Agba 8:7 - Katɔti Ɔku Kedee

⁷ Na lɛla lɛni ndi litemi geen lɛmmɔ na mina kenye kaasu. Na mina enyekuli ekisi ulikplu ala.

Agba 8:7 Referans Kwoze

Kɔgya 37:30

Ukyuli ɔni nsiaku Unwoti kama siin ɔɔtɛmi lɛnunda ku etemila ani nse sɔsɔ.

Yohane 8:14

Amu na Yesu ɔ́su-ma ɔnini, “Si ina muudie lɛlɔ kenye ni, mina kenye budie bubo unu, ɔsika ngyi kesii kani na lɛ́si, na ngyi kesii kani na lísela. Nsu amii bɛɛɛgyi kesii kani na lɛ́si iye kesii kani na lísela.

Yohane 17:17

Bla-ma kedee te ƒula lɛlɔ ɔkɛnku ƒula etemila geen ani na bénu lɛlɔ. Ɔsika ƒula litemi lɛdi litemi geen.

Agba 12:22

Unwoti ukisi bekyuli bani naaadi bana linyese lɛlɔ. Na bani mɔɔbla taasiaku-mu lɛlɔ baayɔ́-nwu kaƒɔ.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Agba 29:27

Bekyuli babuni balayɔ bekyuli bekpidi. Na bekyuli bekpidi lɛnɔ balayɔ bekyuli babuni.

Hiob 36:4

Na akana na aƒɔ adi geen ka lɛla lɛni na mɔɔsu mɛni lɛdi sɔsɔ.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Agba 16:12

Ɔga ɔdi ulayɔ likyulikpi ala bɔbla, ɔsika litemi geen lɛlɔ bɔdi lɛlɔ na ɔɔsia taadi bekyuli lɛlɔ.

Romaƒuɔ 15:8

Ɔsika mɔɔsu-mii nwaa nnii Kristo únwini Yudaƒuɔ ubunkune kalɛ na udie ɔtina ka kenye kani na Katɔti ɔ́su Yudaƒuɔ ɔtɔ eƒi benengu úse ni, ɔ́di-ka lɛlɔ na kébo kete lɛni sɔsɔ.