Amos 4:6 - Katɔti Ɔku Kedee

⁶ “Ami náya na kɔka kúbo na lɛma lɛmmɔ ƒui kemmo. Nsu ɔmɛni ƒui bitenwini, mmomu bɛ́mu bíni-mi.

Amos 4:6 Referans Kwoze

Hagai 2:17

Ami nébo-mii na líbile-mii kabla ƒui lɛni ɔni na liwulu ɔƒɛƒɛɛ ku etubankɛ áya na bina edula ákwɛ kuyii na ébulo bɔdia. Nsu ɔmɛni ƒui bíni ka binwini bibo-mi kudɔ.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yesaia 9:13

Nsu bekyuli bamɛni belenu kalɔ ka benwini bebo ukyuli ɔni mɔɔní-ma kɔtu kudɔ, bana Unwoti Ɔyikune Ƒui kudɔ.

Budie Taatina 2:21

Líte-nwu uwi ɔni na uti ɔvumana na ɔda ekpidi bɔbla ɔya, nsu ulenu kalɔ.

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Lewiƒuɔ Ɔda Bubo 26:26

Na si líkulo bina adila bumomo kenye kɔnakunwi ni, beleku leevu badubo bɔkana na beƒi bodobodo bete bina kɔduli ƒui bekyuli na lɛyu linwi kemmo. Na badubo-nwu bule bute-mii wɛlɛ wɛlɛ lɛni na nwuna unu kenye, na si bɛ́di bilémo.

Esekiel 16:27

Ɔmmɔ ɔsu na lɛ́ni-ɔ kɔtu na ɔni na lɛ́ya na Ƒilistiƒuɔ bekisine badivone bammɔ bébeƒie ƒula kalɛkɛ kadi báƒɔ. Nsu ama muedi ni, bina ala adi bene bɔbla bɔdi lɛla lɛni muusé-ma lɛlɔ.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yesaia 3:1

Unwoti ɔni ndi Unwoti Ɔyikune Ƒui ɔdubutile kebunku biala kuƒi, na ɔdubɔya na adila ku ntu bɔsɔ bulédu Yerusalem ku Yuda bekyuli,

Ala Alɛdi 2 28:22

Ala enengudi ani nálɛku Ahas mɛni ƒui kama ni, ɔ́sɔ ɔ́bla alaekpidi enengudi ani nébie etulo kudeedi ƒui ɔ́ƒiɔ Unwoti.

Baga 2 8:1

Na uwi ɔmmɔ kemmo ni, Elisa ɔ́su Sunemni uleku ɔni ubidi nékpi na ɔ́sɔ ɔ́gyila-nwu mmɔ ɔnini, “Tɔlɔ mɛni ku ƒula kaduli bekyuli na biteesie kesii bamba kani na aayɔ́, na bitélie mmɔ uwi ɔdi, ɔsika Unwoti ɔ́ɔlɛ ugyii ka kɔka kubendi kɔdi kubo kalɔ kamɛni lɛlɔ akwa maatɛ.”

Baga 2 4:38

Uwi ɔdi kemmo ni, kɔka kubendi kɔdi kúbalɛ kalɛkɛ kammɔ lɛlɔ. Nsu na Elisa úunwini úsie Gilgal. Na uwi ɔni na ɔkya mmɔ ni, ɔ́kya útaatina kenye bediene lɛkpa lɛdi ala. Mmɔ na ɔ́su nwuna kabla ɔblane ɔnii ɔwia libui libendi lɛdi ɔsia ogya na ɔbla lɛdila lɛdi ute-ma na badi.

Baga 1 18:2

Ɔmmɔ ɔsu Elia lɛnɔ ɔ́ta ka utédie lɛlɔ ɔtina Ɔga Ahab. Kɔka kɔmmɔ kenye kebo ɔkplu geen na Samaria,

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Lɛkpa Ulu 28:38

Na bɛdubɔva edula pii, nsu blii suɛ kani na bɛdubo bɔƒɛ. Ɔsika Unwoti ɔdubɔya na baalɔlɔ bebebile-nya evete ammɔ.

Yeremia 14:18

Mɔɔnu kalɛ na bani bádu na kekpokɔ bewi alakpi akɔ. Na mɔɔnu kalɛ na kɔka kɔɔdú bekyuli lisu bani nkya lɛma kemmo lɛnɔ. Nsu ɔmɛni ƒui kenye bediene bammɔ ku bakpane bewi bana kabla lɛlɔ na belenu lɛla lɛdi kalɔ ɔ́si lɛla lɛni mɔɔlɛ́ lɛlɔ.”

Esekiel 14:21

“Ami ndi Unwoti Katɔti na muusé kenye ka ndubo Yerusalem kɔtɔ bɔni geen. Ndubo bɔya na kekpo ku kɔka ku lɛlɛ likpidi ku beƒiebuo bebo babadu bekyuli ku bebuo bammɔ ƒui.

Yoel 1:16

Bula adila ƒui áyii udu, na limeyi lɛdi bɔdi bɔsɔ buuubo na Katɔti kakpakɔ.

Lewiƒuɔ Ɔda Bubo 26:23

“ ‘Na si ɔmɛni ƒui kama bíni na bítenwini kayi na mina lɛlɔ bɔta teenye ɔmmɔ mmomu na bísie anumi biidie taatina-mi ni,

Rut Keliela Ɔku 1:1

Uwi ɔni kemmo na Bekpone Baga mɔɔdi Israel kalɔ lɛlɔ ni, kɔka kubendi kɔdi kúbo kalɔ kammɔ lɛlɔ. Na ɔnana ɔdi nási Betlehem na Yudaƒuɔ kalɛkɛ lɛlɔ ku ulekudi ku nwuna bebi bananabi inyɔ bálɛ ɔma ɔmɛni kemmo na bátɔlɔ bésie Moab kalɔ lɛlɔ.

Yesaia 9:12

Na Siriaƒuɔ badubɔsi ɔƒɛ katukɔ, na Ƒilistiƒuɔ basi ɔƒɛ kanukɔ na bebebweli-ma aani eƒiebuo kalɛ. Nsu ina ɔmmɔ ƒui ni, Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Hosea 11:5

“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ.