Amos 8:12 - Katɔti Ɔku Kedee

¹² Bɛdubo bɔka bɔmana bɛnii bɛɛwia-mi kenye kadi binu ɔ́si katɔ útédu ɔƒɛ katukɔ na ɔsɔ ɔsi kada kakɛ útédu ɔƒɛ kanukɔ, nsu ukpludi na bɛkɛ bɛɛkɔ́ taayu na bilanu lɛla lɛdi.

Amos 8:12 Referans Kwoze

Mateo 12:30

“Ukyuli ɔni naaasiaku-mi ni, ɔ́ta únye-mi lɛlɔ. Na ukyuli ɔni naaani teede-mi ni, na uukeli-mi.

Daniel 12:4

“Na ɔƒaani ni, Daniel, muubo-ɔ ɔda ka abɛla linyesia lɛni na ɔku ɔmɛni ɔdanku uti utédu uwi ɔmɛni kawɔlɔkɔ, ina ka bekyuli pii badubɔsia ulu biala lɛlɔ na kesi kesii banii baawia bati lɛla lɛni nkya ɔku ɔmmɔ kemmo.”

Agba 14:6

Ukyuli ɔni na uuti lɛla biala taakya bɔƒia ni, si ina ɔɔwia lɛnunda muedi ulákɛ-ni. Nsu bekyuli bani muunú ala kalɔ ni, baatí lɛla.

Esekiel 20:31

na baakpá baƒiɔ na beeti ama alati bana bebi taabla akpala teete baƒiɔ bammɔ. Ala ekpidi amɛni udu na benye baabla na basɔ baakali ka bebenu-mi kenye kadi. Nsu ɔni na ndi Unwoti Katɔti na nli uwi ƒui mɛni ni, lɛɛɛdubo-ma kenye kadi budie bute.

Esekiel 20:3

“Esekiel, ɔyawine ubi, batɔnkune bamɛni bébo banii bebenu si mbo lɛla lɛdi na masu-ma, nsu ɔni na nli uwi ƒui mɛni ni, lɛɛɛdubo-ma kenye biala udu budie bute.

Samuel 1 3:1

Na uwi ɔmmɔ ni, Samuel ɔ́kya Eli kudɔ útaabla Unwoti kabla, ɔƒɛni lɛnɔ ni, Unwoti ulátɛmiku ukyuli pla pla na ulédie lɛlɔ lɛnɔ taatina ukyuli na kɔna kemmo pla pla.

Agba 29:18

Si bekyuli bátanu budie bɔtina bɔdi ni, beení ka bunyimi bɔdi bɔdi-ma lɛlɔ. Nsu ukyuli ɔni mɔɔdi ɔda bubo bɔmmɔ lɛlɔ ni, lɛlɔ lɛɛyɔ́-nwu.

Agba 1:28

“Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Hosea 5:6

Na badubuti bana bebuo lidu lidu bada na babawia ami bana Katɔti ulu, nsu balanu-mi, ɔsika línwini kama lɛ́kya-ma.