katɔ mmɔ ƒui kalɛ na ɔƒɔ lɛla biala kemmo ƒui na katɔ ku kalɔ.

Marko 14:62

Yesu ɔ́su-nwu ɔnini, “Ami mmɔ. Na bɛdubɔnu Ukyuli Ɔyawine Ubi ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Hebriƒuɔ 1:13

Ɔɔɔdi Katɔti ɔtu ɔdi na Katɔti ɔ́su ɔnini, “Sɔ lie keliekɔ kani náƒɔ kuye ketulo ƒui na mina kɔdianu kakɛ wetédu uwi ɔni na meti ƒula bekisine makya-a lɛgba kalɔ.”

Batalane Kabla 2:34

Ɔɔɔdi Dawid náta úsie katɔ mmɔ. Mmomu ni, ɔ́su ɔnini, “ ‘Unwoti ɔ́su mina Unwoti ɔnii, “Sɔ lie-mi kɔdianu kakɛ wetédu uwi ɔni na meti ƒula bekisine makya-a lɛgba kalɔ.” ’

Luka 20:42

Na Dawid ɔmmɔ ɔlati ɔ́su na kɔgya ɔku kemmo ɔnini, “ ‘Unwoti ɔ́su mina Ɔti ɔnii, “Sɔ lie-mi kɔdianu kakɛ

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Marko 12:36

Dawid ɔmmɔ ɔlati nkɛnku Katɔti Kɔyu lɛlɔ na únweni úse ɔnini, “ ‘Katɔti ɔ́su mina Ɔti ɔnini, “Sɔ lie-mi kɔdianu kakɛ wetédu uwi ɔni na maya na akɔliku ƒula lɛgba anya ƒula bekisine lɛlɔ.” ’

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Batalane Kabla 7:55

Nsu ka Katɔti Kɔyu kɔ́ƒɔ Steƒano lɛlɔ kemmo ƒui ɔsu ni, ɔ́talaku anumi ɔ́nu katɔ laa, na ɔ́nu Katɔti bukeye ku Yesu ɔni nnye-nwu kɔdianu.

Mateo 22:44

“ ‘Katɔti ɔ́su mina Ɔti ɔnini, “Sɔ lie-mi kɔdianu kakɛ wetédu uwi ɔni na maya na akɔliku ƒula lɛgba anya ƒula bekisine lɛlɔ.” ’

Agba 15:24

Ɔnundane kasiakɔ kási mɛni késela ngba ƒui kemmo na katɔ, ɔsika kaƒiɔtɔ kelénwini-ma keliekɔ uwi ƒui.

Kɔgya 110:1

Unwoti ɔ́su mina Unwoti ɔnini, “Sɔ lie-mi kɔdianu wetédu uwi ɔni na meti ƒula bekisine makya-a lɛgba kalɔ.”

Etemila 10:2

Banundane kayi kaatɔnku-ma na baabla ala abuni. Lɛni kani na badɔlɔdi kayi kaatɔnku-ma na baabla likpidi.

Eƒesoƒuɔ 5:22

Amii beleku biboku lɛlɔ kalɔ bite bina bagya aani kalɛ na biiboku lɛlɔ kalɔ teete Blɔti.