Baga 1 10:1 - Katɔti Ɔku Kedee

¹ Uwi ɔni na Seebaƒuɔ ɔga ɔni ndi uleku únu Salomo lɛnyi kalɛ na lísie anumi na lɛ́ƒɔ kuye mmɔ, ku kalɛ na Salomo ku Unwoti ntɛ buse mmɔ ni, ɔ́ta úsie-nwu kudɔ utákɔku-nwu, na uye-nwu ala ani mbo ɔkplu unu.

Baga 1 10:1 Referans Kwoze

Mateo 12:42

Na litemi bɔtɛ limeyi lɛmmɔ lɛlɔ ni, Uleku Ɔga ɔni nási kada kakɛ lɛnɔ ɔdubɔta unye na ubo-mii lɛnimi enwu, ɔsika ɔ́si ɔgyu kakaaka na úsie Ɔga Salomo kudɔ úténu-nwu lɛnunda ala bɔtina. Na mɔɔsu-mii geen ka ukyuli ɔni ntulo Salomo ɔkya mɛni.

Luka 11:31

Na litemi bɔtɛ limeyi ni, Uleku Ɔga ɔni nási kada kakɛ ɔdubɔta unye na ubo-mii lɛnimi enwu, ɔsika ɔ́ta ɔ́si nwuna kalɔ úsie ɔgyu kakaaka ɔnii úténu Ɔga Salomo lɛnunda ala bɔtina. Nsu mɔɔsu-mii nnii ukyuli ɔni ntulo Salomo ɔkya mɛni.

Kɔgya 72:15

Ya na Ɔga ulie ngba gyɔlɔɔ na beti sika ugyiedi basiku Seba beboku-nwu. Na bekyuli bataakpali Katɔti uwi ndi uwi na nwuna lili. Na beteete-nwu kusɛ kusɛ limeyi ndi limeyi.

Ala Kalɔ Buse 10:28

Na ɔ́wɔ Obal ku Abimael ku Saba.

Ala Kalɔ Buse 10:7

Na Kus bebi bani na ɔ́wɔ ndi Seba ku Hawila ku Sabta ku Raama ku Sabteka. Na Raama bebi bani na ɔ́wɔ ndi Saba ku Dedan.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Yesaia 60:6

Na bina kalɔ ƒui kadubuyi ku kɛɛkɛ lɛni na bebuo ala betine bani bási Midia ku Eƒa ku ala abuni pii bebeyile ɔma ɔmmɔ. Na Seeba kadi bekyuli badubɔsiku bana sika ugyiedi ku oloƒui beboku na adubunu ka beemwi Unwoti lɛnyi.

Kɔgya 72:10

Tarsis ɔga ku ntuntɛ kɔlɔ baga ƒui bataaƒɔ lɛlɔ bɔdi kayu teete ƒula ɔga. Na Sieba ku Seba baga lɛnɔ beti etela beboku ɔga ɔmmɔ.

Kɔgya 49:4

Agba na adi na ndubo bubo. Na ɔbentaa na ndubo bɔgya budie-nya kalɔ.

Hiob 28:28

Na ɔ́su ukyuli ɔyawine ɔnini, ‘Awɔ ɔni mɔɔyia Katɔti na aabu-nwu ni, aadá anu. Na awɔ ɔni muukeli likpidi ni, aakɛ́ ala kalɔ bunu.’ ”

Hiob 6:19

Beyedine bani ndanku etila ku kɛɛkɛ ɔmɛni básiku Seeba ku Tema lɛma kemmo ni, baakɛ taawia ntu bɔni na bani.

Baga 1 4:34

Na kayawi baga ƒui baatala bekyuli na beesié teeténu Ɔga Salomo lɛnunda etemila ani na ɔɔtɛmi.

Baga 1 4:31

Na nwuna lɛnunda litulo ukyuli biala ku Etan ɔni ndi Esrahini lɛdi. Na ɔ́da anu utulo Heman ku Kalkol ku Darda bani ndi Mahol bebi. Na nwuna lɛnyi lígyingya lítédu kadi bamba lɛma lɛni nkya amadɔ mmɔ ƒui.

Ala Kalɔ Buse 25:3

Na Yoksan ɔ́wɔ Seba ku Dedan. Na Dedan ɔmɛni bebi ku bawɔ ndi Asurƒuɔ ku Letusƒuɔ ku Leumƒuɔ.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Marko 4:34

Útetemi útete-ma ɔni na útebo agba. Nsu si uwi ɔni na anwu ku nwuna batɛyane lɛti belie ni, na uudie-nya kalɔ taatina-ma.

Mateo 13:35

Ɔ́bla lɛni kalɛ na lɛla lɛni na Katɔti kenye udiene ɔ́su úse libo lite lɛni uwi ɔni na ɔ́su ɔnini, “Ndubutemi lite-ma na agba kemmo. Na ndubudie ala ani na baaagyi ɔ́si kayawi kalɔ kesekɔ ƒui lɛtina-ma.”

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Esekiel 38:13

Na Seeba ku Dedan kadi bekyuli ku beyedine bani nási akpaklɔ ani nde mmɔ badubo-mii kama bunye na bebunku-mii. Ɔsika badubɔyɔ ka ama lɛnɔ bakɛ sika ɔƒualadi ku ugyiedi ku bebuo ku bana akɛla bamba ani na bebo na bekpone bamɛni badubo buƒie bɔƒɔ Israelƒuɔ kudɔ ɔsu.

Esekiel 16:14

Na ukyuli biala na ulie kalɔ kamɛni lɛlɔ ɔgyi ɔmɛni. Na ami Unwoti Katɔti nébunku-ɔ na énwini ugblebi ɔkɔdi ɔbuni ɔmɛni udu.

Baga 1 5:14

Na úti Adoniram ɔnii utaanu-ma lɛlɔ. Na úle bekyuli bammɔ akpa atɛ, na lɛkpa biala baakya Lebanon kɔbuli kunwi. Na beenwíni teesie bana lɛma taatánwuna abuli anyɔ.

Baga 1 10:24

Na kayawi bekyuli ƒui bátaawia kuƒi ka bebenu lɛla lɛdi basiku Ɔga Salomo kudɔ ɔ́si lɛnunda lɛni na Katɔti úti ɔ́kya-nwu kayi kemmo ɔsu.