Agba 3:1 - Katɔti Ɔku Kedee

¹ Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo.

Agba 3:1 Referans Kwoze

Agba 4:5

Nu ka ebo lɛnunda ku ala kalɔ bunu. Na tayiƒala mina etemila iye edeyi-nya kudɔ esie kesii bamba.

Kɔgya 119:16

Lɛlɔ lɛdubo-mi butaayɔ na ɔda bubo bɔmɛni lɛlɔ. Na lɛɛɛdubo ƒula etemila amɛni bɔyiƒala kudii.

Agba 1:8

Ubi, se atu na enu ƒ'ɔti ɔda bubo. Na teni ƒ'ini lɛla lɛni na ɔɔtina-a.

Kɔgya 119:93

Lɛɛɛdubo ƒula ɔda bubo bɔda bɔnyonu kudii, ɔsika ɔkɛnku-mu lɛlɔ na éti ada-mi na mmu nli ngba.

Kɔgya 119:34

Die-mu kalɔ te-mi na lɛsiaku-mu kama. Na madi-mu lɛlɔ lɛnɔ ku mina kayi ƒui.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Lɛkpa Ulu 8:1

Si bɛ́sia anu na bɛɛdi ɔda bubo bɔni muute-mii ɔmwi mɛni ƒui lɛlɔ ni, bɛdubusie na bitélie kalɔ kani na Unwoti úse kenye ka weti wete bina bati kuuku mmɔ lɛlɔ. Na bɛdubulie mmɔ na bimomo na biti kalɔ kammɔ binwini bina ɔdi.

Kɔgya 119:153

Nu kalɛ na muubó abi na edie-mi. Ɔsika naaayiƒala ƒula ɔda bubo.

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Lɛkpa Ulu 4:9

Nsu uwi ɔni na bilie ngba mɛni ni, binye kagyumana uwi biala kemmo kalɛ na bilayiƒala ɔda bubo bɔmmɔ. Na ala ani ƒui na bíti bina anumi bɛ́nu ni, biti bɛsu bina bebi ku bina bawɔ.

Kɔgya 119:176

Lɛ́yii ulu aani koƒonu kɔni náyii. Wia-mi ƒula kabla ɔblane kama ulu, ɔsika ntayiƒala ƒula ɔda bubo.

Lɛkpa Ulu 4:23

Na bɛnu kaduɛ na bitayiƒala lɛla lɛni na Katɔti únyimiku-mii mmɔ. Na bɛdi nwuna ɔda bubo lɛlɔ bɔni násu-mii ka bitavɔ iye bitanwi lɛla lɛdi bitese bitete lɛlɔ mmɔ lɛlɔ.

Agba 31:5

Ɔsika si báni ntɛ ni, ɔƒɛni kalɛ badubɔyiƒala lɛla lɛni na ɔda bubo bɔmmɔ bɔɔtina na balakana litemi bɔtɛ budie bani na baanya taakya na bakɛ bana kuƒi kadikɔ.

Yesaia 51:17

Yerusalem kadi bekyuli, bɛta! Bɛta binye, ɔsika Unwoti lɛtuni lɛni na úte-mii na bɛ́ni aani ntu na ɔɔƒɛɛ kemmo límo-mii lɛ́vili ɔƒaamu. Bɛ́ni lɛla biala útédu eku ekplodi na bɛsɔ bilakana na bisie ligeen.

Israelƒuɔ Bɔlɛ 20:6

Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Kɔgya 91:16

Ndubɔya-nwu na ulie ngba gyɔlɔɔ na udu-nwu ɔkwɛ na lɛƒɔ-nwu ngba.”

Kɔgya 119:61

Bekisine baakywɛ-mi kɔkpagyuɛ nsu lɛɛɛdubo ƒula ɔda bubo bɔyiƒala kudii.

Agba 2:1

Mina ubi, si áƒɔ mina etemila, na áklibi mina ɔda bubo ése éte lɛlɔ,

Agba 4:2

Ala ani ndi etemila geen na áƒɔ kuye na mɔɔtina-mii. Anwuɔsu bitenwini kama bitakya-nya.

Agba 16:31

Liliƒuala lɛdi kagabwa kani muukeye. Na Unwoti uuti-ka teete bekyuli bani muulie ngba buni.

Agba 23:26

O mina ubi, ti ƒula kayi te-mi. Na ƒula anu asia lɛnunda ulu ɔni mɔɔtina-a lɛlɔ.

Lɛkpa Ulu 5:16

Bu ƒula ɔti ku ƒ'ini aani kalɛ na ami bina Unwoti líbo-mii ɔda na adubulie ngba gyɔlɔɔ na keyi kadubɔyɔku-ɔ na kalɔ kani na líti muute-ɔ lɛlɔ.

Lɛkpa Ulu 5:33

Bɛdi-mu lɛlɔ ƒui kalɛ na lɛla biala bɛdubɔbla lɛtɛ lite-mii na keyi kadubɔyɔku-mii na bilie ngba gyɔlɔɔ na kalɔ kani lɛlɔ bísela bitélie mmɔ.

Agba 4:21

Taya na mina etemila avi-ɔ anu. Mmomu ya na eduo-ɔ kayi kemmo geen.

Agba 8:1

Ɔɔɔdi bɔkpali na lɛnunda lɛda bekyuli? Na ɔɔɔdi ala kalɔ bunu muubó kudu momoomo mmɔ?

Agba 9:1

Lɛnunda lɛ́tu ɔtɔ, na nwuna kemmo kéwi. Na ɔtɔ ntɛ akpa maatɛ ada-nwu.