Agba 6:14 - Katɔti Ɔku Kedee

¹⁴ Bana kayi kemmo kasusu kekpidi kaayá na likpidi kɔkwɛ kani na baakya. Na baakya lɛsɛ uwi ndi uwi.

Agba 6:14 Referans Kwoze

Mika 2:1

Bɔbuɛ muute amii bani na likpidi kɔkwɛ kani na bɛɛkya na bɛɛtɛ bina atɛla lɛlɔ teeti likpidi kasusu uwi biala. Na si kadi kégye na bɛɛnu ka bɛ́bla lɛla lɛmmɔ, ɔsika bɛɛnu ka bibo ɔyikun.

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Hosea 8:7

“Ɔsika si ágya ɔƒɛƒɛɛ ni, ɔƒɛƒɛɛ ɔni mɔɔkya ligede na adubo bɔnu. Na kamu kani nátakya ebi kalayu taabla ligyie na bekulo-ka bababla lɛdila lɛdi. Na si ina kákya ebi muedi ni, bekisine badubo-ka buyu bɔtɔlɔku-mii kudɔ ƒui.

Esekiel 11:2

Mmɔ na Unwoti ɔ́su-mi ɔnini, “Esekiel, ɔyawine ubi, bekyuli bamɛni bakya beeti kasusu kekpidi na baakya Yerusalemƒuɔ kasusu kekpidi kammɔ.

Yesaia 57:20

Bekyuli bekpidi bese aani ɛpu ɔni mɔɔnwanɛ lɛlɔ na ɔɔtala nwuna kalɔ eku ku aba uwi biala.

Yesaia 32:7

Balalane ni, ɔkɔ na baanyi taasu ala, na baabla likyulikpi ala na baakya likpidi kɔkwɛ kalɛ na badu bekyuli bani nse kpɛtɛ kpɛtɛ na baayaki ala na belenu-ma buvele ina dɛ na beekpi-ma kɔtɔ banii banu-ma kɔnyana.

Agba 22:8

Bekyuli bani na litemi lɛlɔ tadi ulu lɛlɔ ebi na baavá na bekyuli akɔ ni, ɔgbankpi ebi na badubo bɔƒɛ. Na bana liƒu lɛni baakya bekyuli na baadi-ma lɛlɔ kenye kadubo buklo.

Agba 21:8

Bekyuli bani na bana kayi kaadú-ma kɔtɔ na bana ablala ɔsu ni, lilu lɛni neeese siin lɛlɔ na baaví. Na bani na lɛla lɛdi lɛɛɛda-ma ni, baasia lilu siin lɛlɔ.

Agba 3:29

Awɔ ku ukyuli ɔdi bitasa lili likpidi na ƒula liku ɔkpana lɛlɔ, ka bilie bide ku ebiti.

Agba 2:14

Na ebiti aada-ma ka bataabla likpidi na lɛlɔ lɛɛyɔ́-ma na bana likyulikpi ala bɔbla lɛlɔ.

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Kɔgya 140:2

Likpidi bɔbla kakali kani na bekyuli bammɔ beeti. Na baakya kekpo uwi ndi uwi.

Agba 16:27

Balalane beenye taawia kuƒi kɔni na babla likyulikpi, na bana etemila adi ogya bonwu ɔni mɔɔkywí teebile ala.

Agba 17:20

Kayi kani naaasia ulu unwi lɛlɔ ni, ala alátɛku-nwu. Na unyemi ɔni mɔɔtu ala teenwini ni, ukyuli ɔmmɔ ɔɔbla gyoli gyoli teetéduo lɛbibo kemmo.

Agba 24:8

Ukyuli ɔni muulie taabla likpidi kasusu ni, lɛsɛ ɔkyane lɛnyi na ɔɔƒɔ́.

Kɔgya 140:3

Bágyu bana inye beti yayaaya aani balakpi. Na bana inye bɔɔdú bekyuli aani kɔlakpi bɔdu kalɛ.

Agba 3:32

Bekyuli bekpidi bammɔ ala eesé Unwoti lɛlɔ geen. Nsu bekyuli bani nse siin ni, ulábɛla-ma nwuna kasusu.

Agba 14:22

Si aawia ukyuli likpidi ni, adubo bɔyii. Nsu si lɛbuni na aawia ukyuli ni, Unwoti ɔdubɔyɔ-ɔ uwi ndi uwi na ɔdi nwuna litemi lɛlɔ ute-ɔ.