Amos 7:4 - Katɔti Ɔku Kedee

⁴ Unwoti Katɔti údie ɔ́tina-mi na kɔyu kemmo ka ɔdubɔya na ogya bonwu ɔdi ubo na ubakyula ɛpu ɔmmɔ na ɔkyula kalɔ kammɔ ƒui.

Amos 7:4 Referans Kwoze

Amos 7:1

Unwoti Katɔti údie ɔ́tina-mi na kɔyu kemmo ka ɔdubuti baalɔlɔ umene na bebile edula ammɔ ƒui si uwi ɔni na báƒɛ ɔga ɔmmɔ ɔdi béte-nwu báwɔlɔ, na livo lɛwɔdi lɛ́sɔ líse kalɔ lɛɛlɛ́.

Budie Taatina 4:1

Ɔmɛni kama ni, Katɔti údie kɔyu kemmo ala adi ɔ́tina-mi. Na lɛ́nu kayakun kadi ka bálɛmi-ka na katɔ. Amu na lɛdi lɛni na lɛ́ka bunu aani kakpɛɛ ni, línu ka lɛsɔ lɛɛtɛmiku-mi lɛnini, “Bo katɔ kakɛ mɛni na lɛtina-a lɛla lɛni ndubo bɔlɛ na ɔmɛni kama.”

Hebriƒuɔ 1:7

Na etemila ani ndanku Katɔti batu lɛlɔ ni, ɔ́su ɔnini, “Lɛ́bla mina batu na bese aani ɔƒɛƒɛɛ. Na ama bani mɔɔbla mina kabla ni, lɛ́bla-ma na bese aani ogya linyemi.”

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Mika 1:4

Abi ƒui adubo bɔyɛɛlɛ aani kalɛ na kɔma kɔɔyɛɛlɛ na ogya kudɔ. Na lɛbonka libendi lɛyii lɛkya aani kalɛ na ntu bɔɔgbá taayu ɔkwalɛ ɔdi taatɔlɔ.

Amos 7:7

Unwoti údie lɛla bamba ɔ́tina na kɔyu kemmo. Na lɛ́nu ka unye kowodu kɔdi kudɔ na ɔda kabuli kadi kɔnu kani mɔɔtina kowodu bunye.

Amos 5:6

Bɛwia Unwoti kama ulu na bilie ngba! Si ɔɔɔdi lɛni ni, Unwoti ɔdubo ubakyula-mii aani ogya kalɛ. Na Betel ɔdubo bɔkywi kputu kputu buwi kalɔ ɔni na ukyuli ɔdi ulakana-nwu bunine.

Amos 4:11

“Lɛ́yila bina bekyuli pii udu aani kalɛ na lɛ́bla Sodom ku Gomora. Bɔkywi na nka bina ɛlɛɛ bani nébu bɛda aani ugyii na ogya kemmo asa na lídie-mii. Nsu ɔmɛni ƒui bítenwini. Ami Unwoti násu!

Amos 1:7

Na ɔmmɔ ɔsu ndubo bɔya na ogya ubakyula Gasa awodu na ubile bana ɔma kɔgyumanakɔ kɔni na bátu ƒui.

Amos 1:4

Anwuɔsu ndubɔya na ogya ubakyula Ɔga Hasael kesii ku kagyumanakɔ kani na Ɔga Ben-Hadad ɔ́tu.

Yoel 2:30

Na ndubɔya akɔla budie taatina ataalɛ na kayaa ku kalɔ lɛlɔ ƒui. Bɛdubɔnu ubugya ku ogya ku uyɔ pii.

Yeremia 21:12

“Bɛnu ka kadi kawɔdi biala négye ni, bɛ́tɛ etemila siin bɛ́siaku ulu geen ɔmmɔ lɛlɔ na bɛ́ƒɔ bani ƒui na bekyuli beeyú-ma. Na si ɔɔɔdi lɛni ni, ndubo kɔnyi kpakplaa bɔkɛ bɔkya-mii na libile ala aani ogya ɔni mɔɔda na uléni.

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Yesaia 27:4

Ńtakɛ kɔnyi na kemo kammɔ lɛlɔ. Ɔsika si bekisine badi-mi aani liyu ku alakpigya ni, nka ndubuduo-ma lɛlɔ mmɔ na lɛkyula-ma ƒui.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Bumomo Bɔka 16:35

Kɔnakunwi ni, ogya ɔ́si katɔ úbakyula nkyuli eti alɔ bani mɔɔkyula oloƒui mmɔ.

Lewiƒuɔ Ɔda Bubo 10:2

Ɔmmɔ ɔsu Unwoti ɔ́ya na ogya unyemi bonwu ɔdi úbo na úbakyula-ma na békpi kɔnakunwi na nwuna anumi mmɔ.

Yoel 1:19

O Unwoti, muuwulo taakpali-ɔ, ɔsika livo ƒui líkpi na bula bebuo kadikɔ, na egyii lɛnɔ ákwii enye aani si ogya nákwii ɔ́vi.

Amos 2:5

Anwuɔsu ndubɔya na ogya ubakyula Yuda ɔma na ubile kɔgyumanakɔ kɔni na bátu na Yerusalem.”

Esekiel 21:3

Na ndubo-ma kɔtu bɔni. Ndubo mina kewii bɔni bɔkpa na lɛdu ukyuli biala babuni ku bekpidi ƒui.