Koloseƒuɔ 1:16 - Katɔti Ɔku Kedee

¹⁶ Na ɔkɛnku anwu ɔmmɔ lɛlɔ na Katɔti údie ala ani ƒui nkya katɔ ku kalɔ kamɛni kemmo, ala ani na bɔɔnu ku ani na bulánu aani lɛgadi ku bagadine ku bayikune ku kenyekɔ biala ƒui lɛlɔ. Ɔkɛnku ubi ɔmmɔ lɛlɔ na údie ala ƒui, kalɛ na lɛla biala lɛbu Kristo ɔmmɔ.

Koloseƒuɔ 1:16 Referans Kwoze

Romaƒuɔ 11:36

Ala ani ƒui nási Katɔti kudɔ, na anwu ɔlati lɛlɔ na ɔkɛ údie-nya, na adi anwu adi. Bɛya na bɔkɔliku-nwu lɛnyi katɔ ɔ́si ɔƒɛni úsela ƒui. Ɔsia lɛni.

Yohane 1:3

Ɔkɛ Anwu ɔmmɔ lɛlɔ na Katɔti ɔ́sia údie lɛla biala. Na lɛla lɛdi liiibo ɔni na ɔɔɔdi nwuna lɛlɔ na Katɔti ɔ́sia údie-ni.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Hebriƒuɔ 2:10

Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemmo ni, ɔka abi bubo kalɛ na ɔwɔlɔ nwuna kabla na ɔƒɔ-ma.

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.

Hebriƒuɔ 1:2

Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Eƒesoƒuɔ 1:10

Na kasusu kammɔ kadububo kete lɛni na kawɔlɔkɔ uwi ɔni na Katɔti ɔ́su úse lɛlɔ. Ɔdubɔsala ala ani ƒui nkya katɔ ku kalɔ na uti-nya ɔkya lɛlɔ ɔdine unwi ɔni ndi Kristo kalɔ.

Yesaia 44:24

“Israel, bɛnu bɛti ka ami ndi Unwoti, na mina kudɔ na ngba ƒui bɔɔlɛ́ taasi. “Ami náƒɔ-mii ngba, na ami nédie lɛla biala na lɛkya katɔ úbalɛ kalɔ lɛlɔ ƒui.

Agba 16:4

Unwoti nábla lɛla biala ɔkɛnku nwuna kasusu kani kenye na ɔɔwia lɛla lɛmmɔ. Na bekyuli bekpidi muedi benye bete ka bani-ma kɔtu.

Koloseƒuɔ 1:15

Kristo ukyuli udu ɔni na bɔɔnu muudie Katɔti ɔni ukyuli udu na bulánu taatina. Na anwu ndi Katɔti Ubi udeedi ɔni mɔɔdi nwuna ala ani na údie ƒui lɛlɔ.

Koloseƒuɔ 2:10

Na Katɔti ɔɔyá na bɔɔlɛ́ lili taawɔlɔ ɔkɛnku abu ku Kristo unwi bɔbla ɔsu. Na Kristo ɔmɛni mɔɔdi bayikune ku kenyekɔ biala lɛlɔ.

Yesaia 43:21

Lɛ́bla-ma na badi mina kadi bekyuli kalɛ na beti ɔbu bete-mi.

Lɛkpa Ulu 4:39

Anwuɔsu bɛti nwaa ka Unwoti lɛti ndi katɔ ku kalɔ Ɔti. Na ɔdi biala ɔsɔ uuubo.

Ƒilipiƒuɔ 2:10

Na si bálɔ Yesu lɛnyi ni, ɔlɛka ɔdi biala ɔlɛ akɔnkɔ kalɔ, ama bani nkya katɔ ku kayawi ku kalɔ kemmo ƒui!

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Koloseƒuɔ 2:15

Na ugyii ɔmmɔ lɛlɔ ni, Kristo ɔ́ƒɔ ɔyikun ɔ́lɛku bayikune ku kenyekɔ biala enu kemmo. Na ɔ́kya-ma kɔƒa na bekyuli anumi ka ɔ́di-ma lɛlɔ.

Eƒesoƒuɔ 6:12

Ɔsika ɔɔɔdi abu ku bekyuli muukpó. Mmomu abu ku bayikune ku kenyekɔ biala ku kayawi kamɛni lɛdisa ku kayaa bayikune bekpidi ƒui muukpó.

Romaƒuɔ 8:38

Na use-mi nwaa ka bɔyɔ bɔni nkya abu ku Katɔti ntɛ ɔkɛnku Kristo Yesu ɔni ndi Blɔti lɛlɔ ni, lɛla lɛdi biala lilakana-mu bukulo. Ina kukpi iye ngba iye katɔ batu badi iye ayu ekpidi iye uwi ɔmɛni iye ɔni mebo iye ɔyikun ɔdi iye bɔkuku iye bɔgyu iye lɛla biala na bédie lilakana!

Nehemia 9:6

Awɔ lɛti ndi Unwoti. Na awɔ nédie katɔ ku katɔ katɔ ƒui muedi, ku ala ani nkya-nya kemmo. Na awɔ kani nédie kalɔ ku ala ani ƒui nkya-ka ƒui kemmo ku ɛpu ku ala ani ƒui nkya-nwu kemmo. Na awɔ muute lɛla biala ngba, na ala ani nkya katɔ eeboku lili kalɔ teete-ɔ.

Yohane 1:10

Nsu geen ni, ɔkya kayawi. Na ina ka nwuna lɛlɔ na Katɔti ɔ́kɛ asa na údie kayawi ni, bekyuli bátanu-nwu bátati.

Romaƒuɔ 9:5

Ama mbo Israel ɔtɔ eƒi benengu bani na Katɔti ɔ́ƒuna. Na bana akɔ na Kristo ɔni nébo aani ukyuli ɔyawine ɔ́lɛ ɔ́si. Bɛya na bumwi Katɔti ɔni mɔɔdi ala ƒui lɛlɔ ɔ́si ɔƒɛni úsela ƒui. Ɔsia lɛni.