Amos 1:1 - Katɔti Ɔku Kedee

¹ Unwoti ɔ́su Amos kenye kadi uwi ɔni na útaanu baƒonu lɛlɔ na Tekoa. Na kenye kammɔ kadanku Israel na uwi ɔni na Usia ɔɔdi lɛga na Yuda kalɔ lɛlɔ, na Yeroboam Yoas ubidi ɔɔdi lɛga na Israel kalɔ lɛlɔ akwa anyɔ kama asa na kalɔ kadubɔkunku.

Amos 1:1 Referans Kwoze

Sakaria 14:5

Na bɛdubukeli bɛsia kɔwɛ kɔmmɔ kemmo útédu Asal. Na bɛdubɔwia kasiakɔ kesii biala aani kalɛ na ɔ́bla uwi ɔni na kalɔ kákunku na Yudaƒuɔ Ɔga Usia uwi. Na ɔmmɔ kama ni, Unwoti Katɔti ɔdubɔda ɔlɛ ku nwuna batu.

Amos 7:14

Amu na lídie kenye nnini, “Lɛɛɛdi Katɔti Kenye Udiene ɔni mɔɔbla kabla taaƒɔ egulabi adi. Baƒonu ɔdane na ndi na mɔɔnu adingyii lɛnɔ lɛlɔ.

Yeremia 6:1

Unwoti ɔ́su ɔnini, “Amii Benyamin kɔdua bekyuli, bikeli bɛlɛ Yerusalem na bɛƒɔ bina ngba. Na bɛvwi lise na Tekoa ɔma kemmo na bɛsala ogya ɔni madi kati bute ogya na Bet-Hakerem. Uwi ɔsɔ uletu asa na ɔgbankpi ɔdubɔsi kalɔ kammɔ katɔ kakɛ ubeyu-mii ɔtu.

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Ala Alɛdi 2 11:6

Betlehem ku Etam ku Tekoa,

Baga 1 19:19

Anwuɔsu Elia ɔ́tɔlɔ mmɔ na útánu Saƒat ubidi Elisa na kemo kadi ka bébo anwami báda ɔmantɛ bakɔ inyɔ akpa leevu-anyɔ. Na Elisa ɔda lɛkpa leevu-linyɔdi na baatu kalɔ teenwini. Amu na Elia úsie-nwu kudɔ mmɔ, ka úti nwuna lɛduni lɛni na ɔda úbo úwi-nwu lɛlɔ.

Samuel 2 14:2

Ɔmmɔ ɔsu ɔ́tala ukyuli ɔdi na Tekoa ɔma kemmo ka batálɔ uleku ɔnundane ɔdi na ɔkya mmɔ béboku-nwu. Ka uleku ɔmmɔ úbo ni, Yoab ɔ́su-nwu ɔnini, “Bla lɛlɔ aani ukyuli ɔni na kukpi kɔ́du na uuwulo kɔnyana. Na ada kukpi ala na tawɛɛ nnɔmii ƒɛƒɛɛ iye ugyulo ɔbuni ɔdi. Na abla lɛlɔ aani uleku ɔni kukpi kɔ́du-nwu na ɔkya kɔnyana kemmo uwi gyɔlɔɔ mɛni.

Yeremia 1:1

Hilkia ubidi Yeremia ɔni ndi Katɔti bakpane akɔ unwi na ɔ́si Anatos ɔma kemmo na Benyamin kalɛkɛ lɛlɔ etemila na adi mɛni.

Yesaia 1:1

Yesaia ɔni ndi Amos ubidi ɔ́nu kɔyu kemmo ala budie taatina adi na adanku Yuda ku Yerusalem. Útaanu ala amɛni na uwi ɔni na Usia ku Yutan ku Ahas ku Hesekia bélie bádi lɛga na ɔdi biala uwi kemmo na Yuda kalɔ lɛlɔ.

Baga 2 14:23

Na lɛkwa leevu-lɛlɔndi kemmo ɔni na Amasia, Yudaƒuɔ Ɔga Yoas ubidi, ɔɔdi lɛga ni, bése Yehoas ubidi Yerobeam lɛga na Israel, na ɔ́di lɛga lɛmmɔ na Samaria akwa aavlene-unwi.

Korintoƒuɔ 1 1:27

Mmomu Katɔti úse ɔ́ƒuna bekyuli badɔlɔdi na bayawine anumi kalɛ na uti-ma ɔkya kayawi kamɛni banundane kɔƒa. Na ɔ́ƒuna bekyuli bani neeebo ɔyikun ɔdi na bayawine anumi kalɛ na uti ɔkya kayawi kamɛni bayikune kɔƒa.

Mika 1:1

Unwoti ɔ́su Mika Moresetni kenye kadi, na ala amɛni adanku Samaria ku Yerusalem lɛma linengudi lɛmmɔ na uwi ɔni na Yuda baga Yotam ku Ahas ku Hesekia bélie bádi lɛga ɔdi biala ku nwuna uwi kemmo.

Hosea 1:1

Unwoti ɔ́su Hosea, Beeri ubidi, kenye kadi uwi ɔni na Yuda baga Usia ku Yotam ku Ahas ku Hesekia bélie bádi lɛga ɔdi biala ku nwuna uwi, na Yeroboam, Yoas ubidi, lɛnɔ ɔ́di lɛga na Israel.

Baga 2 14:21

Na Yudaƒuɔ béti ubidi Asaria ɔni náakɛ akwa leevu-aku bése lɛga.

Yeremia 7:27

Unwoti ɔnini, “Yeremia, ina bi na ábla ni, bekyuli bammɔ baaadubo litemi bunu.

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Mateo 4:18

Na ka Yesu ɔkɛ Galilea Ɛpu kɔtu ni, ɔ́nu banwani inyɔ badi bani ndi asawu bewine. Ama ndi Simon ɔni baalɔ Petro ku ɔnwani Andrea ka bada asawu beedie lɛna na Ɛpu ɔmmɔ kemmo.

Yeremia 28:8

kuuku uwi ɔni návi asa na badubɔwɔ ami ku-ɔ ni, kenye bediene ƒui baasu taatina ka lɛga kɔdikɔ kunengudi kɔni mbo ɔyiku bonwu ƒui badubo-ku bɔbwɛ na kekpo ku ɔgbankpi bamba lidu ku lɛlɛ ɔsu.