Agba 8:12 - Katɔti Ɔku Kedee

¹² “Ami ndi lɛnunda, na nli na unwi bɔbla kemmo ku litemi bɔtɛ na ulu geen ɔmmɔ lɛlɔ. Mbo lɛlati ku ala kemmo bɔnu taati.

Agba 8:12 Referans Kwoze

Yesaia 28:26

Unwoti nátina umonsene ulu ɔbuni ɔni lɛlɔ na ɔkya edula.

Israelƒuɔ Bɔlɛ 35:30

Amu na Mose ɔ́su Israelƒuɔ bammɔ ɔnini, “Unwoti údie Besaleel ɔni ndi Uri ubidi na ɔdi Hura uwɔ ɔni nási Yuda kaba kemmo.

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.

Agba 1:4

Agba amɛni ndubɔya na bani na bana kasusu kásɔ bati lɛla. Na begblebi ku bakloƒu bati lɛla na babla kasusu na bana keliela lɛlɔ.

Koloseƒuɔ 2:3

Kristo ɔmmɔ kemmo na Katɔti úti nwuna lɛlati ku lɛnunda ƒui ɔ́bɛla ɔ́kya.

Eƒesoƒuɔ 1:11

Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.

Kɔgya 104:24

O Unwoti ábla ala pii ɔkɛnku ƒula lɛnunda lɛlɔ. Na áya na ƒula ala ediedi áƒɔ kalɔ kammɔ ƒui lɛlɔ.

Ala Alɛdi 1 28:19

Amu na Dawid ɔ́su Salomo ɔnini, “Unwoti údie ɔ́tina-mi kalɛ na ɔɔwia ka batu nwuna kakpakɔ kammɔ.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Eƒesoƒuɔ 1:8

Lɛƒɔndia lɛni neeebo bɔkɔku bɔdi. Ɔkɛnku nwuna lɛnunda ku kalɛ na nwuna kasusu kagyi lɛla biala ɔsu ni,

Ala Alɛdi 2 13:14

Yudaƒuɔ bekpone bánu báti ka bana bekisine báaka-ma bákya, anwuɔsu bákpali Unwoti na bévele-nwu banii ubunku-ma. Mmɔ na bakpane bammɔ bávwi bana kekpo kati bute ese,

Baga 1 7:14

Ɔnana ɔmɛni uni ɔdi ukpinele na ɔ́si Neƒtali kɔdua kemmo. Na ɔti ɔ́si Tiro na ɔɔbla abuala egyiedi lɛlɔ kabla. Na Huram ɔmmɔ ɔlati ɔgyi abuala egyiedi lɛlɔ kabla lidu lidu geen. Úbo Ɔga Salomo kudɔ, na úbabla kabla kani ƒui na úte-nwu ka ɔbla kaduɛ.

Ala Alɛdi 1 28:12

Na Dawid úti kakpakɔ kaduli kammɔ bɔtaa lɛnɔ úte Salomo na kadanku kalɔ ƒia kani na kewi kámana kakpakɔ kammɔ ku lɛtɔ lɛni kemmo na badubuse kakpakɔ egulabi ku ala ani náƒɔ kuye mmɔ ku etela ani bédie bése sɛsɛɛ béte Katɔti.

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.