Agba 9:12 - Katɔti Ɔku Kedee

¹² Na si áda anu ni, awɔ ndubɔkɛ kɔsia. Na si apii lɛnunda ni, awɔ ndubo abi bubo.

Agba 9:12 Referans Kwoze

Esekiel 18:20

Bekyuli bani muulie taabla likpidi kani na badubo bɔdu. Bebi baaadubo abi adi bubo na bana bawɔne ablala ɔsu. Na lɛni kani na bawɔne lɛnɔ baaadubo abi bubo na bana bebi ablala kenye. Mmomu bekyuli bani nábla likpidi kani na badubo bɔdu. Bebi baaadubo abi bubo na bana bati ekpidi ɔsu. Na bawɔne lɛnɔ baaadubo abi bubo na bana bebi ekpidi ɔsu. Na badubo kayu kabuni bɔƒɔ bute bekyuli babuni na ala ani na bábla ɔsu.

Hiob 22:21

“Hiob, boku lɛlɔ kalɔ te Katɔti Ɔyikune Ƒui na awɔ ku-nwu biwi kenye ntu na akɛ keyi buɛɛ. Ɔsika lɛni na adubɔbla asa na ala adianku-ɔ.

Agba 16:26

Útebie si adila adi ɔkwɛ ɔɔda kabla ɔblane. Kaƒɔkplu kaayá na ukyuli ɔɔbla kabla kpakplaa na ɔkɛ ɔdi.

Yesaia 28:22

Anwuɔsu bɛda bina edumi ku lɛma bɛya si ɔɔɔdi lɛni ni, bina lɛbuli lɛni nényimi-mii lɛdubo bɔbi bubu, ɔsika línu kadi ƒui Unwoti Katɔti lɛla lɛni na únyimi úse ɔ́si kalɛ na ɔdubɔkyula kalɔ kana ƒui lɛlɔ.

Petro 2 3:16

Na ɔmɛni lɛlɔ kɔtɛ kani na ɔɔtɛmiku-mii si uunweni nwuna lɛku. Ɔƒɛni ni, nwuna ala adi bene kalɔ bunu bɔɔyu ɔkplu teete bekyuli bani néteduo tɔ litemi lɛmmɔ kemmo kaduɛ ku bani naaasia ulu geen ɔmmɔ lɛlɔ. Lɛni kani na Bunweni Kedee Ɔku kemmo etemila lɛnɔ ese ete-ma. Anwuɔsu beedie-nya kalɔ na ulu bamba lɛlɔ. Ɔmɛni ɔsu na badubo bɔyii ku udu.

Galatiƒuɔ 6:5

Ɔsika ɔdi ka ukyuli biala uti anwu ɔlati etila.

Agba 14:14

Bekyuli bani muunwíni ulu ɔbuni ɔmmɔ lɛlɔ ni, baakɛ́ bana lɛyuƒɔla. Na bekyuli babuni baakɛ bana lɛbuni kɔsia.

Agba 19:29

Bekyuli bani muudumi bekyuli taama ni, Unwoti ɔdubo-ma kɔtu bɔni. Na badɔlɔdi kama kadubo kugyiimi butaaƒɔ.

Hiob 19:4

Na si sɔsɔ na ɔdi ka ami náƒiɔ ni, mina litemi na lɛdi.

Sakaria 12:14

Na adua akladi bekyuli ƒui lɛnɔ ku bana beleku lɛnɔ badubɔbla lɛni.”