Agba 28:5 - Katɔti Ɔku Kedee

⁵ Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Agba 28:5 Referans Kwoze

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Yohane 1 2:20

Nsu amii ni, Kristo ɔ́ya na nwuna Kɔyu kɔ́ƒɔ-mii lɛlɔ kemmo, na bina ƒui bɛgyi Katɔti litemi geen.

Kɔgya 92:6

Ususu ɔdi ulakana-ka bɔnu bɔti na ɔdɔlɔdi lɛnɔ ulénu-ka kalɔ.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Agba 24:7

Ɔdɔlɔdi ɔɔnu lɛnunda kakaaka. Na si batɔnkune bása beli ni, ɔdɔlɔdi ulakɛ lɛla lɛni na ɔsu.

Agba 15:24

Ɔnundane kasiakɔ kási mɛni késela ngba ƒui kemmo na katɔ, ɔsika kaƒiɔtɔ kelénwini-ma keliekɔ uwi ƒui.

Kɔgya 119:100

Na ngyi enengula ntulo benengu geen bammɔ alati, ɔsika nda ƒula ɔda bubo bɔmmɔ geen.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Agba 2:9

Na adubunu lɛla lɛni ndia na lɛdi ulu lɛlɔ siin kalɔ na ulu buni biala lɛlɔ.

Yesaia 6:9

Na ɔ́su ɔnini, “Ɛɛn, awɔ sie! Tásu mina bekyuli anini, “ ‘Bɛdubunu mina etemila, nsu bɛɛɛdubo-nya kalɔ bunu. Na bɛdubɔnu ala ani mɔɔbla nsu bɛɛɛdubo-nya bɔnu bɔti na binu kalɔ.’

Yesaia 44:18

Bekyuli bani ƒui mɔɔbu baƒiɔ ni, anumi ábwɛ-ma na balánu na kasusu lɛnɔ kékpi-ma na belenu lɛla lɛdi kalɔ.

Kɔgya 119:98

Ƒula ɔda bubo nkɛnku-mi uwi biala na bɔɔyá na mɔɔdá anu teetulo mina bekisine.

Yesaia 1:3

Ɔmantɛ akɔ ɔgyani ɔgyi nwuna ɔtɔlati. Na ebuo ala utine ɔgyi kalɛkɛ kani kemmo na nwuna ɔtɔlati uuwi-nwu adila. Nsu mina kadi bekyuli Israelƒuɔ ni, ama beeese lɛni. Na belenu tɔ lɛla lɛdi kalɔ úti úbedu ɔƒɛni.”

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”