Agba 6:21 - Katɔti Ɔku Kedee

²¹ Bo-nya da ƒula kayi lɛlɔ uwi ƒui. Na ebo-nya ada ƒula limɔ.

Agba 6:21 Referans Kwoze

Agba 3:3

Tanyonu lɛƒɔndia bɔbla ku litemi kama bɔsiaku siin. Ti ala amɛni bo bala ƒula limɔ na aya na akɛ keliekɔ na ƒula kayi kemmo.

Korintoƒuɔ 2 3:3

Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Agba 4:6

Tenwini kama takya lɛnunda, na lɛdubo-ɔ bɔgyumana. Yɔ lɛnunda na lɛdubo-ɔ lɛlɔ bɔnu.

Lɛkpa Ulu 6:8

Binweni-mu bɛsia lɛla lɛdi lɛlɔ na binyimi-mu bɛda bina enu ku atɛntɛ lɛlɔ aani linyimola.

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Agba 4:21

Taya na mina etemila avi-ɔ anu. Mmomu ya na eduo-ɔ kayi kemmo geen.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.