Agba 29:1 - Katɔti Ɔku Kedee

¹ Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Agba 29:1 Referans Kwoze

Agba 6:15

Nsu ɔgbankpi ɔdubɔsiaku-ma kɔnakunwi. Na badubɔyii udu ɔni na baaagyi beeese, na kakwɛ kadi keeebo.

Samuel 1 2:25

Si ukyuli ɔdi ɔ́bla nwuna ɔkpana lɛla lɛdi ni, Katɔti ɔɔkana na ɔɔklibi bana ntɛ litemi na unwi bɔbla bubo. Nsu si Unwoti ɔmmɔ ɔlati na áƒiɔ bɔƒiɔ bonwu bɔdi udu ni, ɔma ndubɔkana awɔ ku Unwoti ntɛ buduo na uvele ute-ɔ?” Nsu ɔmɛni ƒui ni, bebi bammɔ bétenu bana ɔti bɔdɔnku ku bɔlɛ. Ɔsika Unwoti ɔ́ɔlɛ ugyii ka ɔyila-ma udu.

Agba 28:18

Bekyuli babuni ni, Unwoti ɔdubudie-ma, na lɛla lɛdi lilabla-ma. Nsu bani na bana kasiakɔ kese gontii ni, Unwoti ɔdubɔyila-ma udu.

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Yohane 13:26

Amu na Yesu údie kenye ɔnini, “Ukyuli ɔni na ndubuti bodobodo ɔdi litu kutu lite ni, anwu na ɔdi.” Anwuɔsu Yesu ɔ́bwɛ bodobodo blii ɔdi útu kutu na úti úte Yuda ɔni ndi Simon Iskariot ubidi.

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Batalane Kabla 1:18

“Nsu ɔ́bla likpidi na ɔ́ƒɔ egulabi ani na béti bétéye kalɔ kani lɛlɔ na útékpi. Mmɔ ka úbuli ni, ɔ́bwɛ na nwuna aƒɔla ƒui álɛ éwi keyi.

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Ala Alɛdi 2 36:13

Amu na Sedekia ɔ́ta únye Ɔga Nebukadnesar lɛlɔ ina ka ɔ́kpali Unwoti lɛnyi na úse ɔga ɔmmɔ kenye ka ɔdubɔdi nwuna litemi lɛlɔ siin. Nsu Sedekia ɔ́bla atu ɔkplu na úni ka ɔvumana kayi na unwini ubo Unwoti Israel Katɔti kudɔ. Na ɔ́ta únye Nebukadnesar lɛlɔ.

Ala Alɛdi 2 33:10

Unwoti ɔ́dɔnku Manase ku bekyuli bammɔ ƒui kɔlɛ kɔlɛ, nsu béni.

Baga 1 22:28

Amu na Mikaia údie kenye ɔnini, “Si énwini ébeduo buɛɛ ni, na agyi anii Unwoti útatɛmi útasiaku-mi lɛlɔ.” Amu na ɔ́su bekyuli bammɔ ɔnini, “Bise mina litemi lɛni lɛ́su mmɔ likpo!”

Baga 1 18:18

Amu na Elia údie kenye ɔnini, “Ńtakya lɛsɛ lɛdi na Israel. Nsu awɔ ku ƒ'ɔti kaduli na ɔ́si. Ɔsika bíni Unwoti ɔda bubo na bísie bɛ́siaku Baal kama.

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Samuel 1 2:34

“Na lɛla lɛni ndubɔlɛku ƒula bebi Hoƒni ku Pinehas ni, anwu na adubuti ati lɛla lɛni na mɔɔsu-ɔ mɛni. Bana inyɔ badubo bukpi limeyi linwi.

Yesaia 48:4

Ngyi ka bibo atu ɔkplu ku lili ɔkplu.

Ala Alɛdi 2 25:16

Nsu kenye udiene ɔmmɔ útawɔlɔ tɔ lɛla lɛni na uuye asa na Ɔga Amasia ɔ́tu-nwu kenye ɔnini, “Aaadi mina kasusu bakyane akɔ ɔdi! Anwuɔsu si aaagyi na ásɔ ébimi kenye ásu lɛla lɛdi ɔƒɛni ni, ndubɔya na badu-ɔ.” Mmɔ kani na kenye udiene ɔmmɔ ɔ́da butemi ɔ́ya. Nsu ɔ́su ɔ́sia ɔnini, “Katɔti úse ka ɔyila-a udu geen! Ɔsika kudeedi ni, ábla likpidi na ásɔ éni mina bɔlɛ.”

Baga 1 20:42

Na kenye udiene ɔmmɔ ɔ́su ɔga ɔmmɔ ɔnini, “Lɛni na Unwoti ɔɔsu ɔnii, ‘Ukyuli ɔni na líbo-ɔ ɔda ka badu-nwu ni, áya na úkeli. Anwuɔsu adubuti ƒula ngba aƒɔ kayu. Na ƒula bekpone lɛnɔ badubɔyii ku udu, ɔsika áya na Ben-Hadad bekpone békeli.’ ”

Hiob 9:4

Nwuna lɛnunda kemmo kágyu, na nwuna ɔyikun uuubo bɔka. Ɔma náta únye Unwoti lɛlɔ dii na úse-nwu buɛɛ?

Agba 28:28

Si belikplune baadi bekyuli lɛlɔ ni, bɔbɛ na bekyuli baabɛ́. Nsu si belikplune básiaku ɔgbankpi ni, bekyuli bani nse siin beemomo.

Yeremia 36:31

Awɔ ku ƒula bebi ku ƒula kabla bablane ƒui bibo likyulikpi. Anwuɔsu ndubo bina ƒui kɔtu bɔni. Lɛ́lɛ awɔ ku Yudaƒuɔ ku Yerusalemƒuɔ ƒui kpakplaa ka ɔgbankpi ɔdubo-mii lɛlɔ, nsu ɔdi útabu-mi litemi. Anwuɔsu ɔƒaani, amii ɔdi ɔ́sa!”

Habakuk 2:7

“Nsu bɛɛɛdubo bɔti buse asa na bekyuli bani na bɛda kɔyu badubɔta bebenye-mii lɛlɔ banii bɛƒɔ-ma bana kɔyu na binwini bekeline bani ndubo butaayia.

Israelƒuɔ Bɔlɛ 9:7

Ƒarao ɔ́tala bekyuli ɔnii betéye benu si Israelni ɔdi ebuo úkpi. Na bébete-nwu bɔti ka ina Israelni ebuo unwi útekpi. Nsu ɔmɛni kama ƒui Ƒarao ɔmu ɔɔyu kayi ɔkplu. Na útete Israelƒuɔ kuƒi na batɔlɔ.

Agba 28:14

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Yesaia 28:22

Anwuɔsu bɛda bina edumi ku lɛma bɛya si ɔɔɔdi lɛni ni, bina lɛbuli lɛni nényimi-mii lɛdubo bɔbi bubu, ɔsika línu kadi ƒui Unwoti Katɔti lɛla lɛni na únyimi úse ɔ́si kalɛ na ɔdubɔkyula kalɔ kana ƒui lɛlɔ.

Yeremia 14:19

Unwoti, buni na éni Yuda? Na eekisi Yerusalem? Bi ɔsu na ébo Yuda áva kalɔ na áya na ɔ́ƒɔ ɔlɛ bonwu lɛni? Bula lɛnunsia ndi ka badubɔkɛ keyi buɛɛ na abwi-bu, nsu liƒu bonwu lɛmɛni na áya na líbo-bu lɛlɔ.