Amos 3:2 - Katɔti Ɔku Kedee

² Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Amos 3:2 Referans Kwoze

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Petro 1 4:17

Litemi bɔtɛ limeyi lɛmmɔ líide, na Katɔti ɔdubɔka nwuna bekyuli litemi bɔtɛku. Na si abu nwuna bekyuli lɛlɔ na wese kalɔ lɛni ni, dɛ na ɔdubɔwɔlɔku bekyuli bani na bétemonku nwuna litemi buni lɛmmɔ bɔƒɔ bɔdi.

Lɛkpa Ulu 10:15

Nsu ka Unwoti ɔɔyɔ́ bina bati kuuku geen ɔsu na amii kani na úti ɔ́bla nwuna bekyuli. Na bɛmu bɛdi nwuna bekyuli.

Romaƒuɔ 2:9

Bekyuli bani ƒui mɔɔbla ekpidi ni, badubo abi bubo na balákɛ bɔnwuna bɔdi. Yudaƒuɔ ndi bedeedi na kɔtu bɔni bɔmɛni kemmo, na bani naaadi Yudaƒuɔ basia.

Daniel 9:12

Álɛ abu ku bula batɔnkune ése kpakplaa ka ɔgbankpi ɔni udu nétebo tɔ kudii ɔdubo Yerusalem bɔlɛku. Na lɛla lɛni bɔlɛ na álɛ-bu ese kpakplaa mmɔ geen, na áya na lɛɛlɛ́ku-bu ɔƒaani.

Yeremia 14:10

“Mina bekyuli, bɛɛyɔ́ ka bitaagyú lɛgba taatɔlɔ-mi kudɔ uwi ndi uwi na bilakya ɔkplu ka bɛni bide-mi. Anwuɔsu ɔƒɛni ni, ami lɛnɔ ndubo-mii atu budie. Na lɛni-mii kɔtu na bina ekpidi ani na bɛ́bla ɔsu. Ami Unwoti násu.”

Yeremia 13:21

Ama bana lɛlɔ na éti anu ási dii ka badubo-ɔ bubunku. Nsu ɔƒaani ndubɔya na badi-ɔ lɛlɔ. Bi ndi-ɔ kasusu na ɔmmɔ lɛlɔ? Adubo lɛbibo kemmo bɔkya aani uleku ɔni ntɛ kɔwɔ na uunú ɔlɛ.

Yeremia 11:22

Nsu ndubo-ma kɔtu bɔni na lɛya na bana bakloƒu bekpi na kekpokɔ. Na kɔka kɔdubo bana bebi bɔdu na bekpi.

Yeremia 10:25

Bula bekisine béni na balátuna banii awɔ ndi Katɔti na babu-ɔ. Bábɔku bula bekyuli bálɛku bula ɔma na ɔma ɔmmɔ ɔƒɔ lɛlɔ uwi ukpludi aani alakpi. Anwuɔsu ti kɔnyi kya-ma na abɔku ama lɛnɔ atɔlɔku!

Yeremia 9:25

“Limeyi lɛdubo na ndubo Egyipteƒuɔ ku Edomƒuɔ ku Amonƒuɔ ku Moabƒuɔ kɔtu bɔni ku adua ani bekyuli nkya abi lɛlɔ mmɔ ƒui. Bekyuli bamɛni ƒui békulo ago, nsu ɔɔɔdi ami na baasiaku. Na lɛni kani na use amii Yudaƒuɔ lɛnɔ. Bina ɔlɔna kani na bíkulo na ɔɔɔdi bina kɔyi na bíti bíte-mi na bɛ́vumana udu na bɛsiaku-mi kama siin.”

Yeremia 1:15

Na badubo bebese bana agaboku na Yerusalem ɔban kenye na benye bamana awodu ammɔ ƒui ku Yuda lɛma linengudi bamba lɛnɔ ƒui.

