Koloseƒuɔ 2:5 - Katɔti Ɔku Kedee

⁵ Ina ka liiibo-mii kudɔ na ɔlɔna kemmo ni, nkya-mii kudɔ na kɔyu kemmo. Na lɛlɔ lɛɛyɔ́-mi ka lɛ́nu kalɛ na bɛda lɛlɔ na binye na bina bɔƒɔtaadi kemmo kpakplaa bite Kristo ɔsu.

Koloseƒuɔ 2:5 Referans Kwoze

Tesalonikaƒuɔ 1 2:17

Banwa uuduo-bu geen ka bɔ́di emeyi alɛɛ na bɔ́sɔ bútasa tɔ anumi ku anumi. Nsu bɛkya-bu kayi kemmo. Na bɔ́ɔkya kɔkwɛ kɔni ƒui bɔ́nɔ.

Petro 1 5:9

Binye kpakplaa na bina bɔƒɔtaadi kemmo na bitile-nwu kuƒi, ɔsika abi amɛni udu kani na bina bakpana baƒɔtaadine bani nkya kayawi mɛni ƒui beebó.

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Korintoƒuɔ 1 14:40

Na ɔdi ka bɛbla lɛla biala na ulu ɔbuni lɛlɔ.

Hebriƒuɔ 6:19

Bula lɛnunsia lɛmɛni mɔɔyá na bɔda Katɔti kpakplaa na bula kayi kemmo aani kalɛ na kugyii lidu lɛɛda kalɔ geen. Na bɔsia Yesu anu. Anwu néduo katɔma kedee kani kenye na lɛdiku lɛƒa kemmo.

Tesalonikaƒuɔ 1 3:8

Ɔƒɛni na bula ngba bulie bɔ́sɔ bɔ́bla ɔwɔdi, ɔsika búnu kalɛ na binye kpakplaa na Blɔti bɔƒɔtaadi lɛlɔ.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Kɔgya 78:37

Balásiaku-nwu kama siin uwi ndi uwi na badi nwuna bunyimi lɛlɔ.

Kɔgya 78:8

Baaadubo buse aani bana bati bani náta bénye Katɔti lɛlɔ. Ama bábla atuɔkplu ɔsu na bénwini kaba kani nátadi Katɔti ɔda bubo lɛlɔ. Bana kayi kátasia Katɔti lɛlɔ uwi ndi uwi. Na bátadi nwuna etemila lɛlɔ lɛnɔ.

Ala Alɛdi 2 29:35

Na bebuo bani na bádu bákyula bábla akpala ammɔ kama ni, beti bana ƒui lɛmwi bábakyula kede aani unwi bɔbla akpala na béti ntɛ akpala ammɔ ƒui lɛnɔ béwi lɛkpabi lɛmmɔ lɛlɔ. Anwuɔsu kakpakɔ kammɔ kásɔ kénwini kébese aani kuuku kalɛ, na baakpá Unwoti na mmɔ.

Koloseƒuɔ 2:1

Mɔɔyɔ́ ka bɛti kalɛ na muukpóku lɛlɔ na amii ku Laodikeaƒuɔ ku bekyuli bani ami ku-ma bútasa tɔ dii ƒui lili.

Korintoƒuɔ 1 11:34

Na si kɔka mɔɔda ɔdi ni, ɔlɛka ɔdi na nwuna kaduli kalɛ na Katɔti ulatɛku-mii litemi si bɛ́sala aani lɛkpa linwi kalɛ. Na etemila akladi anya ni, si líbo mmɔ ni, bɔdubɔda-nya bɔnu.

Batalane Kabla 2:42

Amu na béti bana uwi ƒui béte batalane bammɔ, na baatina-ma ala, na baakpali katɔ, na baadi taasala lɛnɔ.

Rut Keliela Ɔku 1:18

Amu ka Naomi ɔ́nu ɔ́ti ka lɛla biala liiibo na ɔsu Rut na unwini ɔsu ni, ɔ́da-nwu bɔtɛmiku ɔ́ya.

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Bumomo Bɔka 7:11

Ɔsika Unwoti ɔ́su Mose ɔnini, “Limeyi biala ni, ɔtɔnkune unwi ɔlɛka uti nwuna akpala ani na badubuti babla akpala bete lɛkpabi lɛmmɔ bɔbla sɛsɛɛ kedee bete Unwoti uboku.”