Yesaia 63:19

Awɔ badi na bɔdi ɔ́si kukuuku, nsu ɔƒaani buse aani ɔɔɔdi awɔ mɔɔdi-bu lɛlɔ, na use lɛnɔ aani si ɔɔɔdi ƒula lɛnyi na bɔɔdi.

Kɔgya 147:19

Unwoti úti nwuna ɔda bubo ku ala bɔtina ƒui úte Yakob kaba kemmo bebi bani ndi Israelƒuɔ.

Lɛkpa Ulu 26:18

Na ɔmwi kadi ni, Unwoti lɛnɔ ɔ́lɛ ugyii ka bɛdi nwuna bekyuli aani kalɛ na ɔ́su úse. Na ɔɔsu-mii ɔnii bɛdi nwuna ɔda bubo ƒui lɛlɔ.

Ala Kalɔ Buse 10:32

Ɔmɛni ɔsu Noa bebi ku bana adua ku kalɛ na bana bati báwɔ-ma kenye na bana kɔlɔ lɛlɔ na badi mmɔ. Na ama ndi bekyuli bani nédie kadi lidu kaba bekyuli na báƒɔ kayawi ƒui lɛlɔ na ɔnantu bɔna bɔmmɔ kama.

Batalane Kabla 17:26

Údie bayawine ƒui ɔ́siku ukyuli unwi lɛlɔ ɔnii bulie aani ubugya unwi bebi na kayawi ƒui lɛlɔ. Anwu ɔlati nése uwi ku kadikɔ úse úte ɔdi biala.

Nahum 3:4

Bítavumana ku bayalɛ bani na uwi ɔni na bɛkya biidie bekyuli anumi ku bina evo ekpidi ku mbɔ bɔni na bɛda, na bɛɛkywɛ kadi bekyuli ƒui kɔkpagyuɛ ka bɛni-ma biboku lɛlɔ kudɔ.

Hosea 9:9

Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Lɛkpa Ulu 32:9

Ɔsika Unwoti ɔlati néti Israelƒuɔ bani ndi Yakob bebi ɔ́bla nwuna badi.

Korintoƒuɔ 1 8:3

Nsu ukyuli ɔni mɔɔyɔ́ Katɔti ni, Katɔti ɔgyi-nwu.

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Lɛkpa Ulu 4:32

Na amii alati bɛwia bɛsiku uwi ɔni návi asa na báwɔ-mii. Na bɛwia bɛsiku uwi ɔni na Katɔti úti údie ukyuli. Na bɛwia kayawi kammɔ ƒui kemmo si ukyuli ɔdi únu ka ala ebendi amɛni udu álɛ dii.

Esekiel 5:9

na bina alaekpidi ɔsu. Na bina kɔtu bɔni bɔmmɔ bɔdubo ɔkplu bɔyu geen na butulo lɛla biala na lɛ́ɛbla ḿbavi iye lɛni na nsɔ mabla lɛnɔ uwi ɔni mebo ƒui kemmo na uladia bɔnu.

Hosea 5:3

Ngyi Eƒraim kaba bekyuli bani ndi Israelƒuɔ ablala ƒui kede kede, na ɔdi útabɛ-mi. Ɔƒaani bénwini basɔnɔdine na baabla lɛyalɛ ala, na bébile lɛlɔ, na beesé lɛlɔ lɛnɔ.

Amos 2:4

Unwoti ɔnini, “Ndubo Yudaƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Béni mina ala ani mɔɔtina-ma na banii baladi mina litemi lɛlɔ. Na baƒiɔ bani na bana bati kuuku bákpa na baaadi lɛla lɛdi bákpanku-ma na báyii ulu.

Amos 3:3

Nkyuli inyɔ belesie taasala na bana kasusu kalábla kenwi.

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Mika 2:3

Nsu Unwoti ɔ́lɛ ugyii ka ɔbla lɛla lɛdi, na ɔ́su ɔnini, “Lɛ́klibi ɔgbankpi líse-mii. Na ɔbuli ɔdubo-mii amɔ bɔda, na bɔdi kɔƒa ɔgbankpi uwi ɔmɛni kemmo.

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”